1 Ana" Sheba mang: re ug: ra" jhaung zug: myiqe: wa AsAng Mo"so: mang khyao: we' Sholomun: hau: dao: re the' gyo: lao" yao: re vai: sham" dao: jham re myid' qu"2 nae" tau: li" lo: ra". – Yao: wa Yerusalem: khyo bo: cao: li" ra" mo, mo" byu qe we' nae pyo: ja: hhang laug sho' we' laug nyug phug' de; zai jham ma dae myao: dao kai" ci mung: Sholomun jhao" vao li" yang: yao" nhag' khug bo mae: bo yao: we' jho" mang"3 keim" ra". – Myid' ja: gain sho' Sholomun qo" phyid: qhu" ra". Maqo" phyid maba:4 ta" kyo" ru daja: re: majo, . – Sheba jhaung zug: myiqe: wa Sholomun: juyi ba jhao: ru alhab' re re: yao: tau: yhe' to" yham re re: –5 yao" zo zo: jaung: mae" zo: pho: re re:, yao" daui mung mo, zaung: na ko" khyo re re:, yao" sin: zo: sin: thu mo" qe ye; na ko" ru we' yao: bam: ve, mai bau: jham re re:, sabyi' caung da" na mo, we' AsAng Mo"so: yham ye" lo" ra" akhyo re re: the' myao6 lao" byo din: lae" byaug mung: – yao: wa nao zaui" ra" mau" we' ni" ba jhao: ra" juyi: khyo ni" mang: din" mae ngo qo" the' gyo"7 hau: dao: jham dang: ra". – Ai qere: ngo majoe" li" qu" shi mung: nga" myo; yang jhaug' za: maqo" myao re wa ngo malam". Ana" wa dano" gu: lhao" ngo re mata" kyo: ko". Ni" ba jhao: khyo we' na gai: ra" khyo8 ngo the' gyo" tho' je: ze: ashi". – Ni" qhid' au: mae khyao za: na mung: ni" juyi dao: qo" the' gyo" ra" sin: zo: qe we' mang: din"9 byu qe ngaui lho" ve ko". – Nao re myid: ngaui yang: Israel mang: din" tao" myhao tau nao re zhaung: to" ra" pyaid da du AsAng Mo"so wa nga: qo" veshao: wo". AsAng Mo"so wa Israel amyu" re apyaid ato jhid' de; na: mathao dang main" khyo" tarha" kyang" nae" tau: nao re jhaung zug'10 mae zhaung: to" ava" – ga: jhaung zug: re mho zo" hhang dayo: shid' xe khug' , nae pyo" ja: myo: sho' we' laug nyug re re: qhaug' byid' ra". Sheba jhaung zug: myhi" Sholomun jhaung zug: re li" qhaug' byid' ra" nae pyo" ja: thao phyao: kho nhae" re: mathe' myao: qu" lo: .11 Ophira mang: mae" hhang tai: lo: Hiram: qid lha re: Ophira mang: mae" Alaga sag' myo: sho' we' laug nyug jham tai: yu:12 lo byid' ra". – Jhaung zug: wa Alaga sag' thaung: jham: yang AsAng Mo"so: yham we' jhaung zug' yham gin: jao" lhang" gam: tau lo, shaid' kaid' to: mung: nghaui" caung: mo; tau: mae" tang: we' khulhao: kaid' ra". Ai ru" ra" Alaga sag' jham ana"13 ba joe" mathe' myao: qu" lo: . – Dam: jhaung zug: Sholomun wa Sheba jhaung zug: myhi" re yao" jhaung zug' ngaui jhi mae" byid' ru za: mago" yao: o: ru mho' gu: alhab' re: byid' ra". Ai mae" mung: yao" sin: zo: qe we' yao" mang: din" mug: khyo dam: tug' lo" byaug; ra".14 Sholomun jhaung zug: jhao" dazin re hhang khyaug' yo: khyaug' xe: khyaug' joe:15 vao: ra". – Ai: tho' mae" gau pai: pai: mo, , gai aung: mo, , bag zeim: mang: zug: qe we' agyi qe li" qhaug' ko" ru re: bo: ashi". –16 Jhaung zug: Sholomun wa go qi: shid' yo hhang: yang kaid' ra". Go khao: dalam:17 hhang Shekela khyaug' yo bo: ra". – Go ngai sam yo lam: rere: hhang: yang kaid' ra". Go ngai dalam: mae hhang sam joe: bo: ra". Jhaung zug: wa ai jham re Lebanon18 seyo mae" yham mae to" to" ra". – Ai: tho' mae" jhaung zug' tao" myhao qi: re re: xao zaui: yang kaid' mung: hhang gyang" yang19 shain" thab' pye' ra". – Tao" myhao do, lo" nae" akham khyaug' kham ngaid mung: tao" au: athao mae lang" lang" kaid' to" ra". Zaung jao: shid' shaid' geim" mae lo, kai: jao: kaid' to: mung: ai: anhae athao" mae20 lo:tin: shid' dau: kaid' yhe' to" ra". – Zam thao khyaug' kham: geim" lo, vai: lo, yo lo: tin: shid' dau: dau: alhab' daxe: shid' dau: yhe' to" ra". Ai: ru" khyao khora" mang:21 mae re: makaid' qu" ko". – Jhaung zug: Sholomun ci: ra" qid keim alhab' we' Leba- non kho" vang mae ci: ra" keim alhab' jham re hhang: yang kaid' ci: ra". Sholomun: ta22 ngaui re mataung" yhung: . – Jhaung zug: Sholomun wa Hiram zug: qid lha jham we' daga" Tashu ga" ra" qid lha jham re re: qid mang: dae mae su: nhao: to" ra". Ai: qid lha jham wa dazin re sam lhang lo joe" mung: hhang , ngaui , xao zaui , myaug we' daung: gyaug; jham re tai: yu: lo: ra".23 Ai re" khyo: jhaung zug: Sholomun wa myid gaung: dao: jhaung zug: qe tho' juyi we' dai kham jo, nho" je: myo" laug; qo"24 ra". – AsAng Mo"so: yang Sholomun: nhag' lam: khug khyo vhin" ke' byid' ra" juyi re myid gaung: dao byu qe qo" the' gyo" ba25 nae" tau: yao: jhao" joe" li" ako". – Li" lo mo, yaug khao: ngo" hhang khug' ngaui khug' ve, mai bau: gye shae lhae , nae pyo" ja: myao: logung: jham re zin qug: khang: ke' na: ako".26 Sholomun wa myao: lhin" jham we' myao: jui: mo, re zhang: sham" yu: ra". Lhin" dataung: byid yo we' myao: jui: mo, datug; shid' taung qo" sham" yu mung: lhin" qaung" to" vomo" jham mae we' Yerusalem: vomo" jhaung zug' yham tau27 to: ko" ra". – Jhaung zug: re: Yerusalem: vomo" tau ngaui re laug baui ru: , shaug' gae re jao: dae: mug: pho' ham" gae ru:28 zai" myo" ra". – Sholomun jhao" myao: jham re Egutu mang: Ko: vomo" mae" she: jhui" lo: ako". Jhaung zug' gau pai: mo, wa29 ko: vomo" mae" vai: she: lo: ako". – Egutu mang: mae" lhin" dalam: re ngaui khyaug' yo Shekela,myao: dadau: dayo: ngo" xe khyo" aung" ako". Ai ru: Hiti we' Shuri jhaung zug: jham re: Egutu lhin" we' myao: re lhaung" vai: yu: to: ko" ra".