1 Jhaung Zug: Davi kao qi: mung: mao: thao mai pho' vhe' ko" qe re: yao" gaung2 manyoe" byaug lo: . – Ai: mathao yao" jeim qe wa nga" asang jhaung zug' tau: zomyi: pin" dayaug qho byid: gelang: . Yao: wa jhaung zug: jhao" bo: na mung: caung shao: . Nga" jhaung zug: gaung nyoe: sho' ni" tao: kheim" mae yao: yab veshao: ga:3 ta" ako". – Ai mae" yao: bam wa Israel damang" geim" gyai dau nyang yaung" ra" zomyi: dayaug qho mung: Shunem vobyu Abishai re myao lao" yao: re jhaung zug:4 jhao" lo jhui" nha: to" ako". – Ai: myiqe: wa gyai qu" yaung" za" ru ngaid:. Jhaung zug: re re: caung gam zho: jhaug' ra". Ai qe re: jhaung zug: masang: yu: .5 Ai: thao Hagid yao: zo: Adoniya wa jhaung zug: kaid' nae" ga: tau" da myid myhao: ci mung: gye lhin" re: , myao: jhui: mo, re re: , yao" qhid' kheim: mae tao: nae"6 byu ngo" xe zo: re re: khyin: to" ra". – Yao: pho" wa nao pe" mung: ceru: kaid' ra" ga: dalhang re: nhag' no sho' ma ta" qu". Ai: yaug wa gaung khyao re: lam ga" qao" phao" thain" ru ngaid:. Abashalung yao:7 nhaung: re: ngaid: ra". – Yao: wa zerua yao: zo: Yaba we' khin jaung Abyata tao re qham mung: yao: tao re: Adoniya thao bo:8 de; ako". – Ai qere: khin jaung za dug' , Yehoada yao: zo: Benaia , lapa Nathain , Shimi we' Rei bam Davi thao de; ra" sulhe: qe wa Adoniya thao made, mabo ko". –9 Adoniya wa Enrogela shaid' mae jo; ra" Zoheled' laug the: yae mae yao , nung: xau: yaung" xeim: re se' ngaui" byid' ru mung: jhaung zug: yao: zo: ngaid: ra" yao" mao: nhaung: qe we' jhaung zug' sin: zo" daui mung qe ngaid: ra" Yuda byu qere khai:10 zhang" ra". – Ngaid qere: lapa Nathain: we' Benaia , sulhe: qe we' yao: nhaung: Sholomun re wa makhai.11 Alao" Nathain: wa Sholomun yao: myhi" Batsheba jhao" ye: mung: Hagid yao: zo: Adoniya jhaung zug: kaid' va" akhyo the' gyo: va" i"?. Jhaung zug: wa ba: i"?. –12 Ana" nao we' ni" zo: Sholomun kao qo" daui: na shao: ngo nao re juyi byid: nae". –13 Davi Jhaung zug: jhao" vao ye: mung: jhaung zug: mo" we" nao ni" zo: Sholo- mun nga" aya: khae: yu mung: tao" zaung ca" nae" ga: nao ngo re kheim: ke' to: va"14 mangaid: i"?. – Ai ru: nao jhaung zug: re zhao: kyo" na: au: ngo re: vao lo mung: ni" dao: re bo: tug nae" ga: juyi byid' ra".15 Alao" Batsheba wa jhaung zug: na: qe, khyo vao: ra". Jhaung zug: kam" wa gyai mao" hug; lo" mung: Shunem vobyu Abis-16 hai caung da" na: ra". – Batsheba au: gam" zo" jhaung zug: re pa" ra" au: jhaung: zug:17 wa pe" o: ra" ga: myid' ra". – Batsheba wa nga" asang we" nao ngo re ni" zo: Sholo- mun nga" aya: tao" zaung ca" nae" ga: nao AsAng Mo"so AsAng mae jham tang: mung:18 ngo re nhang" to" ava". – Ana" Adoniya lam: tao" zaung: na: ra". Jhaung zug: nao19 re: maba. – Yao: wa nung: , xau: yaung" gug' nyhug' we' yao xo sho' se' ngaui" mung: jhaung zug' yao: zo: alhab' bam: we' khin jaung Abyata , zug: jhaung Yaba jham re khai: ra". Ni" jeim Sholomun re kam"20 wa makhai ngaid: ra". – Ana" nga" asang jhaung zug: mo" we" ni" atha" jhaung zug' tao" mae khag' zaung nae" Israel byu qe re ta" kyo: wa, yao: bam: myo, jid' nao21 re nghae" qu" na: ako". – Ai ru: mangaid: re nga" asang jhaung zug: wa pho" phug' qe we' daga" yab pyo" lo" re ngo re re: , nga" zo: Sholomun re re: , tau: lhain" qobo gaung dau: ngaid: ga: mho: pye' genae" ga: ta" ra".22 Batsheba jhaung zug: we' jho" jhau: na shi" au: lapa Nathain: vao lo mung: lapa Nathain: vao lo: ra" ga: mho: ako". –23 Nathain: re yao" qhid' kheim: joe" lao" au:24 gam"goe, pa" zo" – jhaung zug: we" nao nga" jo, qo mae tao" zaung nae" Adoniya25 re akhang" byid: va" ein: mho va" i"?. – Yao: ana" ba gyo" lo" mung: nung: , xau: yaung" gug' nyhug' we' yao ajham ataung re se' ngaui" byid: yang: jhaung zug' yao: zo: alhab' qe we' gye zug' qe khin jaung Abyata re re: khai: yu: ako". Yao: bam Adoniya qhid' kheim: tau zo: shaug' na zo" Adoniya jhaung zug: kao qhang myo, myi:26 shao: wo" ga: zag: hug' na: ako". – Ni" jeim ngo , khin jaung za dug' , Yehoada yao: zo: beyana , ni" jeim Sholomun bam27 re wa makhai ko". – Jhaung zug' jo, qo mae tao" khag' zaung nae" ru re ni" jeim ngonhaung" re ma ceim" shid' mamho lo: jhaung zug: nao ce ra" mau" zaui" ra" i"? ga: zhao: kyo" ra".28 Alao" Davi jhaung zug: wa Batsheba re khai: lo ge, ga: ta" we' dakhyo: Batsheba li" mung: yao" qhid' kheim: ye; na: ra". –29 Jhaung zug: wa nga" kao so' solo re ja: nam jab; qug: khai: mae" khyaid' xoe: yu: ra" AsAng Mo"so a daui: na: we' dakhyo: –30 ni" zo: Sholomun nga" aya: tao" zaung mung: nga" gaung tha" jo, qo yu ca" nae" ein: Israel AsAng Mo"so re ngo jham tang: mung: nao re nhang" to: va" we' dakhyo: ana" ba ngo zaui: so: nae" ga: dam: nhang"31 ra". – Batsheba au: gam" goe, zo" jhaung zug: re pa" yang: nga" jhaung zug: Davi apyaid ato khyao za: daui: na veshao: wo" ga: mho: ra".32 Davi jhaung zug: pho" re: khin jaung Za:dug' , lapa Nathain: , Yehoada yao: zo: Benaia jham re khai: lo ri: ga: ta" we' dakhyo: yao: bam: jhaung zug: jhao" vao lo:33 ako". – Jhaung zug: wa naonhaung" asang: sin: zo: qe re khai mung: nga" zo: Sholo- mun re nga" myao: lhin" mae jui: nhao yang: Gihon: vomo" khyo jhui" gyo" lo"34 ge, – Khin jaung Za:dug' we' lapa Nathain: wa ai: vo mae xau gyain: byid: mung: Israel jhaung zug: aya: to' byid: ge, . Ai: tau zang be, labo" maid mung: Sholomun jhaung zug: kao qhang myo, myi: shao: wo" ein:35 zag: hug'ge, . – Ai: thao naonhaung" yao" thao bocao: do, mung: yao: nga" zaung tao" mae zaung: li" nae". Yao: nga" gaung tha" tao" zaung mung:Israel amyu" we' Yuda qe: adao mae ug: ra" zug: boe" nae" tau: ngo yao: re aya: tang" to: va" ga: yao: bam re a36 myin" khyo" ke' ra". – Alao" Yehoada yao: zo: Benaia wa Amen nga" asang jhaung zug' AsAng Mo"so re: ai: akhyo bo: cao37 veshao: . – apyaid ato: AsAng Mo"so nga" asang jhaung zug: thao de; we' dakhyo: Sholomun we' re: daga" ngaid: na shao: wo". Jhaung zug: Davi zaung tao" tho' yao: zo: zaung tao" je yang: phung bao ham: hung: qi: veshao: wo" ga: jhaung zug: re dam mho: ra".38 Khin jaung Za:dug' , lapa Nathain: , Yehoada yao: zo: Benaia , khereti byu , Pelethi byu qe wa gyo" lo" mung: Sholo- mun re Davi jhaung zug: myao: lhin" mae jui: nhao: yang: Gihon: vomo" khyo jhui"39 gyo" lo" ako". – Khin jaung Za:dug' wa seim zaung mae" xau am yu: ci mung: Sholomun jhaung zug: kao qhang myo, myi: veshao: wo" ga: byu alhab' bam zag:40 hug' ako". – Byu qe wa yao" thao bo: cao mung: zang be, labo" maid zo" gyai ceim" ngaui bau" na ko" ru mung: myid gaung wa yao: bam zag: hug' ko" mathao: yang go; nain" lo" sho' ngaid: byaug: ra".41 Adoniya we' yao" bang" vo qe alhab' zo bin: zo" lo" ko" re ai: akhyo the' gyo: ko" ra". Yaba re: labo" maid thoe qo" gyo: lao" dadin" geim" hug' yhai: na ko" ru wa42 pe" ngaid: kyi: ga: myid' ra". – Yao: dao: mathao" shi" re khin jaung Abyata yao: zo: Yonatain joe" li" lo: ra". Alao" Adoniya wa vao li" re: nao byu gai a ngaid: . Lau dao: gai re: vin: ci: ra" ga: yao: re: lham:43 ta" ra". – Yonatain wa Adoniya re ngon- haung" jhaung zug: Davi wa dang dang za: Sholomun re jhaung zug: aya: tang" ava". –44 Jhaung zug: pho" wa khin jaung Za:dug' , lapa Nathain: , Yehoada yao: zo: Benaia , khereti byu , Pelethi byu , jham re Sholo- mun we' daga" nhao: ke' mung: jhaung45 zug' myao: lhin" mae zhaung: ava". – Khin jaung Za:dug we' lapa Nathain: tao Sholo- mun re Gihon: vomo" mae" tao" sang nae" xau gyain: byid: va". Ai vomo" mae" bau: lo ga jhu: dam: lo mung: vomo" geim" zag: hug' yao ko" lao thao hau: thoe naon- haung" qo" the' gyo" ru ai ngaid: ra". –46 Sholomun re: mang: din" zaung tao" mae47 zaung: na va". – Ai tho' mago" jhaung zug' sin: zo qe re ngonhaung" asang jhaung zug: daui re min byid: nae" tau: joe" ye: mung: AsAng Mo"so wa Sholomun: mang kheim: re yao: pho" mang kheim: ham: hung: tho' je: tau: yhe' shao: wo". Yao" mang: din" zaung tao" wa yao: pho" zaung tao" tho' phung bao ham: hung: je: hau" nhao" na veshao: wo" ga: ta" ko" ra". Jhaung zug: re: yao" yab jaung: dao mae" au: pa" pa" zo" –48 nga" myo; yang jhaug' za: qo" the' myao: ra". Ana" ba nga" zaung tao" mae zaung: jo; ra" yaug re byid' ra" Israel AsAng Mo"so wa ngaui lho" na shao: wo" ga: ta" ra"49 ga: zhao: kyo" ra". – Ana" Adoniya khai: qham: to" byu qe alhab' gyaug; tao" phao:50 myi" lo" byaug; ako". – Adoniya re: Sholo- mun re gyaug yang: ngaui" phain a jheim51 mae" khyug tau ye zaui" zang: ci: ra". – Ai ru: mung: yao: bam wa qu" shi ge, Adoniya wa jhaung zug: Sholomun re gyaug mung: phain a jheim mae" khyug tau zaui" ci yang: jhaung zug: Sholomun yao" jeim ngo re ma se' ga: ana" ba yao: ngo re nhang: veshao: ga: mho: ra" akhyo Sholomun re52 zhao: kyo" ako". – Sholomun wa yao: byu gai ngaid: re yao" xae dakhe' lao" myid khyo ma gai: gyo" nae". Yao: mae qobo bo: ngaid: re kam" wa shid qhug' nae" ngaid:53 ga: mho: ra". – Jhaung zug: Sholomun byu nhao: ke' mung: Adoniya re ngaui" phain mae" ye khai: thug' yu: ra". Yao: re: vao lo mung: Sholomun jhaung zug: re logoe; pa" ra". Jhaung zug: wa ni" yham lo" se ga: mho: ra".