1 Israel mo, byu qe Egutu mae" thug' lo: ru byid yo: she' xe zin byang" ra" zin , Sholomun tao" zaung: ru byid Zin , ziv mang: ra" shid' lho" khye' re AsAng Mo"so:2 yham zaug' qhid: ra". – Ai: yham aqhang khyo khyaug' xe daung" , apyi daung" shid' xe , myhao khyo sam xe daung" bo:3 ra". – Yham jao: kheim: khyo re: yham apyi shaid' we' dau mung: aqhang shid' xe4 daung" , apyi daxe daung" ngaid: . – Yham khug abao myao nae" tau: kham: zo: dung:5 jham re phung" ra". – Yham lhang" gam: khin qae we' akhug jhaung: qe, kyae" kho'6 ra" khin qae re re: kaid' ra". – O: pyae wa apyi ngo" daung" , ale' qe, apyi khyaug' daung" , atho' pyae qe, apyi nhaid' daung" bo: ra". Pe" mung: ga" re sag' qhang re khin qae tau makyaung" vao" lo: za: ai: khin qae: taung gaung shaid' mae akham kham7 kai" do, lo" ra". – Ai: yham vo' ra" au: laug khyaung tau mhai" kyaung" thung" yu va" laug baui: yang zhaug' zaui: ru: mung: be, dau , vo: zaung: , getau pe" jo, to' re:8 be; myhang" thoe mathe' gyo: . – O: qe, khug vao nae" kham: dung: re yham: lo, yo shaid' mae phung" ra". Lhang: do; ja" zam thao khyo" a le' pyae qe, khyo , ai mae" dakai" atho' pyae qe, khyo xo' do,9 lo" ra". – Ai ru: kaid' yang: yham re qo" kaid' pin" yu: ra". Zang , yham tho" jham re10 Arid sag' pye" yang nghoe' to" ra". – Yham aqe, jham re re: myhao khyo ngo" daung" daung" kaid' yang: dayham geim" khinqae te' te' za: kaid' to" ra".11 AsAng Mo"so: mung dao: Sholomun12 jhao" joe" li" mung: – ana" nao zhaug' to" ra" yham: akhyo wa Nga" mho" dao: mae nao bo: cao" yang: nga" khang dao: cao" na zo" ngo pin: to: va" dao: kheim: jham re cao" zaui" pyang" na: ngaid: re wa ni" pho" Davi re ngo ta" to" ra" dao: so: we' dakhyo: ngo nao mae pyang" lhoe" byid: nae".13 Nga" Israel mo, byu qe we' daga" bona mung: nga" amyu" qere ngo ma lhaui" pye' ga: mho: ra".14 Ai re" khyo: Sholomun wa yham re15 kaid' bin: to" ava". – Akhug shaid' khin qae re Arid sag' pye" yang nghoe' to" ra". Myid myhung: mae" ru atho' pyae: khaung joe" sho' sag' pye" yang kaid' mung: dayham geim" re hhu: je; sag' pye" yang myhung"16 zho'to" ra". – Gyai shao gyang" ra" qe, ein: mho: ra" myo, myhung" qe, tau mae" apyi , aqhang shid' xe daung" daung" lae mung: yham gin jhaung: qe, khug khyo re: Arid17 sag' pye" yang kaid' to" ra". – Lamyhung" qe, mabo lo: za: pa" jhaung: yham: gu:18 aqhang byid xe daung" bo: ra". – Yham akhug mae am baung: alho we' bin: bu" alho jham tung" te' to" Arid sag' pye" yang kyae" to" ra". Alhab' Arid sag' pye: za: ngaid: ru mung: pe" laug re: getau mathe'19 myao. – AsAng Mo"so: dao: thang: bain" to" to: nae" tau: yham akhug mae lamy- hung" qe, gethaung: sain kaid' to" ra". –20 Lamyhung" qe, wa qhang khyo shid' xe daung" , apyi shid' xe daung" , myhao khyo shid' xe daung" bo: ra". Ai: lamyhung" qe, re re: , Arid sag' yang kaid' ra" phain re re:21 hhang: yang shaung: thab' pye' ra". – Ai re" khyo: yham: akhug gu: re hhang: yang shaung: thab' pye' ra".Lamyhung" qe, jao: kheim: mae re: hhang taui: lao" khao: yang:22 ai re hhang: yang shaung: pye' ra". – Yham dayham: geim" re re: , lamyhung" qe, nhae mae" phain re re: , hhang: yang thab' ra". –23 Lamyhung" qe, mae myhao khyo daxe daung" bo: ra" Kherubim: shid' dau: re24 Zhainlun sag' yang kaid' ra". – Ai: Kheru- bim: daung wa thoe thao ce thao ngo" daung" daung" ngaid: . Daung ceshaid' thao mae" ru thoethao joe" sho' daxe daung" bo:25 ra". – Getau Kherubim: re: daxe daung" ngaid: . Ai Kherubim: shid' dau" geim" wa akhyao jho" dau mung: daqi" za: ngaid: . –26 Getau kherubim: dadau: re: daxe daung"27 ngaid: . – Ai: Kherubim: shid' dau: re lamyhung" qe, khug tau zhaung: to: mung: khin qae joe" sho' yao: nhae: daung a thao dalam: we' dalam: jho" zao" vang" nhao:28 to" ra". – Ai: Kherubim: re hhang: yang shaung: to" ru ngaid: .29 Jhaung: yham akhug shaid' we' taung gaung shaid' mae Kherubim: alho , abu" bu" ra" sunpalun alho jham re kyaung" te'30 to" ra". – Yham akhug we' taung gaung gyae: myhung: re re: hhang: yang shaung:31 to" ra". – Lamyhung" qe, vao nae" tau: Zhainlun: sag' yang kham: shid' lung: kaid' mung: kham: zang we' kham baung jham wa khin qae: nho: ngo" bam dabam jho"32 kyo: ra". – Zhainlun: sag' kham: vho' tau Kherubim: lho , abu" bu" ra" sunpalun: alho jham kaid' te' to: mung: kham: vho' we' Kherubim: alho , sunpalun: alho jham33 re hhang: yang shaung: pye' ra". – Ai we' dakhyo: jhaung: yham qe, ein: nae" kham: dung: tau mae" byid bam mae dabam kyo: ra" Zhainlun: kham: zang phyid' zhaung:34 to" ra". – Kham: vho' shid' lung: re re: hhu: je; sag' yang kaid' mung: kham: dalung: , dalung: tau jin" se: shid' lam" yang kaid'35 to" ra". – Kham: dung: tau Kherubim: alho we' abu" bu" ra" sunpalun: alho jham tung" te' mung: hhang: yang shaung: thab'36 pye' ra". – Akhug kyae" lhang" to" jham re: kyaung" yu: ra" laug zang sam pyae we' Arid sag' hhang dapyae mae kaid' pin"37 to" ra". – Tao" zaung byid zin , Ziv khye' re AsAng Mo"so: jhaung: yham aqao: vai"38 qhid mung: – tao" zaung daxe: dazin Bula mang: ra" lho" she' khye' re yham qe, aqi: angai jham we' tin" ra" gu: alhab' so" kyab' yang: nhaid' zin lam: lam: jhaung: yham re kaid' ra".