1 Ana" Davi shid yo, joe" va" ru mung: yao: zo: Sholomun re phyo mho" dao: ta" co' ra". Myid gaung byu alhab' bam: ye:2 ca" gau: khyo ngo ye: naeva". – Ai ru: mung: nao wa qam: yu yang: yaug gai:3 bun ci: qhu" na wa, . – AsAng Mo"so ngo re myo, myhung" byid' ra". Nao na: qin" ra" jo, qo lam: khao: ngo" mae aung myaug sho' Moshe; tarha" paug' tau tung" to" we' dakhyo: ni" AsAng Mo"so pin: to" mung dao: re beim" na zo" yao" khyo cao" na mung: yao" mho" myain" mho" thoe , pin: to" dao: kheim: , tarha" pyam" ra" dao: we' sagso:4 dao: jham re cao" pyang" na wa, . – Ai ru: ni" zo: myid: qe vin tang: na ye; lo" mung: dang main" ra" khyo" cao" yang: yao: yao" aung khug alhab' nhag' lam: alhab we' nga" qhid' kheim: na ye; na ko" ngaid: re Israel mang: din" zaung tao" mae ni" byu jao: xag' qug tau: dayaug bin dayaug xo' yang: yang: qo" zaung: na nae" ngaid: ga: lamy-5 hung" qhu" ra". – Ai: tho' mae" zerua yao: zo: Yaba ngo re kaid' ra" akhyo nao ba: ra". Yao: wa ni" zo: Abana we' Yethera yao: zo: Amasa mang: ra" Israel gye zo: mo" shid' yaug re se' pye' mung: gye se' jao: majo, qe re: sa: sheim: pye' ru we' yao" phyid' dam: mae" phyid' cui: re re: , yao" khyid zhaung:6 re re: gye se' sa: zai" lhau" yu: ra". – Nao qo" ba: lag; yu: we' dakhyo: yao: re loge, phaug' ra" khyo" au: phyu: ru we' movo:7 mug: khyo dagyo" lo" nhao. – Gi laid' mang: byu bezile zo: myid: qe re kam" wa nao jeju qhu" byid: shao: . Yao: bam wa ni" zo jaung: tau bo: zo: mo; gu: mae bobo: na shao: . Ngo ni" mao: Abashalung: mathao phao: qin" ra" au: yao: bam ngo re ai: khyo8 le; mae" li" tug; yu: ako". – Ngo Mahanim: vomo" ye" lo" ba re makhyang" ra" Benya- min boe: Geya yao: zo: Shimi re: nao we' daga" bo: na: jo; ra". Yao: kam" wa Yodain: qid yae mae ngo re li" tug; yu: ma thao nao re ngo ma se' ein: AsAng Mo"so mang lao:9 yang: nhang: kheim: ke' to: va". – Ai qe re: nao juyi bo: ru mung: ai: yaug re qobo maqo" ein: magai: qu" to: . Yao: re nao kho ru: loge, phaug' nae" nao ba: ra". Yao" au: phyu re sa: we' movo: mug: khyo gyo" lo" nhao wa; ga: pin: to: co' ra".10 Ai mae" Davi wa pho" phug' qe we' daga" yab pyo" lo" mung: Davi vomo" mae11 nyhab' shaung ko" ra". – Davi wa Hebron mae nhaid' zin , Yerusalem: mae sam xe sam zin , Israel mang: din" re zin lam byid12 xe zin ug; ra". – Sholomun jhaung zug: yao: pho" Davi tao" mae zaung mung: yao" mang: kheim: so' je: qi" li" ra".13 Ai: thao Hagid yao: zo: Adoniya wa Sholomun: yao: myhi" Batsheba jhao" ye: mung: Batsheba wa nao ngaui pyo" au: khyo" li" i"? ga: myid' re ngaid: wo" ga:14 ta" ra". – Adoniya wa ngo ta" nae" akhyo daja: bo: ga: mho lao" Batsheba wa ta"15 la, ga: mho: ra". – Alao" Adoniya wa nao ba: ru we' dakhyo: ai: mang: din" nga" lo, khug tau ngaid va". Ngo tao" zaung nae" re Israel byu qe alhab' nga" shaid' myo, khung: qang veko". Ngaid qere: mang: din" ai nga" nhaung" lo, khug khyo ngaid: byaug va". Ai wa AsAng Mo"so: tau" da ngaid: . –16 Ana" ngo daja: nao jhao" mho' nug: .daha byid: la, ga: ta" re Batsheba wa ta" la, ga:17 mho: ra". – Yao: wa Sholomun jhaung zug: Shunem myiqe: zo: Abishai ngo re byid: shao: mho' byid: la, . Jhaung zug: pho" nao18 re mavae" ha nae" ga: ta" ra". – Batsheba wa gai va" ngo ni" akhyo jhaung zug: jhao" ta" kyo: byid: nae" ga: mho: mung: Adon- iya tau: mae" jhaung zug: Sholomun jhao" zhao: kyo: nae" ga: ye" lo" ra".19 Jhaung zug: wa yao: myhi" li" lao" yao: re tug; yu nae" ga: to" yang: yao" qhid' kheim: mae gam" goe, yang: yao" zaung tao" tau zaung: ra". Yao: myhi" zaung nae" jao: re re: yao" lo, yo shaid' tau nyhang"20 jaung byid' ra". – Alao" yao: myhi" wa ma vai" za" mau" daja: nao jhao" mho' nug: ra" daha byid: la, ga: zhao: re jhaung zug: pho" wa nga" myhi" we" nao mho' re ngo maha21 nae" ga: ta" ra". – Yao: myhi" wa Shunem myiqe: zo: Abishai re ni" mao: Adoniya re22 byid: zho: wa, ga: mho: ra". – Alao" Sholo- mun jhaung zug: wa nao pe" mung: Adon- iya tau: mae" Shunem myiqe: zo: re za: li" mho' mang: din" re re: yao" tau: mho' wa, . Yao: nga" mao: ngaid: ra" mathao yao" tau: mae" re: khin jaung Abyata we' Zerua yao: zo: Yaba qhid' mae" re: mho' wa, ga: yao:23 myhi" re mho: ra". – Adoniya kao seim: byaug nae" tau: ce dao: mata" ru dang: ngaid: re AsAng Mo"so ai tho' mae" je: qi"24 ru ngo re phau: nhao shao: . – Pin: to: co' va" we' dakhyo: ngo re tang" nha: to: mung: nga" pho" Davi zaung tao" mae zhaung: to" ru we' ngo re jhaung zug' vang mae vhin: nha: to" AsAng Mo"so daui: na: we' dakhyo: Adoniya wa ana" ba yao: dang dang kao je, zai va" ein: AsAng Mo"so: mang kheim: lao:25 yang: nhang" ra". – Ai: thao Yehoada yao: zo: Benaia re nhao: ke' mung: Adoniya re shid sho' se' pye' nhao: ra".26 Khin jaung Abyata re re: jhaung zug: khai: yu mung: nao Anathod vomo" , nao sang: ra" ni" mug: khyo lo" se. Nao shid main: va" qere: ana" ngo mase'. Pe" mung: ga" re AsAng Mo"so: bain" re nga" pho" Davi qhid' kheim: mae vo; ava". Nga" pho" qug: khai: phau" ra" jo, qo khao: ngo" tau27 nao bo: cao: kyi" qin" ava" ga: mho: ra". – AsAng Mo"so wa Shilo vo mae" Eli boe: qe: akhyo ta" kyo" dao: dang: lo shao: Sholo- mun Abyata re AsAng Mo"so khin jaung aya: mae" khyo" nhao: pye' ru ngaid: .28 Yaba wa Abashalung thao mabo: cao qe re: Adoniya thao bo: cao su mung: ai: lau dao: the' gyo: lao" AsAng Mo"so seim zaung khyo tao" ye: yang: phain a jheim khyug29 tau ye: zaui" na: ra". – Yaba AsAng Mo"so seim zaung khyo tao" ye" ava". Phain nhae mae na jo; ra" ga: Sholomun jhaung zug: re ye zhao: kyo: ko" re Yaba re ye se' pye' wa, ga: Yehoada yao: zo: Benaia re nhao:30 ke' ra". – Benaia AsAng Mo"so seim zaung khyo ye: mung: jhaung zug: khai: ra" ga: ye ta" re Yaba wa ngo macao cetau mae shid kham nae" ga: ta" ra". Benaia wa Yaba ai ru: ga: ta" ra" akhyo jhaung zug: re lo" zhao:31 kyo" ra". – Jhaung zug: wa qobo mabo: yaug: kao re Yaba se' ra" qobo mathao ngo we' nga" pho" yham mae" kyang" pye' nae". Amung: yao" dao: we' dakhyo: zaui: so: se'32 pye' yang: nyhab' shaung: pye' ge, . – Yao: wa yao: tho' je: dang main" gai shab: byu Israel zug: jhaung Nera yao: zo: Abana we' Yuda zug: jhaung Yethera yao: zo: Amasa re nga" pho" Davi maba lo: shae: yang: se' pye' qobo AsAng Mo"so: yang yao" au: dao33 dam: tug' kai: byid' ava". – Ai tao: sa: Yaba au: lam: dao mae re: , yao" aboe: anhae mae re: dapyaid dato khyao za: a jo; na shao: Davi we' yao" akaung , yham byu , yao" zaung tao" mae wa AsAng Mo"so mae" ngaui pyo: yaug yo: ru khyao za: ajo veshao:34 wo" ga: mho: ra". – Ai mae" Yehoada yao: zo: Benaia ye" lo" mung: Yaba re ye be; se' pye' ra". Mao gaung re seyo mae" yao" na yham tau nyhab' shaung: pye' ko" ra". –35 Zug: jhaung Yaba khu mae Yehoada yao: zo: Benaia re , Abyata khu mae khin jaung za dug' re jhaung zug: khyo" jaung: nha: to" ava".36 Dam: jhaung zug: pho" wa Shimi re khai mung: nao Yerusalem: vo khug tau yham kaid' yang: na ca" nae". Vomo" taung37 gaung khai: khyo re: dathug' ye: . – Vo khug mae" thug' yang: Kedaron: gyaung: gau" de, lao" gau" de; ra" ba se' pye' ru dang dang qhug' nae" lha" beim" na wa, . Ni" sa: ni" au: dao mae gyo" nae" ga: yao: re mho:38 ra". – Shimi wa gai: ra" nga" asang jhaung zug: mho: khyo: ni" jeim cao" na nae" ga: jhaung zug; re ta" yang: Yerusalem: vomo" mae gyai myao" sho' na: ra".39 Ai qere: sam zin lai thao Shimi jeim shid' yaug Gata mang: zug: Makha: yao: zo: Akhi jhao" phao: vao lo" ko" ra". Ai: jeim shid' yaug Gata mae na: ga" akhyo Shimi40 re zhao: kyo" ako". – Alao" Shimi to" yang: yao" myao: khin shaung: ci co'mung: jeim shid' zo: re qho nae" tau: Akhi jhao" ye: mung: jeim shid' zo: yekhai: jhui" lo: ra". –41 Shimi Yerusalem mae" Gata ye: mung: dam: lo khyo Sholomun jhaung zug: the'42 gyo" ra". – Ai ru: mung: jhaung zug: wa Shimi re khai: yu mung: nao vomo" mae" khai: khyo ngaid ngaid thug' lo" lao" thug' lo" ra" ba yao: nao dang dang shid qhug' nae" ein: AsAng Mo"so: mang kheim: lao: yang: ngo nao re nhang" to: va" mangaid: i"?. Nao khyo" re nga" qhid' kheim: mae a myin" dao: gai: kyi va" ga: khae: yu: ava". –43 Airu: mung: AsAng Mo"so: mae nhang" to: va" dao: so: cao" yang: re: , ngo nao re mho: to: va" dao: cao" yang: re: pe" mung: lhoe"44 pye' ru ga: yo" ra". – Xo' yang: jhaung zug: wa Shimi re ni" aung khug mae" makhy- ang" ru alhab' nga" pho" Davi re nao ceim" qhu" ava" ru: nao yao: ba: ra". Ai ru: mung: AsAng Mo"so: yang ai: akhyo jham re ni" au: dao mae dam: tug' joe" nhao: ava". –45 Sholomun jhaung zug: wa min qo" kham: yu mung: Davi zaung tao" kam" wa AsAng Mo"so: qhid' kheim: khyo za: apyaid ato gang" tang: jo, shao: wo" ga: dam: paug'46 mho: ra". – Yehoada yao: zo: Benaia re amyin" byid' ke' mung: yao: taung gaung thug' ye: yang: Shimi re khang" se' pye' ra". Ai: mang: din" wa Sholomun: lo, mae tang: jo; ra".