1 Elia kaid' mau" we' lapa alhab' se' pye' mau" re Ahab' yang Yezabela re alhab' lo"2 zhao: kyo" ra". – Yezabela wa Elia jhao" logyo: nhao: ke' mung: ne, kao ceyo, re ni" kao so' ai lapa qe: kao so' ru: ngo makaid' pye' ngaid: re wa mo"so jham ngo ai tho'3 mae kaid' shao: wo" ga: ta" ke' ra". – Elia ai the' gyo: lao" kao loe, sho' ga: Yuda mang: Berasheba khyo phao: ye: mung: yao" daui4 mung su re ai: tau nha: to: co' ra". – Yao: za: daba su: seyo khyo xo' ye" lo" yang: lashe' gae gyid' mae lo" zaung: jo; ra". Ai: au: yao: shid nug yang: jhaung: mho' ru wa AsAng Mo"so we" ga" shi: va". Nga" kao qab; yu la, , ngo wa phug' pho" qe tho'5 je: gai su mangaid: ga: , – lashe' gae gyid' yab pyo" lo" byaug; ra". Ai: au: mug: logyo: yao: re to" se, zo: wa, ga: yao: re li" tin:6 yang: ta" ra". – Elia nghao" qu" ke' au: yao" am: thaung" shaid' tau myi" yang kao: ra" cinmain" lung: we' qid thaug' jo; ru myao lao" zo: shaug' yu yang: dalhang dam: yab;7 lo" ra". – AsAng Mo"so: mug: logyo: wa shid' lhang ein: lhang li" mung: yao: re li" tin: yang: ye: nae" khyo dang gyai va: shi"8 to" zo: shi: wa, ga: mho: ra". – Alao" Elia wa dam: to" zo" ra". Ai: zo: pho: yang qam: pin" yu mung: AsAng Mo"so: bam Horeb joe" sho' ba na byid xe myi" na" su" ye" lo" ra".9 Ai: tau laug aug' dalam: joe" mung: ai: mae yevao: na: na: ra". AsAng Mo"so: mung dao: yao: jhao" joe" lo" mung: Elia nao ce10 tau pe" kaid' na:? ga: myid' ra". – Elia wa ngo pyaid da du: AsAng Mo"so: thao khyo" gyai qam: phin" pye' va". Pe" mung: ga" re Israel mo, byu qe ni" dao: thang: naung phaug' pye' mung: ni" phain jham re phyo' lhaui" pye' ru we' AsAng: lapa qere shae: yang se' pye' veko". Ngo dayaug za: na: dang mung: ngo re re: se' pye' nae" tau:11 qho: ako" ga: zhao: kyo" ra". – AsAng: mung dao: wa thug' wa, ai: bam dao AsAng Mo"so: qhid' au: mae ye; na wa, ga: ta" ra". Ai: au: qam: qi" aug' la mo" wa bam phyo: qang: kho' lo mung: AsAng Mo"so: qhid' kheim: laug baui jham re mhain" kaid' pye' ra". Ai qere: AsAng Mo"so ai: la mo" tau mabo: bo. La mo" thao mae myid lab; lab'12 ra" mae mabo. – Ai qere: AsAng Mo"so ai: myi: tau mana. Myi: thao mae yo yo za"13 thoe bo bo: ra". – Ai: thoe Elia the' gyo: lao" myo, khung: bau: mo" yang nghoe' ci zo" thug' lo" mung: laug aug' kham: tau ye; na: ra". Ai: au: Elia nao cetau pe" kaid' na:14 ga: thoe dathoe the' gyo" ra". – Ngo pyaid da du: AsAng Mo"so: thao khyo" gyai qam: phin" pye' va". Pe" mung: ni" phain jham re phyo' lhaui" pye' ru we' AsAng: lapa qere shae: yang se' pye' veko". Ngo dayaug za: na: dang mung: ngo rere: se' pye' nae" tau: qho: ako" ga: ta" kyo" ra".15 AsAng Mo"so wa Damasku khyo seyo khyo" dam: lo" wa, . Ai: tau joe" lao" Hezela re Suri jhaung zug: aya: tang: byid: mung:16 xau gyain: byid: wa, . – Nam: shi yao: zo: Yehu re wa Israel jhaung zug: aya: tang: byid: mung: xau gyain: byid: wa, . Ni" gaung tha" lapa kaid' nae" tau: Abela- mahala vobyu Shaphaid' yao: zo: Elisha17 re xau gyain: byid: wa, . – Ai ru: mung: Hezela shae: yang loe; ra" yaug re Yehu se' pye' nae" ngaid: . Yehu shae mae" loe, yaug18 re Elisha se' pye' nae" ngaid: . – Ai qere: Bala qhid' kheim: paid' thaug' thaug' ru, bo baug baug; ru makaid' ra" mo, ein nae" Israel byu nhaid' taung re kam" nga" tau: ngo tang" to: va" ga: mho: ra".19 Ai: jo, qo mae" Elia ye" lo" mung: Shaphaid' yao: zo: Elisha re ye the' myao: ra". Yao: wa nung: daxe: shid' zam" yang yo phaug' mung: yao" gaung wa lo" thao" daxe: shid' ga" ru mae bobo: ra". Alao" Elia yao: jhao" qui" ye: yang: yao" bau: qhang20 Elisha adao pye' kai" ke' ra". – Elisha wa nung: ai bam to: co' yang: Elia thao bo: cao: tao: zo" nga" myhi" pho" re shi" bobaug lo" baug co' nae". Ai: thao ni" thao bo: cao nae" ga: akhang" mho' re Elia wa lo" wa, .21 Ngo nao re pe" kaid' ra" ga: ta" ra". – Elisha dam: tug' lo" mung: yao" nung: dazam" se' yang: nung: sho: yophaug' zai jham we' jho' mung: byu qe re byid: zho" ru we' yao: bam re: yu zo" ako". Ai: thao yao: to" mung: Elia thao bo: cao mung: yao: re caung da" ra".