1 Ai: ayo, Suri jhaung zug: Benhadab wa yao" gye mo" thaui: re khai: qham: to" ra". Mang: zug: sam xe: shid' yaug we' myao: jui: sin: zo: lhin" jui: sin: zo: qe bobo yang: Samari vomo" lhang" kham" to: mung: gye2 se' ra". – Vo khug khyo Israel jhaung zug: Ahab' jhao" logyo: nhao: ke' mung: Benha-3 dab ceru: ga: mho: ke' ra". – Ni" hhang ngaui jham re: , ni" zo: qe re: nga" re" ngaid:4 ga: pyang: ke' ra". – Israel jhaung zug: wa nga" asang jhaung zug: we" nao ta" we' dakhyo: ngo we' nga" dai kham alhab' ni" jo, nho" ngaid: ga: dam: phaug' ke' ra". –5 Logyo: qe dam: ye: mung: Benhadab ceru: ga: pin: ke' ra". Nao sang: hhang: ngaui6 myi: zo: ngo jhao" qhaug' ca" nae". – Da xo' za: ne, mo" ba ce yo, joe" lao" nga" jeim qe re ngo nhao: ke' nae". Yao: bam nao na: yham we' ni" byu qe: na yham jham re cao" ca: paui: qu" mung: o ngaui: ja: alhab' yu nhao ca" nae" ga: pyang: ke' ra".7 Ai lao" Israel jhaung zug: wa mang: khug agyi qere khai: qham mung: ce yaug kho qhi" gye poe nug: ga" ru aqu" qu" ge, . Nga" hhang ngaui zo: myi: jham mho' pyang: ke' au: ngo dace' re: maha nhaung8 mhao" ga: ta" kyo" ra". – Mang: byu qe we' agyi qe alhab' bam: wa ai: yaug; dao: datae"9 gyo: dakhae: yu ga: ta" ko" ra". – Ai ru: mung: yao: wa Benhadab logyo: qe re nga" jhaung zug: re ceru: ein: lo" ta" byid: gela, . Sao qhid' amyin" khyo" ke' ra" dao: kheim: re ngo gyo: byid: nae". Thao re ta" ke' ra" dao: kam" wa maqo" kaid' byid: ga: mho: ra" ein: lo" ta" ge, ga: ta" ke' ra". Ai: logyo: qe tug' lo" yang: lo" zhao: kyo" ako". –10 Dam: Benhadab wa nhao: ke' mung: nga" thao cao" mo, alhab' bam Samari vomo" mae" phailhug dazhab' zhab' o" ngaid: re mo"so ngo mae je yang: kaid' shao: ga:11 pyang: ke' ra". – Israel jhaung zug: tug tau: mung: gye khyung ve; ci yaug wa gye khyung khyaid' pye' va" yaug ru: maphug: nghao" na shao: ta" ge, ga: mho: ke' ra". –12 Benhadab jhaung zug: qe we' daga" gin: jao" tau shaug' yhai: na ko" au: ai: lau dao: the' gyo: lao" yao: wa gye se' nae" jin" za: kaid' to: gese ga: yao" byu qe re amyin" byid' ke' we' yao: bam wa vomo" qhid' au: mae gye se' nae" jin" za: seim" ci: ako".13 Ai: au: lapa dayaug Israel jhaung zug: Ahab jhao" li" mung: AsAng Mo"so: mung dao: ceru: ga: joe" ra". Ce: byu mo, thaui: amo" laha: re the' myao va" i"? Ni" lo, tau ana" ba qhaug' nae". Ngo AsAng Mo"so ngaid: akhyo re nao qo" the' ba nae" ga:14 amyin" dao: zhao: kyo" ra". – Alao" Ahab' wa khoyaug khyo" qhaug' byid: nae" ga: myid' re mang: zug: jham byu zolau: qe khyo" yang qhaug' byid: nae" ga: AsAng Mo"so amyin" dao: re zhao: kyo" ra". Gye poe re khag' jhui" au: she zai ga: dam: myid' re jhaung zug: yao: au: she ca" nae"15 ga: mho: ra". – Ahab' jhaung zug: wa mang: zug: qe: zolau: qe re nghe' qu" au: shid' yo: sam xe: shid' yaug bo: ra". Israel mo, byu alhab' bam re dam: nghe' qu" re nhaid' taung ngaid: ako".16 Yao: bam na" gaung kao" ayo, thug' lo" ako". Bebhadab kam" wa yao: re bo: pao bao" nae" mang: zug: sam xe: shid' yaug we' yham gin byae: tau yhid shaug' na"17 bam: ako". – Mang: zug: zolau: qe shi" sao qhid' thug' ako". Samari vomo" mae" byu thug' lo va" ga: Benhadab jhaung zug: jhao" nhao: ke' ra" byu qe ta" kyo: mung:18 yao: the' gyo" ra". – Benhadab wa yaug yo cae tae" mau" khyo" thug' lo: ru ngaid qere: , gye poe nae" ga: thug' lo: ru ngaid qere: ai: bam re adaui taung: ge, ga: amyin"19 khyo" ra". – Ai ru: mang: zug: qe: zolau: qe we' yao: bam: thao cao" ra" gye mo" thaui: qe ai: vomo" mae" thug' lo veko" ru20 mung: – yao: bam yaug nge, gyevo dayaug mae dayaug khe' se' ko" ru mung: Suri byu qe phao: ako". Israel byu qe cao" khe' ko" ra". Suri jhaung zug: Benhadab re: yao" sin: zo: qe we' daga" myao: jui: yang: qo" phao:21 loe; lo" ra". – Israel jhaung zug: re: thug' lo yang: myao: tab , lhin" tab jham re phyo' lhaui" myhi" pye' mung: Suri byu qe re qi: sho' se' mhain" tam" pye' ra".22 Dam: lapa wa Israel jhaung zug: jhao" li" mung: ni" gaung qam: phin" na wa, . Khoru: kaid' nae" ru myid: qu" lha" na wa, . Zin byang" lao" Suri jhaung zug: gye dam:23 poe: lo: li" nae" ga: ta" ra". – Suri jhaung zug: sin: zo: qe wa jhaung zug: re yao: bam: AsAng Mo"so wa bam mug: re za: ug: ra" so ngaid: . Ai mung: yao: bam ngon- haung" re aung ko" ra". Jao: dae mug: mae gye dalhang poe shi" gelang: . Alao" wa24 gyang" yao: qo" the' aung nae". – Mang: zug: alhab' re khyo" pye' mung: yao: bam: atha" zug: jhaung qere tang" nha: to: wa, . –25 Seim" byaug; sin: zo: qe we' myao: jham rere: , gye lhin" jham rere: dano" myo: sho' khai: zhang" to: mung: nyhao" jao: dae: mug: mae gye poe nyhang" gelang: . Dang dang yao: bam re qo" aung: pye' nae" ga: juyi byid: ko" ra". Jhaung zug: re: yao: bam: dao: khae: yu mung: ai: khyo: kaid' ra".26 Zin lo" byang" au: Benhadab wa Suri byu qe re nghe' qu" mung: Israel byu qe re gyese' nae" ga: Aphed khyo do, lo" ko"27 ra". – Israel byu qere: nghe' qu" yang: zao: kho nyhang ci mung: gye se' to" lo" ako". Israel byu qe wa yao: bam: qhid' au: mae caid' be, nau" mo, zhain shid' lam: ru: gyetab zhaug' ako". Suri byu qe kam" wa damang" geim" mae to, yao: ngaid: ra". –28 AsAng Mo"so: byu dayaug Israel jhaung zug: jhao" li" mung: AsAng Mo"so ceru: ga: ta" ra". Suri byu qe: AsAng Mo"so wa bam mug: mae ug: ra" so za: ngaid: . Jao: dae: mug: ug: ra" AsAng Mo"so mangaid: ga: mho ko" mathao ai: Amo" laha: mo, mo" thaui: qe re ni" lo, tau ngo qhaug' nae". Ngo AsAng Mo"so ngaid: akhyo naonhaung" qo" the' ba: li" genae" ga: mho: ra" ru zhao:29 kyo" ra". – Yao: bam wa nhaid' ba lam: lam: tau" te' qang: to: zo" gyetab zhaug' to: mung: nhaid' ba ein: ba gye jho" se' ako". Israel byu qe wa Suri gye daba re za: datid30 re qo" se' ko" ra". – Dang: gu: wa Aphed jo, qo khyo phao mung: vokham" baid; zag yang: shid' tug; nhaid' taung nhai" zag; se' pye' ra". Benhadab re: phao yang: vokhug aqe, tau vho' khug; na: ra".31 Yao" sin: zo: qe wa Israel jhaung zug: qe kam" ba: nhag' myain" ra" zug: qe ngaid: akhyo ngonhaung" lhaung" the' gyo" qu" ra". Ai ru: mung: nyhao: jid: mo" bau: ve, mung: au: dao taui: lao" yang" ci yang: Israel jhaung zug: jhao" ye: nae" akhang" byid: la, yao: ni" kao re lhoe' re lhoe' byid'32 li" nae" ga: jhaung zug: re ta" ko" ra". – Ai mae" yao: bam wa jid mo" bau: ve, phyid' cui: cui: mung: au: dao: mae taui: lao" yang" kai" ci zo" Israel jhaung zug: jhao" ye" ako". Joe" lao" ni" jeim Benhadab wa ngo re kao daui nhao shi: la, ga: mho: ra" ga: mho' ako". Ahab wa yao: daui: na shi" i". Yao wa33 nga" mao: ngaid: ga: ta" ra". – Yao: bam ai: akhyo gelho: gyo" ci yang: yao" dao: kheim: mye, za: phaid' yu zo" mae" ngaid: wo" Benhadab wa ni" mao: nhaung: ngaid: ga: ta" ko" re Ahab wa yao: re ngo jhao" jhui" lo geri: ga: mho: ra". Ai ru: Benha- dab yao: jhao" thug' lo mung: Ahab gye34 lhin" tau jui: nae" akhang" qo" ra". – Alao" Benhadab wa nga" pho" yang ni" pho" mae" lhaid' yu: ra" vomo" jham re ngo dam: byid: nae". Nga" pho" Samari vomo" mae khyo dang thung: jao" to" ru: nao re: Damasku mae Israel gau: khyo jhao" to: wa, ga: ta" re Ahab wa gai va" ce: dao: thang: lozam" lokhug: mathao: yang ngo nao re nhao: ke' nae" ga: mho: ra". Ai ru: dao: so: jho" to: mung: yao: re nhao: ke' ra".35 Naung cao lapa qe mae" dayaug wa AsAng Mo"so: dao: khyo" cao" yang: yao" zam" cao: re ngo re be, la, ga: ta" re yao:36 magyo: . – Alao" lapa wa nao AsAng Mo"so: dao: matae" gyo" mathao: yang ngo mae" thug' lo" lao" nao lotin: we' qhug' zai va" ga: ta" we' dakhyo: yao: thug' lo" lao" jao" lotin: we' qhug' mung: shid: lo"37 va". – Getau: byu dayaug we' dam: qhug' mung: ngo re be; la, ga: mho: re ai: yaug38 wa no sho' be; ke' ra". – Ai: lapa wa thug' yang: khyo yae tau jhaung zug: re lao" na zo" yao" au: thab' yang myo, khung: nghoe'39 ci: ra". – Ana" jhaung zug: su" lo: na: au: ai: yaug wa ni" jeim ngo gye poe mae bo bo: . Byu dayaug gye poe mae" thug' lo mung: ngo re byu dayaug re qhaug' yang: ce: byu re zaung" wa, .Yao: dakhyo: kaid' mung: phao: lo" lao" yao" kao atha" ni" kao xe' ca" nae". Mangaid lao" ngaui nhaid' xe:40 ngo" xe' ca" nae" ga: ngo re ta" ra". – Ngo ni" jeim mau" mho wo" ce ein: lhaug' na: au: ai: yaug byaug; lo" va" ga: zhao: kyo" re Israel jhaung zug: wa ni" mau" re ai ru: yao: kaid' ca" nae". Ni" gaung nao yao: pyam" na gau ngaid: ava" ga: mho: ra". –41 Ai: lapa pho" wa yao" myo, khung: nghoe' to" au: thab' mye, za: khyaid' pye' yang: lapa dayaug yaug ngaid: ru re Israel jhaung42 zug: ba: ra". – Lapa re: AsAng Mo"so mho: ru wa ngo nhang" to: va" yaug re nao nhao: ke' ra" mathao ni" kao re yao" kao atha" , ni" byu qe wa yao" byu qe: atha" seim: gain: pye' nae" ga: mho: ra" khyo re ta" kyo"43 ra". – Israel jhaung zug: wa myid myo" ru we' nhag' ngai: myo, khung: we' yao" kho" vang yham khyo lo" mung: Samari vomo" mae na: na: ra".