1 Ai: yo, Gilaid mang: mae li" na: ra" Tishabi vobyu Elia wa Ahab' re ngo caung da" na: Israel AsAng Mo"so daui: na: we' dakhyo: ngo mata" re wa ana" mae" nghin re: , mug: re: magyo" lo: nae" ga: ta" ra". –2 AsAng Mo"so: mung dao: Elia jhao" joe" li"3 ra" dao: ein nae" wa , – sab za: ce jo, qo mae" thug' lo" wa, , ba thug' shaid' myo, nho qang yang: Yodain: lao dau" te' mae" Kherid qid gyaung: yae mae ye vho' na4 wa, . – Ai: gyaung: mae" qid shaug' mung: kuno, jham nao re zo: shaug' dai" nae" tau:5 ngo pin: to: va" ga: ta" ra". – Elia re: AsAng Mo"so: dao: kheim: we' dakhyo: zaui" cao" mung: Yodain: lao dau" te' mae" Kherid qid gyaung: yae mae yena: na: ra". –6 Kuno, jham wa ne, kao rere: myi" thao re re: cinmain" we' sho: vo; tai zho: mung:7 ai: gyaung: mae" qid re shaug' ra". – Ai: mang: mae mug: maqu yang: mamyao" re qid zo: gyaung: jham kin" byaug; ra".8 Alao" AsAng Mo"so: dao: yao: jhao"9 joe" mung: nao to" wa, , – Zidung: mang: mae Zaretha vo khyo byaung" na wa, . Ai: vomo" mae na: cug' mo" myhi" nao re caung da" nae" tau: ngo pin: to: va" ga:10 mho: ra". – Ai mae" yao: Zaretha vo khyo to" ye" lo" ra". Vomo" kham: dung: joe" lao" thao: qho: ra" cug' mo" myhi" dayaug na: ru mung: ai: yaug re Elia wa ngo shaug' nae" qid mavai" zo: byid: la, mhao" ga: hug'11 yang: mho: ra". – Myiqe: ai qid yu ga: lo" na: au: cinmain" dayho' nau" re: yu: li" la,12 ga: mho' laung" ke' ra". – Alao" cug' mo" myhi" wa ni" AsAng Mo"so daui: na: we' dakhyo: cinmain" dayho' lhao" maqo". Yae: ug' mae cinmain" phaui: dazhab' we' thaug' mae xau mavai" zo: za: abo: ra". Thao: shid' dakhyaung: ye gaug mung: ai re nga" tau: mae" re: nga" zo" tau: re: bin: jho' lao" za: ngoma: zo: yang: shid zai va"13 ga: ta" ra". – Elia kam" wa dagaung yug . Nao ta" we' dakhyo: yekaid' qere: nga" tau: cinmain" yho' angai sao qhid' jho' yang: li" byid: la, . Ai: thao za: naoma" qhid' mae"14 jho' wa, . – Pe" mung: ga" re Israel AsAng Mo"so ceru: ga: mho: ra". AsAng Mo"so: yang myid gaung tau mug: qu: khyo" ke' ra" ba joe" yae: ug' mae" cinmain" phaui: gain nae" mangaid: . Am thaug' mae" xau re: kin" byaug nae" mangaid: ga: ta" ra" ru15 zhao: kyo" ra". – Cug' mo" myhi" wa Elia ta" khyo: kaid' mung: lapa we' yao" yham byu qe re: gyai myao" sho' qo" zo" na: ko"16 ra". – AsAng Mo"so wa Elia nhaid' khyo" ta" we' dakhyo: yae: ug' mae" cinmain" phaui: bin: lo" ru mangaid: . Am thaug' mae" xau re: nang" lo" khyo mabo.17 Ai: thao yham sang myhi" yao: zo: no mo" gyo" mung: kao je; lo" byaug; ra". –18 Ai mung: cug' mo" myhi" wa lapa Elia re AsAng Mo"so: byu we" nao ngo we' pe" tin" i"? Nga" qobo ngo re ta" shid' mung: nga" zo: re se' pye' nae" ga: nao nga" jhao" vao19 li" nhaung mhao" ga: ta" ra". – Alao" Elia wa ni" zo: ngo re byid: la, ga: ta" zo" yao: myhi" tao: kheim" mae" ai: zoshao re vo; yu mung: yao: na: ra" tho' kai" qe, khyo vo; do, lo" yang: yao" yab jaung: tau lhang"20 to" ra". – Ai mae" AsAng Mo"so jhao" mho' yao mung: nga" AsAng Mo"so we" ce ngo khug ngha: na: cug' mo" myhi" yao: zo: se' pye' nae" wa nao yao" adao mae qobo21 byid' to" i"? ga: zag: hug' ra". – Ai: thao zoshao: adao yao" gaung sam lhang gam" maug yang: AsAng Mo"so jhao" mho' yao zo" nga" AsAng Mo"so we" ai: zoshao: kao so' yao: mae dam: vao shao: ngo AsAng22 jhao" mho' yao: wo" ga: hug' ra". – AsAng Mo"so wa Elia dao: tae" gyo: byid: mung: ai: zoshao: kao so' yao: mae dam: vao lo:23 ru we' kao dam: daui: lo: ra". – Elia wa zoshao re adao: qe, mae" jhui" gyo" lo" mung: yham khug tau yao: myhi" re qhaug' zo" ni" zo: daui: li" va" ga: yao: re ta" kyo"24 ra". – Myiqe: wa nao AsAng Mo"so: byu ngaid: ru we' ni" nhaid' mae" AsAng Mo"so: dao: kheim: dang main" ru re ana" ngo qo" ba va" ga: Elia re ta" ra".