1 Jhaung zug: Sholomun wa Israel:2 damang" geim" re ug: gam: na va". – Ce bam wa yao" mau" kaung vin mo, ngaid: .3 Khin jaung Za:dug' yao: zo: Azari – Shisha yao: zo: Elihoyed we' Ahiya nhae wa tung" su ngaid: . Ahilu yao: zo: Yohoshaphaid' wa4 mho myi: zam: . – Yehoada yao: zo: Benaia wa zug: jhaung Za:dug' we' Abyata nhae5 wa khin jaung ngaid: . – Nathain: yao: zo: Azari wa yung" ug. Nathain: yao: zo: Zabug wa mau" jaung we' khaung; mhao:6 ngaid: . – Ahisha wa kho" vang ug . Abada yao: zo: Adoniram wa khang: khyui su ngaid: .7 Sholomun wa Israel damang" geim" mae jaung: nha: to: mau" jaung zaui: daxe: shid' yaug; gu: wa lho" dakhye' dayaug jhaung zug: we' kho" vang khug mae" byu qe: tau: zo: nam re nyhang" kin byid' na: ako". –8 Ai bam: mang jham wa Ephrim: bam mug:9 mae Ben Hura – makaid , Shalabin , Besh- emed' , Elon-bet-hanam vomo" mae Bend-10 eke , – Sokho we' Hepha damug: geim" mae ug: ra Arubu vomo" mae Benhese , –11 Dora mug: damug: geim" re ug su Sholo- mun: myiqe: zo: Taphaid' re yu yaug Ben12 Abinadab – taned , Megido we' Bedshain mae" ru Yokameam lai Abelamehola joe" sho' mae" Yezarela o Zatana anhae mae" Bedshain mug: mae" Ahilu yao: zo: Bana –13 Ramod Gilaid' mug: mae" Ben Gebera. Yao: wa Bashain mang: mae" Argoba mug: mae vokham" kyae" lhang" lo: , gyid: kham: te' to" vozang khyaug' xe ngaid: ra" Manashe yao" zo: Ya-iru tao khyae mug: Gilaid14 mang: ug ngaid: . – Mahanim mug: mae"15 Ido yao: zo: Ahinadab , – Nabthali mang; mae" Ahimaza , yao: wa Sholomun: myiqe:16 zo: basemad re yu yaug ngaid. – Asha: we' belud mang: mae Hushai yao: zo:17 Bana. – Iskha mang: mae Parud yao: zo:18 Yohoshaphaid'. – Benyamin: mang: mae19 Ela yao: zo: Shimi. – Amori mang: zug: Sihon we' Bashain mang: zug: Oga we' tin" ra" Gilaid mug: mae" Uri yao: zo: Gebera jham ngaid: ako". Gebera wa ai: mang: mae yao: za: ug: ra" zug: ngaid: ra".20 Ai: ayo, Yuda we' Israel amyu" qe qid mang: mae" ma dae ru: myo" laug ru we' zo: zo: shaug' shaug' kaid' zo" yaug yo za:21 na: bam: ako". – Sholomun wa qid mo" lao mae" Philisti mang: khyao" , Egutu mang: mug: kyo: joe" mang: din" alhab' ug: gam yu mung: yao: bam Sholomun abang: gain sho' yao: re khang: khyui: dai" kaid' na: ako".22 Sholomun kho" vang mae daba re gain: pye' ra" zo: nam wa saungso cinmain" nhug sam xe , manau" ru khyaug' xe –23 zho" xau: to" nung: jaung daxe , nha: zho" to" jao: mae" nung: jaung shid' xe , yao dayo , ai: tho' mae" shocid , xe' , yo: ,24 ngho' aja: ja: bo shi". – Sholomun wa qid mo" lao ba vao shaid' mae" jhaung zug: qe ngaid ko" Tipasa vo mae" ru Gaza: joe" ug: ru mung: khyi" khao: ngo" avai: ayae: bin25 sho' mang: yaug yo: ra". – Sholomun bang: gain sho' Yuda we' Israel amyu" qe dayaug we' dayaug Dain vomo" mae" re Berasheba joe" sho' yao: yao" sabyi' gae we' yao: yao" pho' ham" gae qao: mae myain yo za: na: bam ko" ra".26 Dam: Sholomun wa yao" myao: lhin" to: jao: ga: khin zaung byid taung we' myao: jui: sulhe: datug; shid' taung bo:27 ra". – Mang: zug: qe lho" dakhye' dayaug yaug kho" vang ug mau" li" vin mung: jhaung zug' tau: mae" re: , yao" vang zo zo: gai" mae bo: zo: mo; tau: mae" re: zo: shaung nyhang" byid' ako". Yao: bam pe"28 re: mashaid' lo: zaui" ako". – Yao: bam dayaug we' dayaug yao: yao: to: ang: jo, qo khyo mugyo" gaug we' myao: we' loze: zo myo, kyaug' jham re yu: zhag' to: ko" ra".29 Ai mae" AsAng Mo"so wa Sholomun re gyai qi" ra" juyi amo" laha: we' nyain re re: qid dae mo" yae mae" ma coe ru myo" ra" vin tang" nhag' myid re re: byid' to"30 ra". – Yao" ba jhao ru wa ba thug' shaid' mae" mo; juyi we' Egutu mang: juyi tho'31 je: myhao: ra". – Kho ru: ga" re yao: wa Ezara amyu" Etain , Mahala byu Hemain , khalakola , Dayada bam tho' je yang: juyi myhao: ru mung: avai: ayae mang: din"32 khao: ngo" mae hau" nhao" to" ra". – Yao" dao: zham" sam taung we' nghaui" thoe33 dataung: ngo" ja: ngaid: . – Lebanon bam mug: hhu:je; gae mae" ru vokham" dao mae yaug; ra" fin" bau" gae mae" joe" sho' agae bin sho' akhyo , gug' nyhug' acao jab; sho' akhyo , ngho' acao jab; akhyo , yoe" qin" ja: we' ngo: aja: ja: akhyo jham re dao:34 zham" tung" caung: khin" to" ra". – Sholo- mun: juyi dao: the' gyo" ra" myid gaung dao: jhaung zug: alhab' tho' mae" yao" juyi dao: gyo" yu nae" tau: li" ko" ra".