1 Sholomun re yao: pho" aya: xau gyain: va" khyo Turu mang: zug: Hiram the' gyo: lao" Davi we' khyao za: ba nam kaid' yaug ngaid mung: yao" jeim daui mung qere nhao: ke' ra".2 Sholomun khyo" re: Hiram jhao" nhao:3 ke' mung: – nga" pho" Davi wa avai: ayae khyi" khao: ngo" mae gye se' ca" ru mung: AsAng Mo"so: yang: gye vo re yao" khyid agyid' mae mabin: to: byid: byid: wa, yao" AsAng Mo"so apyaid ato: AsAng Mo"so tau: pa" kug' yham maqo" kaid' co' ru nao ba:4 ava". – Ana" kam" wa nga" AsAng apyaid ato: AsAng Mo"so wa khyi" khao: ngo" mae yaug yo nae" khyo: nyhang" to" ava" mung:5 gye kaid' su , tam" kyo" su mana lo: . – Ai ru: mung: AsAng Mo"so wa nga" pho" Davi re ni" gaung tha" ni" zaung tao" tau ngo nha: to" ni" zo: wa nga" mang khyao tau: pa" kug' yham zhaug' tang ca" nae"ga: mho: to: va" we' dakhyo: nga" AsAng Mo"so apyaid ato: AsAng Mo"so: mang khyao: tau: mae" yham re zhaug' nae" ein: tau" yaung:6 to". – Ai ru: mung: Lebanon bam mug: mae" Arid sag' cao" yu nae" tau: nyhang" byid: la, . Nga" daui nhao qe we' ni" daui nhao qe daga" ceim" kaid' nhao lang:. Nao mho' ra" nho" ni" jeim qe tau: aphug' gau shao: nae". Zi dung: byu qe ru: sag' thaung: ba: yu: ra" byu getau mana lo" ru nao ba gau ngaid va" ga: mho' ke' ra".7 Sholomun: jhaung zug' dao: re Hiram zug: the' gyo: lao" gyai gyo" ngaui mung: ce: byu myiqe: re ug: gam nae" tau: Davi re juyi bo: ra" zo: byid' ra". AsAng Mo"so wa ngaui lho" shao: wo" ga: mho: ra". –8 Dam Hiram wa Sholomun jhao" byu re nhao yang: lau dao: kyo" ke' ra". Nao ngo re pyang: ke' ra" dao: bin sho' qo" the' gyo: va". Nao o: ru we' dakhyo: Arid' gae we'9 hhu:je; gae ngo byid: nae". – Nga" daui mung: mo, wa Lebanon bam mae" qid mo" lao joe" sho' ai: sag' thaung: she: gyo" lo mung: ai: ru re pug zag; yu yang: nao o: ra" jo, qo joe" sho' qid gyaung: khyo" myhung" khyo" byid: nae". Ai: mae joe" yang: pug phyo' mung: nao lham: tug: she: yu wa, . Nao ngo o: ru we' dakhyo: nga" kho" vang mae" zoshao qe: tau: zo: nam byid: la, ga:10 ta" ke' ra". – Ai re" khyo: Hiram wa Sholo- mun o: ra" jham Arid sag' we' hhu:je; sag'11 re byid' ra". – Sholomun khyo" re: Hiram: vang" khug mae" zoshao qe zo: nae" tau: saung so cin shid' tug , kyang" pye' va" xau ko ra shid' xe byid' ra". Sholomun khyo" Hiram: jhao" zin qug: re ai: nho" byid'12 na: . – AsAng Mo"so khyo" re: dao: so: byid' to" we' dakhyo: Sholomun re juyi byid' ra". Hiram mang: zug: we' Sholomun shid' zo: wa gye ma jho" zin: lo: za: yao: cao: gang" ra" lozam" lokhug kaid' mung: na: ako".13 Jhaung zug: Sholomun wa Israel byu a lhab' mae" byu sam tug re o: lhaung: yu:14 ra". – Ai: bam re Lebanon bam mug: khyo lho" dakhye' re datug tug tha" yang: yang: nhao: ra". Yao: bam wa Lebanon: bam mae lho" dakhye' , yham mug: mae lho" shid' khye' ai ru: kaid' yang: na: ako". Ai byu15 jham re Adoniram au: she: ra". – Ai mae" ru qovin nae" byu nhaid' tug , bam mug: mae laug thung: byu she' tug re re: nhao:16 to" ra". – Yao: mau" yao" au: she: ra" agyi mae" getau ai: mau" zaui: mo; dao gin jhui" phag' na nae" byu sam taung: sam yo17 ngaid: . – Jhaung zug: pin: to" we' dakhyo: ai: yham mo" aqao: apain re kyaung" thug' yu: laug baui: yang zhaug' vai" qhid nae" tau: yao: bam: laug zang qi: we' phug' thao" ra" ja" laug re kyaung" yhaung" shaung: yu18 ko" ra". – Ai ru: kaid' yang: Sholomun: lo, mau" zaui: mo, we' Hiram: mau" vin byu qe Gebala byu qe we' daga" yham mo" zhaug' ra" sag' we' laug jham re nyhang" yu: zhag' to" ako".