1 Ai: ayo, myao" thao sam zin byang" lo: au: AsAng Mo"so: mung dao: Elia jhao" joe" mung: ni" gaung Ahab' re ye qhu" wa, . Ngo myid gaung mae mug: qu: sheim" ke'2 nae" ga: mho: ra". – Alao" Elia wa Ahab' re yao" gaung qhu" nae" ga: ye" lo" ra". Ai: au: Samari vomo" mae bao" khug' mo"3 boe" na: . – Ai: au: Ahab' wa yao" bain" zam: Obadia re khai: ra". Obadia wa AsAng Mo"so re gyaug phug' nae" byu ngaid:4 ra". – Yezabela wa AsAng Mo"so: lapa jham re se' tam" lo: au: Obadia wa lapa dayo jhui" yu mung: yao: bam re ngo" xe xe kho' yang: laug aug' tau nyham" vho' nhao: to: mung: cinmain" we' qid byid:5 zho: yang: khau: ra". – Ai: au: Ahab' wa Obadia re ai: mang: mae" qid lao , qid thug' alhab' re ye qho: qu" wa, myao: jham daui: na yang: gug' nyhug' jham mashid: pye' shao: mhin: the' myao: re myao nae" ga:6 ta" ra". – Yao: tao ai: mang: ye ca: qho: qu" nae" tau: mo, kho' yang: Ahab' wa yao: za: dagau: Obadia re: yao: za: dagau: khyo gae: qho: ye" lo" ko" ra".7 Obadia ye" lo" na: au: Elia wa yao: we' qhug' ra". Yao: re: Elia ngaid: ru ba yang: myo, khung: gam" goe, zo" nga" asang Elia8 ngaid: ra" mangaid: i"? ga" re – Elia wa ngaid: mhao" cetau Elia na: akhyo ni" asang9 re lo" ta" kyo: wa, ga: ta" ra". – Obadia wa ngo ni" jeim Ahab' lo, tau shid; pye' nae"10 qhi" qobo pe" the' kaid' lo" va" yha". – Ni" AsAng Mo"so daui: na: we' dakhyo: nao re qho nae" tau: nga" asang manhao: ke' ra" mang: damang: re: majo, lo: . Mang: khao: ngo" , byumyu" khao: ngo" nao re mamyao lo: ga" ru re mang: khao: ngo" mae" mo,11 re nhang: kheim: ke' nhao: to: va". – Ana" kam" Elia cetau na: ein: ni" AsAng re lo"12 ta" wa, ga: amho: na: i"?. – Ngo nao mae" lo" mung: AsAng Mo"so: Solo ngo maba: jo, qo khyo nao re jhui" lo" byaug; ngaid: re Ahab' jhaung zug: re yeta" mung: nao re mamyao lao" ngo re se' pye' zai ngaid: . Ni" jeim ngo wa zolau" ban: mae" AsAng Mo"so13 re gyaug phug' na va". – Yezabela AsAng Mo"so: lapa qe re se' tam" lo: au: ngo kam" AsAng Mo"so: lapa dayo re ngo" xe xe kho' yang: laug aug' mae vho' nhao: to" ru we' yao: bam re cinmain" re: qid re: zho: jhaug' caung da" lo: ru nga" asang nao mathe' gyo:14 i"?. – Ana" kam" wa Elia ce mae na: wo" ein: ni" asang re lo" ta" wa, ga: nao ta" ra" .Yao: lam: ngo re lham: se' pye' zai va" ga:15 mho: ra". – Alao" Elia wa ngo caung da" na: pyaid dae du: AsAng Mo"so daui: na: we' dakhyo: ngo ana" ba yao: jhaung zug' qhid' kheim: mae na: thug' qhu" nae" ga: ta" ra".16 Alao" Obadia wa Ahab' re lo" ta" kyo" ra". Ahab' re: Elia re tug nae" ga: li" lo: ra". –17 Ahab' Elia re the' myao lao" yao: wa Israel qe re kyin" nhaung" nhao: ru nao ngaid:18 i"? ga: myid' ra". – Elia wa ngo Israel qere nhaung" khoe' nhao su mangaid: . Nao yao: we' ni" phug' pho" qe AsAng Mo"so: khang" dao: re naung phaug' pye' mung: Bala so thao cao" byaug ko" mathao nhaung" khoe'19 phau" ru ngaid: . – Ai ru: mung: Israel byu alhab' , Bala lapa byid yo: ngo" xe we' Yezabela zogai" mae zo daga" ceim" zo" na: Ashera lapa byid yo rere: Karamela bam dao ngo jhao" zang" qham nhao wa, ga: ta" ra".20 Alao" Ahab' wa Israel qe alhab' bam: re khai: zhang: mung: lapa qere Karamela21 bam: tau zang" qham nhao: ra". – Elia wa byu qe na: khyo li" lo mung: naonhaung" lam khug khyo shid' gau: gyo: mae kho myhao" joe" sho' lam: shaid' na shi: genae". Apyaid ato: AsAng Mo"so yao: AsAng Mo"so dang: ngaid: re ai: AsAng: thao cao" na ge, . Bala lam: dang lao" re: yao" thao cao" ge, ga: ta" ru re mo, byu qe dao: dakheim:22 lao" pe" mata" ko" ngaid: ra". – Xo' yang: Elia wa AsAng Mo"so: lapa ein nae" ru ngo dayaug za: adang: na lo". Bala lapa qe kam" byid yo: ngo" xe yaug ngaid shi: ko" ra". –23 Nung: shid' dau: she ge, . Yao: bam dadau: khyin: yu mung: bin: phyo' lao" thao: bam dao kai" ke' ge, . Myi: magai: te' nae". Ngo re: dang: ra" dau: phyo' mung: thao: bam24 dao kai" to: nae". – Ai ru: mung: naon- haung" wa naonhaung" yao" moso: mang re zag: hug' ke' ge, . Ngo re: nga" AsAng Mo"so: mang khyao: zag: hug' ke' nae". Myi: khyo" yang tau" ra" AsAng Mo"so lam: AsAng Mo"so gyang" ngaid shao: ga: tau" ako".25 Dam: Elia wa Bala lapa qere naonhaung" myo: ko" ru mung: nung: lo: dadau: khyin: yu mung: phyo' ge, . Naonhaung" moso: mang re lao: ge, . Myi: re magai: ngha" te'26 nae" ga: ta" ra". – Yao: bam wa mo, byu qe byid' ra" nung: lo: yu mung: phyo' kai" to: yang: Bala so we" ngonhaung" re tau: byid: la, ga: ne, seim mae" na" gaung: kho' sho' Bala mang re khai ko" ra". Ai qere: pe" thoe re: magyo: tau: su re: mana: ru mung: yao: bam kaid' to" phain lhang" gam: go"27 yam: na ko" ra". – Na" gaung kao" re Elia wa qam: phin: yang: zag: hug' ge, . Bala wa mo"so ngaid nhaung. Myid: tau" na: laug mangaid: lao" daja: ja: cao" qho: ru , su" qin" ru , yab pyo" na yang: nhug' yu ca" ru ngaid: laug ga: gaui qu" yang: ta" ra". –28 Alao" yao: bam qam: phin: phin: yao yang: li jo; we' dakhyo: yao: yao" gaung tau sa: thug' sho' shae , deim: aceim: yang thug'29 khyang" yu ko" ra". – Ai re" khyo: yao: bam ba gae" lo" sho' myi" xeim ngaui" yo, joe" sho' lapa pa ko" qere: , thoe re: mathe' gyo: , lamyhung" re: mamyhao" , tau: su re: mana lo: .30 Alao" mang: byu alhab' bam: re Elia wa ngo jhao" qui" te' lo geri: ga: ta" lao" byu qe yao: jhao" te' li" ako". Phyo' qheim" to" na: AsAng Mo"so: phain re yao: nyhang" caung:31 to" ra". – Ni" mang Israel mang nae" ga: AsAng Mo"so: lamyhung" dao: qo" khae: yu: ra" Yaku yao: zo: byu boe: khyo" cao" yang: laug baui daxe: shid' ce' yu: ra". –32 AsAng Mo"so: mang mae pao yang: ai: laug baui: yang phain kaid' mung: ai: phain lhang" gam: mae myug: shi: shid' tang vao33 kho gyab lhao: dau" ra". – Thao: vo; zhao" yang: nung: lo: re re: thao: zao mae phyo'34 kai" to" ra". – Yae: byid lam: tau qid khae: pyang" mung: ngaui" xeim: dau: we' thao: dao tau vhe' gyain: ge, ga: ta" ra". Vhe' gyain: shi: ge, ga: ta" yang: yao: bam re:35 dam: vhe' sheim" ako". – Ai re" khyo: sam lhang vhe' gyain: ko" ra". Qid wa phain lhang" gam: yug: gyo" na: ru we' gyab lhao:36 mae qid to, za: byang" jo; ra". – Myi" xeim: ngaui" ra" yo, re lapa Elia qui" ye: mung: Abraham: , Isag: , Israel AsAng Mo"so we" nao Israel qe: adao AsAng Mo"so ngaid: ru re re: , ngo ni" jeim ngaid: ra" akhyo re re: , ce ngo kaid' ru alhab' ni" amyin" dao: khyo" kaid' ru ngaid: khyo re re: ce37 bam ana" ba qo" ba sho' qhu" la, . – AsAng Mo"so we" nao za: AsAng Mo"so ngaid: na: khyo re re: , ce: byu qe: nhag' lam: re qo" phaug' lhag' nhao: ra" khyo re re: , yao: bam qo" ba nae" tau: nga" dao: kheim: gyo" yu byid: la, , tae" gyo: byid: la, wo" ga:38 jhaung: mho' ra". – Ai: au: re yao: AsAng Mo"so: myi: gyo" li" yang: ngaui" phain re , thao: re , laug baui we' myid bam" re nga" pye' ru we' gyab lhao: qid re: kin"39 byaug sho' ngaid: . – Mang: byu qe ai the' myao lao" byu qe gam" goe, yang: AsAng Mo"so za: Apyaid ato: AsAng Mo"so ngaid: . AsAng Mo"so za: AsAng Mo"so ngaid: ga:40 ta" ako". – Elia re: Bala lapa qere cam" ge, . Dayaug lhao" dalhoe' ge, ga: ta" ke' we' dakhyo: yao: bam cam" yu mung: Elia wa Kishun gyaung: khyo jhui" ye: yang: ai: tau yese' tam" pye' ra".41 Ai: thao Elia wa jhaung zug: zo: shaug' nae" tau: do, lo" se,. Mug: mo" qu: lo: ru: myang: hau" na va" ga: Ahab' re ta" ra". –42 Ahab' wa zo: shaug' nae" ga: do, lo" va". Elia wa Karamela bam phyo: do, yang: myid mae gam" goe, zo" yao" myo, khung:43 paid' laug gyo: tau qang: to: mung: , – yao" daui mung su re qid dae khyo qu" ke' wa, ga: ta" we' dakhyo: qu" ke' re pe" re: majo, ga: ta" ra". Alao" Elia wa ai re" khyo: nhaid' lhang khyao za: ye qu" qu" wa, ga: mho:44 ra". – Nhaid' lhang ein: lhang ye qu" re byu: lo, ru: ngaid: ra" jham thaui: qid mo" dae khyo" dang" do, lo: ra" ga: ta" ra". Elia wa do, lo" yang: Ahab' re mug: qu mung: tam" kyo" nae" gaung yug cang bo: ra". Jhaung zug: qo" seim" phao nae" tau: lo"45 ta" kyo: wa, ga: pin: ke' ra". – Kho myhao" makyo re mug: wa la lhang" thaui: we' cag' no; lo mung: mug: mo" qi: qu: gyo" lo: ra". Ahab' re: lhin" jui: yang: Yezarela khyo lo"46 ra". – AsAng Mo"so: lo, mo" lo, Elia adao mae ngaid mung: yao: phyid' cui: cui: yang: Yezarela vozang kham: dung: tau Ahab' re lheim" yang: sao qhid' tao" joe" va".