1 Ai: au: Sholomun wa AsAng Mo"so: dao: thang: bain" re Ziun ga: mang: ra" Davi vo mae" tai: yu nae" tau: Israel ade, qe re re: , byu akaung khyo" cao" yang: ug: ra" agyi qe re re: Yerusalem: vomo" mae2 khai: qham: ra". – Ai re" khyo: Israel byu qe alhab' bam: wa lho" nhaid' khye' ngaid: ra" Ethanim lho" khye' poe ba na gyo: re Sholomun jhao" li" zang" qham: na: ako". –3 Israel agyi qe alhab' bam: joe" zang: mung: khin jaung qe wa ai: dao: thang: bain" re4 vo; ako". – Volo byu zang" qham zaung , seim zaung we' tin: mung: shao gyang" ra" azai: akho alhab' re khin jaung qe we'5 Levi boe: qe vo; tai: lo: ako". – Jhaung zug: Sholomun we' daga" qham phaung ko" Israel mo, mo" byu qe ai: bain" qhid' kheim: mae daga" zang" qham mung: myo" laug gemung: matho' nghe' lo" yao , nung:6 jham re se' ngaui" byid' ako". – Khin jaung qe wa AsAng Mo"so: dao: thang: bain" re shao gyang" thao" jo, qo ga: mang: ra" lamyhung" qe, khug khyo Kherubim: shid' lam" daung gyid' tau vo; ke' to" ako". –7 Kherubim: azam" wa ai bain" to" ra" adao tau daung re lao" phye: to: mung: ai: adao mae" dao kang adao mae re: nghoe' gam:8 to" ra". – Dao kang: athao jham wa lamy- hung" qe, gin thaung: shaid' mae jo; ra" shao gyang" qe, mae qo" myao sho' qhang: ra". Taung gaung khyo kam" wa ma ze. Ai: tau kam" wa ana" ba joe" sho' jo; jo; ra". –9 Israel byu qe Egutu mang: mae" thug' lo mung: AsAng Mo"so: yang Horeb bam mae yao: bam we' dao: so: to: yang: Mo" She ke' to" laug the: shid' lam: mae" getau ai:10 bain" mae pe" re: mabo. – Khin jaung qe ai shao gyang" ra" jo; qo mae" thug' lo ko" au: jham thaui: wa AsAng Mo"so: yham11 re nghoe' gam: yu: ra". – Ai mung: khin jaung qe wa jham thaui: mathao: yang yao: bam: caung da" mau" maqo" zaui: so: ko". Pe" mung: ga" re AsAng Mo"so: phung bao AsAng Mo"so: yham tau byang" ug; jo, yang: ngaid: .12 Alao" Sholomun re: AsAng Mo"so wa thau: no; ra" caid' tang: lang" jo, qo mae13 na: na: ra" ga: mho: ra". – Dang dang ngo wa ni" tau: mae" thain" madaui na: na nae" khug ngha jao: qo" zhaug' to: va" ga:14 mho: ra". – Ai mae" jhaung zug: wa myo, khung: lhang: lo yang: qham phaung: na ko" Israel byu alhab' bam: re min mhin" byid' ra". Zang" qham: na ko" Israel mo, byu qe alhab' bam wa ye; jin: bam: ako". –15 Xo' yang: yao: wa nga" amyu" byu qere Egutu mang: mae" thug' yu: ba mae" Israel amyu" davo mae nga" mang kheim: tang: jo, nae" tau: yham kaid' nae" ngo makh- yin: yu shi: qere: nga" amyu" Israel adao mae min byid' gam: na nae" tau: Davi re16 khyin: yu va" – nga" pho" Davi re nhaid' yang ta" mung: yao" lo; yang ai: dao: re boe" dang: lo nhao: ra" Israel AsAng Mo"so17 wa nga: lho" veshao: wo". – Israel AsAng Mo"so: mang kheim: tau: mae" yham kaid' to: byid: nae" ga: nga" pho" Davi yaung18 va" qere: AsAng Mo"so: yang – nao AsAng: mang kheim: tau: mae" yham kaid' to: nae"19 ga: yaung: na: ru wa gai: ra". – Ngaid qere: nao pa" jhaung: yham magai: kaid' nae". Ni" aung gyo" zo: lam: nga" mang kheim: tau: ai: yham re kaid' li" nae" ga: nga" pho"20 Davi re mho: to: va". – Ai mung: AsAng Mo"so wa yao: mho: to: va" dao: poe" ke' ava". Ngo wa nga" pho" Davi atha" thug' lo mung: AsAng Mo"so: dao: so: we' dakhyo: Israel zaung tao" tau ngo zaung yang: Israel AsAng Mo"so: mang kheim: tau mae" ce:21 yham re tau: yhe' ke' va". – Ai: akhug kug qe, mae re: AsAng Mo"so wa nyhao: nhaung" pho" phug' qe re Egutu mang: mae" jhui" thug' lo: ba yao: bam we' to" ra" dao: thang: bo: bain" zhaung: to: jao: re: ngo nyhang" kaid' to: va" ga: mho: ra".22 Dam: Sholomun wa AsAng Mo"so: ngaui" phain qhid' au: we' Israel mo, mo" byu qe: agaung: tau na mung: yao" lo,23 mug: gaung khyo tau: qang yang: , – Israel AsAng Mo"so we" mug: gaung: tho' zhao" myhao mae re , myid gaung o: zhao" mae re: nao we' dau: AsAng Mo"so ma na lo: wo". Nhag' lam: bin sho' we' ni" qhid' au: mae su" na: ra" AsAng: jeim qe re ni" dao: so: we' jeju nhag' lam: myhao" qhu"24 byid' ava". – Ni" daui mung su nga" pho" Davi re dao: so: to" to" we' dakhyo: nao poe" byid' ava". Ni" nhaid' thoe: yang mho mung: ana" ba qo" the' myao: we' dakhyo:25 ni" lo; yang ai re poe" ke' ava". – Ai ru: mung: Israel AsAng Mo"so we" nao wa nga" qhid' au: mae su" na va" we' dakhyo: ni" zo: myid: qe re: vin tang: za: nga" qhid' au: mae su" na ko" ngaid: re wa Israel mang: din" zaung tao" byu jao: xag' qug: mae nga" qhid' au: mae dayaug xo' yang: yang: zaung: na nae" ga: ni" jeim nga" pho" Davi re mho: to" we' dakhyo: ana" boe" dang:26 jo; nhao shao: . – Israel AsAng Mo"so we" ni" daui mung yaug nga" pho" Davi re nao mho: to" dao: kheim: dang: jo, shao: wo".27 AsAng Mo"so wa myid gaung: dao mae dang dang wa bo: na; na nae" laug . Qu" wa, mug: gaung tho' zhao" myhao we' mug: gaung myhao: thao" mug: gaung jham wa AsAng re qo" mhai" lhaung" to: nae" ma ngaid: . Ai ru: ngaid: re ngo tau: yhe' to" yham mae AsAng wa pe" ga: ba: na:28 jo, nae". – Ngaid qere: nga" AsAng Mo"so we" ni" jeim ana" ba ni" qhid' kheim: hug' yao: thoe we' jhaung: mho' ra" dao: re29 khae: yu tae" gyo: byid: la, wo". – Nga" mang kheim: ai: tau mae a jo; na nae" ga: nao mho: to: va" jo, qo khyo qang yang: ni" jeim pho" ai: jo; qo qhid' au: tau jhaung: mho' ra" thoe qo" gyo: sho' ni" myo, jid' ai: jo, qo re myi" na" qu" gam: na shao:30 wo". – Ni" jeim pho" khyo" Israel amyu" mo, thaui: we' ai: jo, qo khyo qang yang: jhaung: mho' na: ngonhaung" jhaung: mho' thoe gyo" yu byid: la, . Mug: gaung: mang: ni" thain" madaui na jao: mae" tae" gyo" yu yang: qobo lhoe' ke' byid: la, .31 Byu dayaug yaug yao: yao" yham kyo: cao: re shaid' mung: nhang: kheim: ke' nae" ru thug' lo: mathao ce: yham khug mae" ngaui" phain qhid' kheim: mae jham32 li" tang: ko" au: , – mug: gaung: mang: mae" gyo" yu byid: mung: ni" jeim qe re tarha" pha: kho' byid: la, . Shaid' ra" yaug re qobo dae we' dakhyo: yao" au: mae loge, phaug' byid: la, . Dang main: yaug re lhoe' byid: mung: yao: dang main" we' dakhyo: jeju byid: la, .33 Ni" byu Israel amyu" qe wa nao re shaid' pye' gemung: gyevo: qhid' au: mae seim" byaug gelao" , myid; lhang: lo yang: ni" mang kheim: re khae: yu zo" ce yham tau nao mae jhaung: mho' mung: mho'34 bain" lo ko" re , – AsAng wa mug: gaung mae" gyo" yu byid: mung: ni" Israel amyu" qere qobo khyaid' byid: zo" nao yao: bam pho" phug' qe re byid' to" ra" jao khae mug: khyo dam: lo" nhao la, wo".35 AsAng re shaid' ra" qobo: mathao: yang mug: maqu , ba zho jhid' ga: yang: yao: bam ai: jo, qo khyo qang zo" jhaung: mho' mung: ni" mang khyao: khae: yu yang: yao: yao" qobo bain" pye' ko" ngaid: re , –36 mug: gaung: tho' zhao" myhao mae" tae" gyo: byid: mung: ni" jeim qe we' ni" Israel amyu" qe: qobo lhoe' pye' byid: la, . Yao: bam gai: cao" ra" khyo gai re ceim" shid' yang: ni" amyu" qe re byid' to" jao khae mug: myid ngaid: ra" ni" myid gaung mae mug: qu: khyo" byid: la, wo".37 Ai: mang: din" mae bao" khug' gyo" ru , vai" sam: sam" ru , gaug thug' seim: no: ru , khyag' phaung" we' jhin: khyag' bug: to" ru: jham , yao: bam re gye kaid' mo, yao: bam: mang: mae" vo jham re li" lhang" kham" to" jham , pe" ru" no mo"38 we' pe" ru" qug: khai: phau: ko" , – dayaug yaug ma ngaid: lao" Israel damyu" geim" yao: yao" gaung mae zao" ra" no mo" re beim: so: yang: ce: yham khyo lo, qang: ke' mung: kho ru: ga: jhaung: mho' bain: ko"39 re , – AsAng wa mug: gaung: tho' zhao" myhao ni" na jao: mae" tae" gyo" yu byid:40 la, . – Nao wa byu: nhag' lam: qo" myao: kyao" we' dakhyo: qobo khyaid' pye' byid: mung: dayaug we' dayaug re yao" mau" ayaug; khyo" qu" yang: tug' xe' byid: la, . Nao AsAng za: xaosu: nhag' lam: re qo" myao: kyao" ra" yaug ngaid: . Ai ru: kaid' yaug yao: bam: pho" phug' qe re byid' to" mang: din" tau yao: bam lhau" na: ta mae" nao AsAng re gyaug phug' na: bam genae- va" wo".41 Ai: tho' mago" mug: va: bag zeim: mang: mae" byu qe ni" kheim: so' qi" mang khyao re re: AsAng: qam: bo: lo, we' qam: zang ke' lo, lam: re re: ba se" lo geyang: , –42 AsAng: byu Israel mangaid: qere: ni" mang hau: mathao: yang mug: va: mang: mae" thug' lo: ra" taung bug byu qe ce: yham khyo qang yang: jhaung: mho' ko" re , –43 Ni" Israel amyu" qe AsAng: mang re ba yang: gyaug phug' na ko" ru we' ce ngo kaid' to" pa" jhaung: yham wa ni" mang khyao: bo: jo; yham ngaid: ru myid gaung: dao byu myu" cao jab qo" ba sho' nao mug: gaung: tho' zhao" myhao mae na: ra" ni" na jao: mae" tae" gyo: byid: mung: taung bug byu qe mho' mae: mho' alhab' gyo: byid: la, wo".44 Ni" byu myu" qe gyevo jham re gye se' ga: to" lo" ko" au: AsAng yao: bam re khogau: nhao qere: yao: bam wa nao khyin: yu: ra" vogaung: we' ni" mang khyao: tau: ga: ngo kaid' to" yham khyo qang yang: AsAng Mo"so mae jhaung: mho' ko" ngaid:45 re , – AsAng wa mug: gaung: tho' zhao" myhao mae yao: bam: mho' yao thoe we' mho' bain" thoe re tae" gyo: byid: mung: yao: bam re aung lho" khyo byid: la, .46 Byu khag' re: qobo makaid' lo: mana ko" mathao yao: bam nao re qobo kaid' geyang: AsAng yao: bam re nhag' mo" yo: mung: gyevo: lo, mae qhaug' byid: yang: gyevo jham wa yham sang: mang: we' va" ra" jhao" ra" jo, qo khyo yao: bam re47 kyam: lo" xao" pye' ko" re wa , – yao: bam kyam: xao" to: qhug' ra" mug: mae" myid: beim: so" li" mung: myid: lhang: lo zo" ngonhaung" qobo kaid' va". Ngonhaung" tang tug' byaug; ru we' shaid' nghung" na: bam va" ga: kyam: lhaung" qhug' ra" AsAng jham: mug: mae" nyham: khyo" yang:48 mho' bain" na ko" ru we' , – kyam: xao" to: qhug' ra" mug: mae nhag' lam: aung khug alhab' we' nao jhao" lhang: lo mung: yao: bam: pho" phug' jham re nao byid' ra" mang: din" we' nao khyin: yu: vo mae ni" mang khyao: tau: mae" ngo kaid' to" ra" ce: yham khyo qang yang: jhaung: mho' na ko"49 re , – Alao" AsAng wa tho' zhao" myhao mae na: ra" ni" na jao: tau yao: bam: mho' bain" lo ko" thoe tae" gyo: byid: yang: yao:50 bam re ngaui lho" nhao la, . – Nao re shaid' nghung" ra" ni" byu myu" re qobo lhoe' pye' byid: , mung: yao: bam shaid' lhoe" qobo alhab' re khyaid' pye' byid: la, . Yao: bam re kyam: xao" to" asang qe wa AsAng: byu qe re nhag' khyag' lo yang: ba: nhag' myain"51 lo nae" jhid' de, myid ke' byid: la, . – Pe" mung: ga" re yao: bam wa Egutu mang: jo, to' myi: khyeim" mae" she: thaid' yu: ni"52 amyu" we' jao khae Ma ngaid: ra". – Ni" jeim ngo we' ni" Israel amyu" qe nao mae khonhae" mho' yao: na ko" re yao: bam: mho' vhao" dao: qo" tae" gyo: byid: sho' AsAng: myo, jid' qu" zhaug' to: byid: la,53 wo". – Thain" madaui AsAng Mo"so we" ngonhaung" pho" phug' qe re Egutu mang: mae" jhui" thaid' yu lao" ni" daui mung yaug Moshe: nhaid' khyo" AsAng nao mho: we' dakhyo: ni" jao khae Ma boe" nae" tau: nao yao: bam re myid gaung: dao byumyu" cao jab alhab' qe tho' mae khyin: jaung: to" ava" wo" ga: mho' ra".54 Ai re" khyo: Sholomun wa AsAng Mo"so jhao" jhaung: mho' thoe alhab' bin: ta" thao AsAng Mo"so: ngaui" phain qhid' au: mae paid' thaug' thaug' na: ru mae" lo, re mug: tho' khyo tau: qang: ke' zo" to" lo yang: , –55 Israel mo, mo" thaui: geim" re thoe mo" thaid' yang: min byid' ra" dao: kheim:56 wa , – yao" amyu" Israel re dao: so: to" to" we' dakhyo: ngaui pyo" khyo byid' ra" AsAng Mo"so wa ngaui lho" na shao: wo"- yao" daui mung yaug Mo" She: lo; yang yao: pin: to" dao: so: dalam: re: mabyo; qeim –57 ngonhaung" AsAng Mo"so apyaid ato: AsAng Mo"so wa pho" phug' qe we' daga" na: lo: we' dakhyo: ngonhaung" we' re: daga" na: na shao:. Ngonhaung" yao: mae qo" khug58 ngha: na mung: , – yao" khyo alhab' cao" ye" na zo" nyhao" pho" phug' qe re mho" kyo" to: pin: to: co' va" dao: , mho" myain" mho" thoe we' tarha" khyo dang jham qo" cao" pyang" na sho' ngonhaung" re ngaug;59 te' yu veshao: wo". – Elohim: wa AsAng Mo"so ngaid: ru we' yao: mae" getau AsAng Mo"so mana. Myid gaung: byu xaosu alhab' qo" ba genae" we' yao: wa yao" jeim pho" re re: yao" byu myu" Israel qere re: khyo khe' khao: ngo" qo" aung doe, nhao sho' , –60 ngo AsAng Mo"so jhao" mho' vhao" ra" dao: wa nyhao" AsAng Mo"so: qhid' kheim: mae61 myi" na" yao: mae a joe" na shao: wo". – Ai ru: mung: ana" ba kaid' cao" na: ru: nyhao" AsAng Mo"so: pyang lo dao: re cao" na mung: yao: mho: to" khyo jham re qo" cao" na sho' ngonhaung" nhag' lam: AsAng: qhid' kheim: mae jab byang" lho" na shao: wo" ga: mho: ra".62 Ai re" khyo: Sholomun jhaung zug: we' daga" Israel damyu" geim" AsAng Mo"so: qhid' kheim: xeim: ngaui" byid' ako". –63 Sholomun wa AsAng Mo"so re zam" khug xeim: ga: nung: shid' tug: shid' taung , yao datid: shid' tug se' ngaui" byid: mung: AsAng Mo"so: pa" jhaung: yham qhaug'64 poe kaid' ra". – Ai: ba re yao: jhaung zug: wa AsAng Mo"so: jhaung: yham qhid' au: mae" akhug; vang" khyae re shao kyang" mung: ai: tau mae phaid' ngaui" xeim , cinmain" xeim: we' zam" khug xeim: xau kug' re ngha" ngaui" byid' ra". Pe" mung: ga" re AsAng Mo"so: qhid' kheim: mae jo; ra" gyid: ngaui" phain wa saung" ngai: ru mung: phaid' ngaui" xeim: , cinmain" xeim: , zam" khug xeim: jham we' xau kug'65 re kai" to: nae" jao: majo, . – Ai ru: mung: Sholomun wa ce yo, re Hamaid vomo" mae" re Egutu qid zo: gyaung: joe" sho' jo, qo khao: ngo" mae" zang" joe" li" gyai laug; ra" Israel mo, mo" thaui: we' daga" nyhao" AsAng Mo"so: qhid' kheim: mae ba na shid' dug no: ngaid: ra" daxe: byid ba lam: lam:66 poe mo" kaid' ra". – She' ba ein: ba re yao: wa mang: volo byu qe re bang" peim" au" ke' ra". Yao: bam re: jhaung zug: re min gam dao: ta" zo" AsAng Mo"so wa yao" daui mung yaug Davi we' yao" byumyu" Israel re ceim" qhu" va" jeju cao jab; mathao ngaui bau: myid we' yao: yaug yao" yham mug: khyo dam: phao: byo: lo" ko" ra".