1 Ai: au: AsAng Mo"so: dao: Basha re au: zhaug' yang: Hanani yao: zo: Yehu jhao"2 joe" li" ru wa – ngo nao re myid zhai: mae" tau: yhe' mung: nga" byu myu" Israel adao mae zug: poe" to: va" qere: nao wa Jerobom ru: kaid' cao" lo" ru we' nga" amyu" Israel qe re qobo zaui" cao" nhao mung: yao: bam: qobo wa nga" nhag' yo: kheim: lhau: zhung"3 ke' ko" mathao – Basha we' yao" yham byu alhab' re jhaid' za: ngo sham" pye' nae". Ngo ni" yham re Nebaid yao: zo: Jerobom4 yham mae" ru: kaid' pye' naeva". – Basha we' tin: su vo khug mae shid: re lakha" yang zo" pye' ru phau: shao:. Seyo mae shid: ngaid: re dao" lhau: ngho' jham: yang zo" pye' ru qhug' shao: ga: mho: ra".5 Ca: xeim ca" shi" Basha akhyo we' yao" mau" zo" yao" ham: hung: akhyo jham Israel jhaung zug: mhomyi: paug' tau tung"6 to" ra". – Basha wa phug' pho" qe we' dakhyo: yab pyo" lo" mung: Tirza vomo" tau shaung: nyhab' ke' ru qhug' ra". Yao:7 zo: Ela wa yao" atha" tao" zaung: ra". – Ai re" ru: Basha wa Jerobom yham byu qe we' dau mung: yao" lo, mau" we' AsAng Mo"so: qhid' kheim: makhyang" mau" zaui: zo" yao: re nhag' yo: kheim: lhau: zhung" na: mathao ai: yham byu qere se' tam" pye' ra" qobo: mathao: yang re: Basha we' yao" yham byu qe re au: zhaug' yang: mho: ra" AsAng Mo"so: dao: kheim: wa Hanani yao: zo: Yehu lapa: nhaid' khyo" joe" li" lo: ra".8 Yuda jhaung zug: Asa tao" zaung: ru shid' xe: khyaug' zin au: Basha yao: zo: Ela wa Tirza vomo" mae Israel amyu" adao tao" zaung: qhid mung: shid' zin zug'9 gam: ra". – Ana" yao" daui nhao gye lhin" dakhyae: ug: ra" sin: thu mo" Zimari wa Ela re tau: lhain" ra". Yao: wa Tirza vomo" mae yao" kho" vang ug Arza: yham tau shaug'10 yid: na ko" au:, – Zimari vao mung: yao: re se' pye' ra". Ce wa Yuda jhaung zug: Asa tao" zaung: ru shid' xe: nhaid' zin re boe" thug' li" mung: Zimari tao" tha" zaung:11 ra". – Yao: tao" zaung we' Basha yham byu alhab' re se' pye' ra". Yaug pho" zomo, shaid' mae re: Banam mao: nhaung: shaid' mae re: yaug gai dayaug re lhao" matang"12 to: ngaid: ra". – AsAng Mo"so: yang Basha re au: zhaug' mung: lapa Yehu nhaid' thoe khyo" ta" dao: we' dakhyo: Zimari wa Basha yham byu alhab' re phyo' lhaui" pye'13 ra". – Pe" mung: ga" re Basha we' Ela yao: nhae kaid' shaid' qobo za: mago" Israel byu qe re qobo zaui" cao" lo" nhao: ru we' yao: nhae: mashao lho" kaid' ra" mau" yang Israel AsAng Mo"so re nhag' yo: lhau:14 zhung" ke' ra" mathao: yang ngaid: . – Ela akhyo ca ca" shi" mau" we' yao: kaid' lo: akhyo bin sho' Israel jhaung zug: mhomyi: paug' mae tung" to: va".15 Yuda jhaung zug: Asa tao" zaung: ru shid' xe: nhaid' zin au: Zimari wa Tirza vomo" mae nhaid' ba zug: gam: ra". Ai: au: mang: byu qe Philisti mang: mae" Gibet-16 hon vo re lhang" kham" to" ako". – Lhang" kham" to: mo, wa Zimari tau: lhain: yang: jhaung zug: re se' pye' va" ga" lau dao: the' gyo: gelao" Israel byu qe alhab' ai: ba re yao: bam: gye qe, tau sin: thu mo" zug: jhaung Omri re Israel jhaung zug: poe" ke' ko" ra".17 Omri re: Israel mo, byu qe we' daga" Gibethon vo mae" to" lo yang: Tirza vomo"18 re lo" lhang" kham" to: ko" ra". – Lhang" kham" to" aung naeva" ga: Zimari the' ba lao" yao" kho" vang khug khyo vao lo" mung: khin zaung mo" ngha" pye' ke' ru19 we' yao: re: ai: tau shid: pye' va". – Ai: ru wa AsAng Mo"so: qhid' au: zaui" qhu" ra" mashab; ra" qobo: mathao: yang re: , Jerobom ru: kaid' ru we' Israel qe re qobo mau" zaui: nhao: ra" mathao: yang re: ai ru:20 boe" lo: ru ngaid: . – Xo' ca ca" shi" Zimari akhyo re Israel jhaung zug: qe: mhomyi: paug' mae tung" ra".21 Ai: ayo, mang: byu qe mo, go, mung: damyo" Ginaid yao: zo: Tibani thao cao" yang: damyo" wa Omri jhaung zug: thao22 cao: ako". – Omri thao cao" mo, lam: Ginaid yao: zo: Tibani thao cao" mo, re aung: pye' mung: Tibani shid yang: Omri23 tao" zaung: ra". – Yuda jhaung zug: Asa tao" zaung: ru sam xe: dazin au: , Omri tao" zaung: qhid mung: Israel mang: re24 daxe: shid' zin zug: gam: ra". – Omri wa Shemera mae" ngaui talenta shid' lam: we' Samari bug gaung vai mung: ai: tau vomo" te" ra". Ai: vo re bug gaung sang Shemera mang khyo" cao" yang: Samari ga: mhang"25 ra". – Omri wa AsAng Mo"so: qhid' kheim: mashab: mau" kaid' mung: yao" qhid' mae" mo, alhab' tho' magai: mau" je: kaid' ra". –26 Yao: wa Nebaid yao: zo: Jerobom cao" ra" khyo mae re: , yao: bam: mhug' phyo' magai: mau" mae Israel AsAng Mo"so: nhag' lam: lhau: zhung" na mung: Israel qe re qobo kaid' mau" zaui: so" nhao: ra". –27 Omri akhyo ca ca" shi" yao: kaid' mau" we' yao" ham" hung: jham re Israel jhaung zug:28 mhomyi: paug' mae tung" to" ra". – Ai: thao Omri phug' pho" qe we' daga" yab pyo" lo" mung: Samari vomo" tau nyhab' shaung: ru qhug' ra". Yao: zo: Ahab wa yao" athao" tao" zaung: ra".29 Yuda jhaung zug: Asa tao" zaung: ru sam xe: she' zin: au: , Omri yao: zo: Ahab' Israel Nasa tau tao" zaung: qhid mung: yao: wa Samari vomo" tau shid' xe: shid'30 zin zug: gam: ra". – Omri yao: zo: Ahab' wa yao" qhid' mae" alhab' mo, tho' AsAng Mo"so: qhid' mae magai: mau" je: zaui: so"31 ra". – Yao: wa Nebaid yao: zo: Jerobom kaid' ra" qobo gau: cao" yang: ai: ru wa pe" za: mangaid: ga: jho: ra". Sidon jhaung zug: Ebala myiqe: zo: Yezabela re yu mung: Bala so re pa" kug' ru we' caung da" ra". –32 Samari tau zhaug' to" Bala jhaung: qe, khug mae Bala so tau: mae" ngaui" phain33 rere: zhaug' ra". – Dam: Ahab' wa Ashera gyoe lho kaid' ru we' yao" qhid' mae" Israel jhaung zug: qe alhab' bam: tho' je yang: Israel AsAng Mo"so re nhag' yo: lhau:34 zhung" na: ra". – Ahab' ta mae Bethela' vobyu Hiela wa Yerikho vomo" zhaug' ra". AsAng Mo"so: yang nung: yao: zo: Yoshu nhaid' mae" ta" thug' we' dakhyo: yao: wa aqao: vai" to' to: yang: yao" zoqhid' Abiram: shid; byaug mung: vomo" kham: dung: lhao" to" re yao: zo: voma bo: cao: shid: lo" ra".