1 Ai: ayo, Jerobom zo: Abiya no: na: ra"2 mathao – Jerobom wa yao: myi: re to" wa, nao Jerobom yao: myi: ngaid: ru khag' re: maba sho' mai bau: tha" ve, mung: Shilo: khyo ye: wa, ngo ce: amyu" re zug: gam nae" khyo shid' ra" lapa Ahiya wa ai: vomo"3 tau na: ra". – Cinman" thaung: daxe khai" , cinmain" pye: dayho' , byo: yhid dathaug' yu: ci yang: yao: jhao" ye: wa, , ce: zoshao khoru: boe" nae" ru yao: nao re lham: ta"4 kyo" li" nae" ga: ta" ra". – Jerobom yao: myi: wa to" lo" mung: Shilo khyo ye: lo" ru we' Ahiya yham khyo joe" vao ye" ra". Ahiya kam" wa kao qi: va" mathao, myo, maqang: lo: mung: myo, mathe' myao lo: .5 Ai: au: AsAng Mo"so khyo" yang Ahiya jhao" Jerobom yao: myi: wa zo: no: ra" mathao yao: zo" tau: daja: ja: mho' nae" ga: nao jhao" ana" li" lo: ra". Yao: li" re getau: myiqe: ru: geim kaid' yang: li" ru mung: mho ce ein: lham: jhau: pyaug' ca" nae"6 ga: ta" to" ra". – Ai: myiqe: kham: dung: khyo" vao lo lao" yao" khyo su: thoe Ahiya the' gyo" ra". Alao" yao: wa Jerobom yao: myi: we" vao lo ri: , nao getau: myiqe: ru: kaid' ci: ra". Ngo ni" tau: kaug' lau dao: vin:7 ra". – Jerobom re lo" ta" wa, , Israel AsAng Mo"so ceru: ga: ta" ra". Ngo nao re mang: byu qe: khug mae" khyin: thug' mung: nga" byumyu" Israel adao mae zug: poe"8 to: va" we' , – Davi yham mae" ai: mang re qab; yu yang: nao re byid' to: va". Ai qere: nao nga" jeim Davi ru: mangaid: . Yao: wa nga" khang" dao: re cao" yang: nga" qhid' kheim: mae gai: ru za: kaid' nae" ga: nhag' lam: bin sho' we' ngo jhao" qhaug' ra". –9 Nao wa ni" qhid' au: mae lai: lo" va" alhab' mo; tho' qobo je: kaid' ava". Ngo je: nhag' yo: nae" tau: getau: mo"so we' sheim" yu: so lho re kaid' mung: ngo re wa ni" nhaung10 thao" mae to" pye' ava". – Ai: mathao Jero- bom yham khaung adao qug: khai: phau: nhao nae". Jerobom amyu" yaug gai zo: bin sho' we' Israel mang: tau kyam: xao" to: qhug' yaug ngaid qere: , loe; phao: lo" yaug ngaid qere: jhaid' za: kaid' pye' nae". Byu qe boe, said re shao" za: shaung: pye' ru: Jerobom amyu" re jhaid' za: sham" pye'11 nae". – Jerobom amyu" vokhug mae shid: re mao gaung lakha: zo" pye' nae". Vo taung gaung mae shid: ngaid: re mug: dao dao" lhau: ngho' jham: yang zo" pye' nae"12 akhyo AsAng Mo"so ta" ava". – Nao to" lo" mung: ni" yham khyo lo" se,. Nao vo khug vao lao" jao" zoshao shid: byaug naeva". –13 Israel mo, byu qe alhab' kaug' ngug: ru we' nyhab' shaung: pye' li" genae". Jerobom yham khaung gu: mae ai: zoshao dayaug za: nyhab' shaung: ke' ru qhug' nae". Pe" mung: ga" re Jerobom amyu" gu: mae ai: zoshao dayaug za: Israel AsAng Mo"so pyaid da du: AsAng Mo"so: qhid' au: mae14 gai shab: nhag' lam: bo: ra". – Ayo, joe" lao" Jerobom amyu" re phyo' lhaui" pye' nae" Israel jhaung zug: dayaug yaug re AsAng Mo"so wa yao" tau: nha: thug' ke' nae". Khoyo, ngaid nae" ga" re ana" lhao" ngaid15 va"!. – Jam gae re qid tau lao" lhaui" na: ru: AsAng Mo"so: yang Israel re be; nhau" mung: yao: bam: AsAng Mo"so nhag' yo" lo sho' Ashera sulho kaid' yu ko" mathao Israel phug' pho" qe re byid' to" gai lho" ra" mang: din" mae" khe' se' ru mung: qid mo"16 lao lai sho' khe' myhi" pye' li" nae". – Jero- bom wa yao" gaung yao: shaid' nghung" ru mung: Israel amyu" re shaid' nghung: nhao: qobo mathao: yang AsAng Mo"so wa Israel re to" pye' naeva" ga: ta" ra".17 Jerobom yao: myi: to" lo" mung: tirza: vomo" joe" ra". Yao" yham kham: baung18 joe" lo" re ai: zoshao shid: lo" va". – AsAng Mo"so wa yao" jeim lapa Ahiya thoe khyo" dao: jhau: we' dakhyo: Israel byu qe alhab' bam: yao: re nyhab' shaung: ke' mung: nhag' kaug' ngug yao" na ko" ra".19 Jerobom kaid' lai: lo: agin akhyo: gye se' mau" , mang: din" zug: gam mau" ada" zo, Israel jhaung zug: nhaung thao" mhomyi:20 paug' tau tung" to" ra". – Jerobom tao" zaung zin na wa shid' xe: shid' zin ngaid: ra". Ai: thao wa phug' pho" qe we' daga" yab pyo" lo" mung: yao: zo: Nadab yao" atha" tao" zaung: ra".21 Sholomun yao: zo: Rehoboam wa Yuda mang: mae tao" zaung: ra". Tao" zaung: ra" au: yao" kao byid xe: dazin ngaid mung: Yerusalem: mae daxe: nhaid' zin tao" zaung: ra". Ai: vomo" wa AsAng Mo"so yao" mang khyao: tang: jo, nae" tau: Israel byumyu" alhab' mae" khyin: yu: ra" vomo" ngaid: . Yao: myhi" mang wa Amon myiqe:22 Nama ngaid: ra". – Yuda mang: byu qe wa yao: bam: phug' pho" qe tho' je yang: AsAng Mo"so: qhid' kheim: mashab: mau" kaid' ru we' yao: bam shaid' nghung" mau" cao" na ko" mathao AsAng re nhag' je: lhau:23 zhung" na: ako". – Myhao: ra" bug gaung khao: ngo" mae nyug: yaung" ra" sag' gae gyid' khao: ngo" tau pa" kug' jao: , sulho jham we' Ashera alho jham tau: yhe' bam:24 ako". – Ai: mang: mae yaug gai o: khyo: ba: cao" ra" myiqe: lhoyhe' yaug gai jham na mung: AsAng Mo"so wa Israel amyu" qe: qhid' kheim: tau khe' va: pye' ra" taung bug byu qe: anyain: avho: mau" alhab' cao" kaid' na: ako".25 Rehoboam jhaung zug: tao" zaung ngo" zin re Egutu jhaung zug: Shishag Yerusa-26 lem: khyo gye se' to" lo mung: , – AsAng Mo"so: pa" jhaung: yham mae" jo, nho" we' jhaung zug' kho" vang mae" hhang ngaui jham re tai: sham" lo" ra". Sholomun kaid' ra" hhang go lung: alhab' re: sham" tai: lo"27 ra". – Rehoboam jhaung zug: wa hhang go lung: atha" gyid: golung: kaid' mung: kho" vang kham: lhaug' agyi: lo, mae qhaug'28 byid' ra". – Jhaung zug: pho" pa" jhaung: yham vao khao: ngo" kao lhaug' qe ai: golung: ci yang: bin thao yao: bam: zai to: qe, mae lodam: to: to: kaid' ko" ra".29 Rehoboam kaid' lo: dang shi" mau" alhab' Yuda mhomyi: paug' mae tung"30 xam" to" ra". – Rehoboam we' Jerobom wa yao: tao: apyaid abang: geim" gye jho"31 kaid' lo: ako". – Rehoboam re: phug' pho" qe we' yab pyo" lo" mung: Davi vomo" yao: we' daga" nyhab' shaung: ru qhug' ra". Yao: zo: Abiya wa yao" atha" tao" zaung: ra".