1 Israel byu qe Rehobom re jhaung zug: aya: tang: nae" tau: Shekhim khyo ye:2 gemung: yao: re: bo: ye" ra". – Nebaid yao: zo: Jerobom wa Sholomun jhaung zug: mae" phao: lo" mung: Egutu mang: mae3 lo" na: na: shi". – Ai: au: Israel qe wa yao: re khai: yu mung: ai: akhyo the' gyo: lao" Jerobom we' Israel mo, thaui: byu qe wa4 Rehoboam jhao" li" yang: , – ni" pho" wa ngonhaung" adao la" ra" dao kang vho' lo va". Ai ru: mung: ni" pho" mae" myaung: dug qo we' vhin: to" dao kang re yeim" pye' byid: la, . Alao" nao re ngonhaung" caung5 da" na naeva" ga: ta" ako". – Alao" yao: wa lo" shi: ge, . Sam ba lai thao za: nga" jhao" dam: li" ge, ga: yao: bam re mho: ke' ra". Yao: bam re: lo" byaug; ako".6 Jhaung zug: Rehoboam: wa yao: pho" Sholomun kao daui shi" au: yao" qhid' au: ye; na: ra" kao qi: ade, qe we' byin qham mung: ce: byu qe re dam zhao: kyo: nae" dao: naonhaung" ngo re khoru: juyi byid: ge7 nae" ga: myid' ra". – Yao: bam wa ana" ba ce: byu qere caung da" nug yang: yao: bam re caung zo" mho: ru we' nau" nhae" dao: jhau: ngaid: re yao: bam dapyaid: geim" ni" jeim qe boe" na zai ngaid: ga: yao: re juyi8 byid: ko" ra". – Kao qi: va" ade, qe byid' ra" dao: va: pye' mung: yao" qhid' kheim: mae bo: na: yao" qae: cao: qe we' byin qham:9 yu: ra". – Ce: bam wa ni" pho" vo; la" lo nhao: dao kang ngonhaung" re seim: nhao la, ga: ngo re mho' ko" ru re yao: bam re dao: khoru: tug' nae" khyo naonhaung" juyi kho khyo: byid: genae" ga: yao: bam re10 myid' ra". – Alao" yao: we' daga" qi" lo ko" zolau: qe wa ni" pho" vhin: ra" dao kang la: re nao ana" ngonhaung" re seim: nhao la, ga: mho mo, re ceru: ein: ta" wa, nga" lo, nhaung: thao" nyhug' wa nga" pho"11 phyid' dam: tho' je: qi" ra". – Nga" pho" naonhaung" adao la" ra" dao kang vho' lo va". Ngo wa ai: dao kang mae laung" ke' shi: nae". Nga" pho" naonhaung" re qam thaung" yang be; ra" ngo wa naonhaung" re jo, to' jang vai" yang be, nae" ein: ta" wa, ga: ceim" mho: ako".12 Jhaung zug' yang sam ba lao" ngo jhao" dam: li" ge, ga: dang: ke' we' dakhyo: Jero- bom we' mang: byu qe Rehobom jhao"13 dam: li" ako". – Jhaung zug: pho" wa byu qere zhaug' kyid' mung: kao qi: ade, qe14 ta" dao: jao" pye' yang:, – yao" qae: cao: qe yao: re juyi byid' ra" dao: cao" mung: nga" pho" naonhaung" dao kang la: nhao: lo va" qere: ngo ai: dao kang: adao laung: shi: nae". Nga" pho" naonhaung" re qam thaung" yang be; ra" ngo wa naonhaung" re gung gug' yang be, nae" ga: yao: bam15 re ta" ra". – Jhaung zug: pho" ai re" khyo: mang: byu qe: dao: matae" gyo" ra" khyo wa AsAng Mo"so khyo" yang Shilo: byu Ahiya dao: thoe khyo" Nebaid' yao: zo: Jerobom re ta" to" dao: dang: lo nae" tau: AsAng Mo"so mae" thug' lo: ru ngaid: .16 Israel mo, byu qe yao: bam: dao: jhaung zug: matae" gyo" ru the' ba gelao" ngon- haung" Davi we' pe" jho" dau: ra". Yese" mug: myid tau ngonhaung" jao khae mabo. Israel mo, byu qe we" naonhaung" yao" na mug: khyo lo" ge, . Davi we" ni" yham re dam: lhang: qu" ri: ga: jhaung zug: re tug' mho co' mung: Israel qe yao: yao" na17 mug: khyo dam: lo" byaug; ako". – Ai qere: Yuda vozang vozo: mae bo: na: Israel byu18 qe re Rehoboam zug' gam: ashi". – Ai: au: jhaung zug: Rehoboam wa khang: khyui zug: jhaung Adoniram re nhao mung: Israel byu qe: yang yao: re laug baui we' lham pye' se' ako". Jhaung zug: Rehoboam wa Yerusalem: vomo" khyo phao: lo nae" tau: yao" myao: lhin" dao mye, za: tao"19 vao: ra". – Ai mung: Israel byu qe ana" ba joe" sho' Davi boe: qe re tau: lhain" na:20 ako". – Jerobom dam: lo va" khyo Israel qe the' gyo: ge lao" yao: re mo, phaung gaung: khai: vhao" yu yang: Israel amyu" dao jhaung zug: aya: tang" yu: ako". Yuda boe: ug: myu" thao mabo: cao ko".21 Rehobom Yerusalem: joe" lao" Israel qere gye se' mung: mang: din" re Sholo- mun: yao: zo: Rehobom lo, khug dam: qo" nae" tau: Benyamin boe: we' Yuda byu qe mae" khyin: jaung: to" sin: zo: datid: she'22 tug re jhui" khai: qham: ra". – Ai qere: AsAng Mo"so: mung dao: AsAng Mo"so byu23 Shemia jhao" joe" mung: , – Nao Sholo- mun zo: Yuda jhaung zug: Rehoboam we' Yuda boe: , Benyamin boe: , dang: ra" mo,24 je qe re ceru: ein: ye: ta" wa, . – AsAng Mo"so: mung dao: joe" ra". Naonhaung" mao: nhaung: ngaid: Israel qe re gye se' nae" tau: daye: ge, alhab' bam: yao: yao" na jao: dam: phao: byo ge, . Ce: mau" wa ngo poe" ke' yang: boe" ru: ngaid: ein: ta" wa, ga: mho: ra". Ai ru: mung: yao: bam Mo" so: dao: gyo" cao" yang: khag' re: khag' AsAng Mo"so ta" we' dakhyo: dam: tug' lo" byaug; ako".25 Ai: thao Jerobom wa Ephrim bam mug: mae Shekhim vomo" zhaug' yang: na: ra". Ai: mae" qui: yang: Penuela vomo" re re:26 te" ra". – Jerobom wa ce: mang: Davi zug: gam lo, khyo dam: byaung" lo" li" nae". –27 Mang: byu qe AsAng Mo"so: jhaung yham mae ngaui" xeim: to' nae" tau: Yerusalem: khyo ye: lo" lao" yao: bam: nhag' lam: yao: bam: asang Yuda jhaung zug: Rehoboam thao de; lo" mung: ngo re se' co' yang: Yuda jhaung zug: Rehoboam jhao" alhang: lo" li" ge nae" ga: nhag' lam: khug mae28 myid beim" na: ra". – Ai mung: jhaung zug: wa byin qham: yu mung: hhang nung: nau" lho shid' lam: sheim" yu yang: byu qe re naonhaung" Yerusalem: do, lo" nae" saung" qug' ra". Israel qe we" naonhaung" re Egutu mae" thaid' she: lo: so jham re29 qu" qu" ge, ga: mung: , – Bethela' mae dadau: , Dain: vomo" tau dadau: to" to: ko"30 ra". – Byu qe wa ai: sulho: qhid' au: mae pa" kug' nae" tau: Dain: vomo" joe" sho' sho' li" joe" joe" kaid' geyang: ai wa qobo31 mau" ngaid: lo" ava". – Myhao: ra" jo, qo mae yham zhaug' mung: Levi mangaid' ra" mo, je byu qe re khin jaung aya: tang"32 nhao to" ra". – Yuda mang: mae" poe we' dakhyo: lho" she' khye' daxe: ngo" ba ein: ba mae kaid' ru mung: ai: phain dao mae ngaui" byid' ako". Ai ru: Bethela' mae re kaid' mung: yao: kaid' to" nung: nau" lho jham re ngaui" byid' ra". Myhao: ra" jo, qo tau nha: to" khin jaung qe re re: Bethela'33 mae jaung: nha: to" ra". – Ai ru: yao" nhag' lam: za: cao" mung: she' lho" khye' daxe: ngo" ba dang: to" ba mae Bethela' tau yao: kaid' to" phain dao ngaui" byid' ra". Israel amyu" re poe re: kaid' to: byid: mung: ngaui" phain dao xeim: ngaui" byid: mung: nae pyo" ja: re re: ngha" nhae" ra".