1 Dam: Sholomun wa daxe: sam zin lam: lam: jhaung zug: kho" vang re kaid'2 mung: mau" bin pin" ra". – Ai: yham re Lebanon: yo qao" mae" sag' yang kaid' ra". Aqhang khyo dayo daung" , apyi khyo ngo" xe daung" , myhao khyo sam xe daung" bo: ra". Arid sag' zang jham byid jin kaid' mung: Arid sag' qhang jham zang3 jham mae thung" zhaug' to" ra". – Zang tau thung" zaui: to" sag' qhang byid xe: ngo" lam: adao mae Arid sag' pye: jham4 myhung" to" ra". – Da jin mae daxe ngo" yao: yao: ngaid: . Sag' qhang sam jin ngaid: ru we' kham: zo: dung: sam pyae daqi" za:5 phung" vhang" to" ra". – Kham: dung: we' kham: zang jham re byid jhum vang" za:6 kaid' to" ra". – Zang jham zhaug' mung: ginbyae: re re: kaid' ra". Ai: ru re a qhang ngo" xe daung" , apyi sam xe daung" khyo" kaid' ra". Gin thaung shaid' re: gin byae: dalam: to" ra". Ai: ru re re: zang da jin we'7 bug , khai" jham ke' ra". – Tarha" pyam" nae" jao: ngaid: ra" tao" to: nae" gin byae: re kaid' mung: ai re Arid sag' pye" yang8 alhab' myhung" pye' ra". – Ai: gin byae: wa vang khug mae ngaid: . Yao: na nae" yham re ai we' dakhyo: za: kaid' ra". Sholo- mun vhin" yu: ra" Pharaoh zomyi: zo: tau: mae" re: tarha" pyam" tao" we' dau sho'9 kaid' byid' ra". – Ce: yham jham alhab' vo kham" aqi: taung gaung joe" sho' re: , aqao: mae" aphyo: joe" sho' re: kyaung" thug' yu: ra" laug zang: yang shid' thao: geim" sag' qhag' yang qhag' pye' mung: ka" to" laug baui gyai phug' ra" laug baui jham we' kaid'10 pin" to" ra". – Qao: pain wa she' daung" daxe daung" qi: mung: phug' de; gekai: lai:11 laug yang kaid' ra". – Adao mae re: ka" to" ra" ja: , phug' de: gekai: lai: ja: we' kyaung" thung" laug baui re: , shaug' sag' the: re:12 ke' ra". – Vang qi: re kyaung" to" ra" laug sam jin , shaug' sag' dajin: yang kaid' ra". AsAng: ra" Pa" jhaung: yham akhug vang re: , kho" vang gin byae: vang re re: ai we' dakhyo: za: kaid' ra".13 Sholomun wa byu nhao: ke' mung:14 Turu vomo" Hiram: re khai: yu: ra". – Ai: ra" Hiram: wa Nabthali nhae mae" cug' mo" myhi" yao: zo: ngaid: . Yao: pho" wa Turu mae gyid: sheim: jhao: ra" su dayaug ngaid: . Yao: zo: re: gyid: sheim" ra" ja: acao jab re ba: ra" juyi bo: ru mung: Sholomun jhaung zug: jhao" gyid: sheim: mau" re bin:15 kyab' sho' li" zaui" pin" ra". – Ai: yaug wa a myhao daxe: she' daung" , qi: phyao: daxe: shid' daung" bo: ra" gyid: zang shid'16 lam: re sheim" ra". – Zang phyo: tau kai" to: nae" a myhao ngo" daung" bo: ra" gyid: zang phyo: shid' lam: re re: sheim"17 ra". – Gyid: geim myho we' gyid: taui: re re: kaid' mung: zang dazang mae geim myho nhaid' lam: lam: khyo" yang: zang18 phyo: tau myho: khyo" to" ra". – Jid: mo" shi: ru" ru: gyid: pyau: re re: kaid' mung: zang: phyo: geim adao mae athao dalam: tau ai: ajid' shid' jin jin kaid' yang: shaung19 yhaung" ra". – Gin byae thao mae zhaug' to" ra" zang phyo: jham wa qid maui: bin: we' dau mung: byid daung" ru ngaid: . –20 Zang phyo: shid' lam: tau geim zaui we' te' ra" bam adao tau khyi zang zhaug' mung: ai: adao lhang" gam: jid: mo" bin: shid' yo21 jin: te' to" ra". – Ai: zang jham re jhaung: yham gin byae: tau zhaug' jin: to" mung: lo, yo shaid' zang re Yakhin: ga: mhang" ra". Lo, kaung: shaid' zang re wa Boza ga:22 mhang" ra". – Zang phyo: tau qid maui: bin: lho jham: yang shaung mung: zang re kaid' pin" ra".23 Dam: gyid: qid lhao: re re: kaid' ra". Apyi daxe daung" , myhao khyo ngo" daung" , lhang" gam: sam xe daung" bo:24 ra". – Qid lao geim: lhang" gam: mae bin: azhain shid' jin sheim: yang: da daung" mae daxe xe kaid' te' mung: ai: gyid: qid lhao: re sheim" te' au: bin: azhain re re:25 daxo' za: bo: sheim" te' to" ra". – Ai: qid lhao: wa nung: daxe: shid' dau" adao mae kai" to" ra"'. Sam dau: wa qid meim shaid' , sam dau: wa ba vao shaid' , sam dau: wa qid bang: shaid' , sam dau: wa ba thug' shaid' myo, nho qang yang: alhab' bam:26 nhaung thao" jho" phaug' ako". – Qid lhao: ai: ru lo, vo: danghoe' thau: ra". Ai: qid lhao: anhaid' wa qid khug' anhaid' ru: boe" mung: qid maui: bin" yang shaung yhaung" to" ra". Qid lhao: tau keim thaung: shid' taung qui" ra". Gyid:27 Dam: yao: wa gyid: zaung tao" daxe re kaid' to"ra". Ai wa aqhang byid daung" , apyi byid daung" , myhao khyo sam daung"28 ngaid: . – Ai: zaung tao" khyo ein nae" wa sag' the: dalung: tau avai: ayae lhang" gam: sag' the: ngai: yang shaung: te' to: mung: ai: sag' the: lung: tau: lo:tin: ,nung: , Kherubim: alho jham khyang" te' to" ra". –29 Shaung yhaung" te' to" ra" sag' the: angai dao mae re: ai we' dakhyo: kaid' ra". Lo:tin: nung: alho o mae bin: kheim" lhao" myho:30 khyo" to" ra". – Zaung tao" dalam: mae gyid: lhin" ce' byid lam: lam: gyid: kyao" yao: tau vhao" ke' to: mung: ai: ru lhang nae" tau: khyid byid lam: re: te' to" ra". Thaung: lhao: agyid' mae ze: jo; ra" khyid byid myo, nho gu: mae bin: kheim" re"31 ru: sheim" ra". – Thaung: lhao: nhaid' wa zaung tao" shaung: ra" tho' mae dadaung" , dam: ze: gu: re: dadaung" ngaid: ra". Ai: anhaid' wa lang" lang" za" ru ngaid mung: dadaung" dathu qi" ra". Byid khyug a jheim tau thung" khyang" to" athe" yang so" pin"32 ra". – Ai: lhin" byid ce' gu: wa zaung tao" agyid' tau lhang mung: kyao" yao: wa ze: jo; akhyid byid lam: mae te' to" ra". Lhin" dace' wa dadaung" dathu myhao: ra". –33 Lhin" jham wa gye lhin" we' dau mung: , kyao" yao: a yham , a dau dau shaung: to" ru re sheim" ra".34 Byid jheim mung: ra" zaung tao" tau ze: jo; khyid jham re re: zaung tao" we'35 da xo' za: sheim" ra". – Ai: zaung tao" jham athao mae dathu bo: ra" a kheim" re te' mung: zaung tao" athao lhang" gam: a kheim" jham we' sag' the: lung: re da xo'36 za: sheim" pye' ra". – Lo, zaui: alo, jham we' zaung tao" sag' the: lung: tau Kheru- bim: , lotin: , zhunpalun: gae alho jham we' bin: kheim" jham re thung" te' to"37 ra". – Ai ru: kaid' mung: zaung tao" daxe lam: re kaid' to" ra". Dalam: we' dalam: ka" ru , phyid' te' zaui: ru akhyao yhoe' za: jho"38 dau: ra". – Dam: yao: wa gyid: thaung: lhao: daxe re re: sheim" ra". Thaung: lhao: dalam: wa keim thaung: byid xe vao: ra". Lam: khao: ngo" byid daung" qi" ra". Zaung tao" dalam: mae ai: thaung: lhao: dalam: lam: nyhang sho' kaid' zhaung: kai" to"39 ra". – Pa" jhaung: yham lo, yo shaid' mae ai: zaung tao" ngo" lam: , lo, vai: shaid' mae ngo" lam: to" ra". Qid lhao: re kam" wa pa" jhaung: yham: ba thug' qid bang: shaid' a jheim tau to" ra".40 Hiram wa qid ug' jham , qab khug' jham , thaung: lhao: ngai jham re kaid' mung: Sholomun jhaung zug' tau: AsAng Mo"so: pa" jhaung: yham azai: akho jham so" pin"41 pye' ra". – Zang shid' zang re re: , ai: zang phyo: athao shid' lam: , zang phyo: athao myho: nghoe' to: nae" geim zaui shid' lam:42 re re: – zang phyo: adao mae" geim avho' dalam: lam: tau: jid: mo" bin: zang shid' jin kaid' mung: alhab' qhain" re jid: mo" bin:43 byid yo re re: – zaung tao" daxe lam: we' zaung tao" dao mae kai" ra" thaung: lhao:44 daxe re re:, – qid lhao: dalam: , qid lhao: re thaug' to' to" nung: daxe: shid' dau: re re:, qid ug' jham , qab khug' jham , thaung:45 lhao: ngai jham ngaid: ra". – Jhaung zug: Sholomun tau: mae" Hiram: kaid' byid' ra" Mo" so: pa" jhaung: yham azai: akho jham alhab' re lo, mau" de, shab za: gyid' yang46 kaid' so" pin" to" ra". – Jhaung zug: wa ai: zai jham re Yodain: lao: geim: , Sukug' we' Zatain: gyo: mae jo; ra" myid zho: kyin" tau47 mae sheim: nhao: ra". – Ai: zai jham gyai myo" laug; ru mung: Sholomun wa ma lag; qu" lo: kaid' zaui: to" ra". Ai: gyid: khonho" ngaid: ru khag' re: malag; qu".48 Sholomun re: AsAng Mo"so we' tin" ra" akhug mae" zai jham re so" pin" ra". Hhang ngaui" phain we' cinmain" kai: jao: hhang49 zo: gai" – myi: tao" jham , lamyhung" qe, qhid' kheim: lo yo shaid' ngo" lam: lo vai: shaid' ngo" lam: hhang gyang" yang kaid' ru ngaid: . Bin: paid' , myi: kaug' , nye, zai" jham re: hhang gyang" yang kaid' ru50 ngaid: . – Khug' , nye, zai" , thaung: lhao: , gaung: nau" , myiqe, khae ug' , jham re: hhang gyang" yang kaid' ra". Shao gyang" thao" jo, qo ein nae" akhug yham kham: tau mae" re: , pa" jhaung: yham ein nae" yham kham: dung: tau: mae" re: , kham: lhang re: , hhang: yang kaid' ra".51 Ai: khyo: jhaung zug: Sholomun wa AsAng Mo"so: yham mae kaid' ra" acao jab so" pin" ra". Ai: thao Sholomun wa yao: pho" Davi mho: to: va" ngaui , hhang we' ja: cao jab yu: thug' mung: AsAng Mo"so: yham ngaui jhi tau ke' qaung" to" ra".