1 Ana" Jerobom wa nae pyo" ja: ngha" nhae" nae" tau: phain nhae tau ye; na: au: AsAng Mo"so: byu dayaug AsAng Mo"so: dao: khang" ke' we' dakhyo: Yuda mang:2 mae" Bethela' khyo joe" li" mung: , – Phain we" Mo"so: dao: ceru: ga: mho: ra". Davi zug: myu" mae Yoshia mang: ra" byu re khau: li" nae". Ni" adao nae pyo" ja: ngha" nhae" mung: myhao: ra" jo, qo tau khin jaung mau" vin: ra" mo, re ai: yaug wa ni" adao ngaui" byid: mung: sushid shoqug: re phaid' ngha" li" nae" ga: mho: ra" khyo ta"3 kyo" ra". – Ai: ba re yao" ve, lho re re: to: byid: mung: AsAng Mo"so khang" to" ve, lho ceru: ngaid: ra". Ai: ngaui" phain go; lo" mung: ai: mae jo; ra" myiqe, re: yug; gyo"4 pye' nae" ga: mho: ra". – Ai ru: ga: AsAng Mo"so: byu wa Bethela' jo, qo mae" ngaui" phain: akhyo ta" hau" ra" dao: re jhaung zug: Jerobom the' gyo: lao" yao: phain mae" yao" lo, qang: ke' mung: ai: yaug re taung" yu ge, ga: mho: ra". Yheim" qang: ke' ra" lo, kyaug' lo" yang: madam: qo" she: yu5 lo: . – AsAng Mo"so: byu wa AsAng Mo"so: dao: cao" yang: ve, lho ceim" qhu" va" we' dakhyo: phain go; lo" mung: myiqe, jham6 re: phain mae" yug; gyo" pye' ra". – Jhaung zug: re: nga" tau: ni" AsAng Mo"so jhao" jhaung: mho' byid: la, ga: AsAng Mo"so: byu re ta" ra". AsAng Mo"so: byu wa AsAng Mo"so jhao" mho' bain" ra" mathao jhaung zug' lo, no gai: lo" mung: ge-au: ru: dam:7 gai: byaug: ra". – Jhaung zug: re: ngo we'daga" qam: pyang" yu lang: . Jhaung qhu" byid: nae" ga: AsAng Mo"so: byu re8 ta" ra". – AsAng Mo"so: byu wa kho" vang" dakhyae: byid' re lhao" ni" thao ngo maqo" cao". Ce: jo, qo tau cinmain" magai: zo: ,9 qid magai: shaug'. – AsAng Mo"so: mung dao: wa cinmain" dazo: . Qid re: dashaug'. Li" ra" khyo khyo" dalo" ga: ngo re mho: ra"10 ga: jhaung zug: re ta" kyo" ra". – Ai: thao Bethela' khyo li" ra" gau: jao" pye' yang: gegau: khyo" dam: phao: lo" ra".11 Ai: ayo, Bethela' vomo" mae lapa phug' mao: dayaug na: . AsAng Mo"so: byu ai: ba re Bethela' tau kaid' qhu" ra" mau" alhab' re yao: zo: qe yao: re lo: ta" kyo" ako". Jhaung zug: pho" re ta" ra" dao: rere: lozhao: kyo:12 ko" ra". – Yao: pho" wa ai: yaug kho gau: khyo" lo" ra" ga: yao: bam re myid' ra". Yao: zo: qe wa Yuda mang: mae" li" ra" AsAng Mo"so: byu kho gau: khyo" tug' lo" ru ba:13 ako". – Ai mae" yao: wa myao: do: nyhang" seim" ke' ge, ga: yao: zo: qe re mho: ke' we' yao: bam myao: do: nyhang" byid: mung:14 yao: pho" re jui: nhao: ke' ako". – Yao: wa AsAng Mo"so: byu re cao" khe' mung: shi qae gae gyid' mae zaung: na: ru the' myao lao" nao Yuda mang: mae" li" ra" AsAng Mo"so: byu dang: i"? ga: myid' ra". Ngaid:15 wo" ga: dam: phyid: ra". – Ai: lapa wa nga" thao cao" wa, , nga" yham tau cinmain"16 lo zo: byid: la, ga: khai: ra". – Alao" yao: wa ngo ni" thao magai: cao". Ni" yham re: magai: vao , ce tau mae cinmain" re:17 magai: zo: , qid re: magai: shaug'. – AsAng Mo"so wa ai: jo, qo tau cinmain" dazo: , qid dashaug'. Li" lo: gau: khyo" daphao18 ga: ngo re ta" ra" ga: ta" kyo" ra". – Lapa mao: zo: wa ngo re: nao ru: lapa ngaid: . Nao cinmain" zo: mung: qid re: shaug' nae" tau: nao re nga" yham khai: vhao" nae" tau: mug: logyo: wa AsAng Mo"so: mung dao: khyo" yang pin: to: va" ga: mhug' sham"19 dao: ta" ra". – Ai mung AsAng Mo"so: byu wa ai: lapa we' dam: tug' lo mung: yao" yham mae cinmain" re: zo: qid re: shaug' mung: na: ra".20 Yao: nhae tao zo: gai" tau daga" zaung: na ko" au: khai: jhui" lo: lapa phug' jhao" AsAng Mo"so: mung dao" joe" mung:, –21 Yuda mang: mae" li" ra" AsAng Mo"so: byu re nao AsAng Mo"so: nhaid' thug' mung dao: re matae" gyo: , ni" AsAng Mo"so pin:22 to" khang dao: re macao". – Ce: jo, qo tau cinmain" dazo: , qid dashaug' ein: khang" to" jo, qo khyo dam: tug' lo mung: cinmain" we' qid re zo: shaug' ra" mathao ni" mao gaung phug' pho" qe: lab bug majoe" nae" AsAng Mo"so: pin dao: zag: hug' yang: ta"23 kyo" ra". – Cinman" we' qid zo: shaug' bin thao lapa phug' mao: wa yao: khai: tug' yu: lapa tau: mae" myao: nyhang" byid' ke'24 ra". – Yao: thug' lo" yang: khyo dang tau lo tin: we' qhug' mung: yao: re bin" se' pye' ra". Mao gaung khyo dang tau lang" jo, mung: myao: we' lotin: re: ayae mae ye; jo;25 ako". – Mao gaung khyo dang mae lang" jo, mung: logung: we' lotin: re: ayae tau ye; jo; ru re su" lai mo, myao lao" lapa mao: zo: na: ra" vo khyo lo zhao: kyo" ako".26 Khai: jhui" lo: lapa mao: zo: ai: lau dao: the' gyo: lao" AsAng Mo"so: mho dao: matae" gyo" AsAng Mo"so: byu ngaid naeva". AsAng Mo"so yao: re ta" kyo: va" we' dakhyo: yao: re lotin" nhaid' mae qhaug' byid: mung: lotin" yang bin" se'27 pye' venhaung mhao" ga: mho: ra". – Ai lao" yao: wa myao: nyhang" byid: gela, ga: yao: zo: qere ta" re do: khyung nyhang"28 byid' ke' ako". – Ye" lo" yang: khyo dang tau shid: lang" jo; mao gaung we' myao: we' lotin: wa ayae mae ye; jo, ko" ru ye the' myao: ra". Lotin: wa mao gaung re: mazo: . Myao: re re: mabin: lo: na: na:29 ra". – Lapa phug' mao: re: AsAng Mo"so: byu sushid mao re myao: dao kai: mung: tug' lo" ra". Nyhab' shaung nae" tau: lapa30 mao: zo: vogaung: khyo yu: lo" ra". – Ai: mao gaung re yao" lab qo tau to" to: mung: yao" mathao kaug' ngug zo" aga" nga" mao:31 we" ga: kaug' ngug; ra". – Shaung nyhab' ke' bin thao lapa phug' mao: wa yao: zo: bam re ngo shid lao" AsAng Mo"so: byu nyhab' to" lab tau ngo re nyhab' ge, . Nga" sho qug: jham re yao" shoqug: mae qhain"32 to: ge, . – Khoru ga" re Bethela mae jo; ra" ngaui" phain: akhyo re:, Samari mang: vozo: vozang mae" myhao: ra" bug gaung mae" yham jham: akhyo re re: yao: zag: hug' ta" hau" ra" AsAng Mo"so: dao: gai gai: boe" dang: lo nae" ga: pyang: to: co'33 ra". – Ai: mau" boe" qe re: Jerobom wa yao: magai kaid' mau" mae" matha" lhang. Pe" mangaid' byu qe re myhao: ra" jo, qo tau khin jaung mau" xo' yang: tang" nha: to" ra". Khin jaung kaid' nug mo, alhab' re poe" ke' yang: yao: bam re myhao: ra" bug gaung tau khin jaung aya: tang" nha:34 to" bam: ra". – Ai ru: kaid' ra" mau" wa Jerobom anyaug re myid gaung: dao mae" phyo' lhaui" pye' nae" mae joe" sho' qobo mo" boe" byaug; ava".