1 Dam: Davi wa ngo Yonatain: re jeju tug' ru boe" nae" tau: Sholu: yham khaung mae" dayaug daqo: na: dang shi" la, ga:2 myid' ra". – Sholu: yham mae" Ziba ga: mang: ra" jeim dayaug na mung: yao: re Davi jhao" khai: vhao" ke' ako". Alao" jhaung zug: pho" wa nao Ziba ngaid: i" ga: myid' qu" re ni" jeim ngo ngaid: wo"3 ga: ta" ra". – Jhaung zug: pho" wa Mo"so o ngaui: we' dakhyo: ngo jeju tug' nae" Sholu akaung mae" dayaug yaug mana lo: la, ga: myid' ke' re Ziba wa Yonatain: yao: zo: khyid qeim yaug dayaug na shi" ra"4 ga: zhao: kyo" ra". – Jhaung zug: wa are ana" yao: khai: tau na: ga: myid' re Ziba wa Lo-deba vo Amila yao: zo: Makhira yham5 mae na: ga: zhao: ra". – Alao" Davi wa byu nhao: ke' mung: Sholu yao: zo: ngaid: ra" Yonatain: zo: Mephiboshed' re Lo-deba vo Amila yao: zo: Makhira yham mae"6 khai: jhui" lo nhao: ra". – Yao: jhaung zug: kho" lo joe" lao" gam" goe, caung: pa" ra". Davi wa Mephiboshed' we" ga: lham: jhu" re yao: wa ni" jeim ngo na: na: wo"7 ga: tau" ra". – Davi wa gaung dayug . Ni" pho" Yonatain: qhid' mae" ngo nao re dang dang jeju tug' nae". Ni" tau: mae" Sholu sang: ra" myid: gaung alhab' ngo dam: byid: nae". Nao nga" zo: shaug' jao: mae ne, qug: bo: zaung zo" na ca" nae" ga: ta"8 kyo" ra". – Alao" Mephiboshed' wa ngo ru" yaug kha: shid re nao asang qo" the' myao nae" wa ngo ni" jeim pe" qhi" gyang" yaug va: ngaid: i" ga: dam: goe; pa" mung: jhau: ra".9 Jhaung zug: pho" wa Sholu: jeim Ziba re khai: yu mung: Sholu we' yao" akaung ba nam qe sang ang: ra" alhab' gu: we' ni" asang: zo: re ngo qhaug' byid: va". –10 Nao wa ni" zo: ni" daui nhao jeim qe we' daga" mau" zaui: mung: ni" asang: yao: zo: zo: nae" tau: zo: pho: qhovo: qhoshi: li" dai" ca" nae". Ai qe re: ni" asang: yao: zo: Mephiboshed' wa ne, qug: khyao za: nga" zo: gai" mae bo zo" na ca" nae" ga: mho: ra". Ziba mae yao: zo: daxe: ngo" yaug we'11 jeim shid' xe zo: na: ra". – Ziba re: nao asang jhaung zug' ni" jeim mho: ke' we' dakhyo: zaui: so: nae" ein: khae: yu: ra". Mephiboshed' kam" wa jhaung zug' yao: zo: agyang" ru: yao" zo zo: gai" mae bocao:12 zo" na: ra". – Mephiboshed' mae Mikha: ga: mang: ra" yaug gai zo: dayaug qo" ra". Ziba yham mae na: ra" mo, alhab' bam: re:13 Mephiboshed: jeim qe ngaid: ako". – Ai re" khyo: Mephiboshed' wa Yerusalem: mae na mung: jhaung zug' zo zo: jaung: mae ne, qug: khyao za: bozo" na: ra". Khyid shid' shaid' qeim su ngaid: .