1 Dam: Davi wa khyin: to" ra" Israel byu2 sam tug jhui" khai: qham: mung: – Kheru- bim: gyo: mae zaung: ra" pyaid da du ug: gam: ra" Mo"so: mang kheim: mang: ra" Mo"so: bain" re Yuda mang: Bala mae" tai:3 yu nae" ga: ye" lo" ko" ra". – Mo"so: bain" re lhin" sag' dao mae kai: mung: bug gaung mae" Abinadab' yham mae" she: thug' ko" ra". Abinadab' zo: Uza we' Ahio nhae wa4 lhin" sag' re keim" ako". – Uza wa Mo"so: bain" nhae mae , Ahio wa bain" qhid' mae5 su" ra". – Davi we' Israel mo, mo" thaui: qe wa tang: , khulhao: hhang , po: haung qid zang" tang: , jhe' cang" vo, mung: Mo"so: qhid' kheim: be; myhang" yang: su" ako".6 Nakhon zam jao: mae joe" gelao" lhin" nung: lang: yang: Uza wa yao" lo; yang7 Mo"so: bain" re zaui" zag: ci: ra". – Mo"so wa Uza re nhag' yo: mung: yao" qobo: mathao Mo"so qug: khai: byid: yang: yao:8 bain" nhae mae shid: byaug; ra". – Uza re Mo"so: yang qug: khai: dae byid' mathao Davi nhag' ngai: ra". Ai: jo, qo re ana" ba9 joe" Pere-Uza ga: mhang" to: ko" ra". – Ai: ba Davi Mo"so re gyaug mung: Mo"so: bain" khoru: ngo jhao" joe" nae" i" ga: ta"10 ra". – Ai ru: mung: Davi wa Mo"so: bain" re Davi vomo" khyo mayu: lo" Giti byu Obed-Edom: yham khyo vo; jao" lo" ra". –11 Ai mung: Mo"so: bain" re lho" sam khye' lam: lam: Giti byu Obed-Edom yham mae to" to" ra". Mo"so wa Obed-Edom we' yao"12 yham byu qe re min byid' ra". – Mo"so wa ai: bain" mathao: yang Obed Edom we' yham byu qe alhab' bam: re min byid' na: akhyo Davi jhaung zug: the' gyo: lao" dam: ye: mung: Mo"so: bain" re Obed-Edom yham mae" Davi vomo" khyo ngaui lho"13 myid we' vo; tai: lo: ako". – Mo"so: bain" re vo; ra" mo, khyaug' byae ce: yang: xau: yaung" ra" nung: dadau: re xeim: ngaui"14 byid' ako". – Davi re: pin: kayhoe" bau: qhang re ve, yang: Mo"so: qhid' kheim:15 mae qi: sho' go" na: ra". – Ai re" khyo: Davi we' Israel byu qe zag: hug' ru we' labo" maid yang: Mo"so: bain" re yu: lo: ako".16 Mo"so: bain" Davi vomo" khyo vao: lo" ra" au: Sholu: zo: Mikhala wa kham: zo: dung: khyo" qu" ke' re Davi jhaung zug: Mo"so: qhid' kheim: mae go" yab yu yang: yang: lo: ru re myao mung: qu" phoe: pye'17 ra". – Mo"so: bain" re vhao" ke' mung: Davi zhaug' to: va" zaung agaung: tau yao" jo, qo mae bin: to: thao Davi wa phaid' ngaui" xeim: re Mo"so: qhid' kheim: xeim:18 ngaui" ra". – Phaid' ngaui" xeim: we' zam" khug xeim: bin: to' byid: thao pyaid da du: Mo"so: mang kheim: re lao: yang: volo mang: byu qe re min mhin" byid' ra". –19 Israel volo byu yaug gai myiqe: alhab' re cinmain" dayho', sho: daje, je, , sabyi' shi: daboe boe yaug nyang gae byid' ra". Ai: thao byu qe khag' re: khag' yao: yao" yham dam: lo" byaug: ako".20 Ai: thao Davi kho" vang akhug mae" mo, re min byid: nae" ga: ye" lo" mung: joe" lao" Sholu zo: Mikhala lham: tug sho' kaid' yang: Davi re nhag' mabo aqho' axag' maba lo: sho' sho' yham sang: ve, mai bau: lhao" ma-aung lo: yham sang: sin: zo: qe: jeim: myhi" qe: qhid' kheim: mae mai bau: khyaid' shao: ra" Israel jhaung zug: wa ana" ba ham: hung: khoqhi" zang je: qi: va" ga:21 lham: ta" ra". – Davi wa ni" pho" we' yao" ba nam qe: gaung tha" ngo re khyin: yu mung: Mo"so: byu , Israel qe re zug: gam nae" jhaung zug: tang" to" ra" Mo"so: qhid' kheim: mae ngo go" ru mangaid: i". Mo"so: qhid' kheim: ngo go" nhain" nae".22 Ai: tho' je yang: lhao" go lho yhe' nae". Ngo ngo yao" gaung re je: nyham: khyo" shi: nae". Nao mho: ra" jeim myhi" qe wa ngo re lhao" acaung: shi: genae" ga: Mikha-23 la re dam: ta" ra". – Sholu: zo: Mikhala wa dabang: geim" zo: makhau myhung lo: .