1 Ai: thao Amon jhaung zug: shid: byaug mung: yao: zo: Hanun wa yao: pho" aya:2 tao" dam: zaung: ra". – Davi re: Hanun yao: pho" Nahaid' wa ngo re jeju kaid' ra". Ai mung: yao: zo: mae ngo jeju tug' nae" ga: myid yang: yao: pho" shid: au: re nhag' tang" nae" tau: yao" sin: zo: qe re nhao: ke' mung: Davi sin: zo: jeim qe re: Amon mang:3 khyo joe" ye: ko" ra". – Amon amyu" zug: ade, qe wa yao: bam: asang Hanun jhao" vao ye: mung: Davi khyo" nhag' tang" byu qe ga: nhao: ke' ru wa ni" pho" re phug' te' ru ngaid: ein: jho: ra" i"?. Ce: vomo" ada" zo, ca: qu" mung: li" phyo' nae" ga: yao" logyo: qe re nhao: ke' ru mangaid' ra"4 i" ga: li" zhao ko" ra". – Alao" Hanun wa Davi jeim qe re cam" yu yang: nhaid' maui: dakhyae: qaug: pye' byid: mung: paung daung: joe" sho' yao: bam: bau: phyid' pye'5 yang: nhao: ke' ra". – Ai: lau dao: Davi the' gyo: lao" ai: byu qe gyai qho' byaug veko" ru mung: yao: bam re tug: yu nae" byu nhao: ke' ra". Naonhaung" nhaid' maui: madam: qhang: li" li" wa Yerikho" mae na: na shi" ge, . Ai thao mae" za: dam: lo ge, ga: re: pyang: ke' ra".6 Amon byu qe wa ngonhaung" Davi qhid' kheim: mae gaui de; phug' qid boe" naeva" ru ba yang: yao: bam: byu re nhao: ke' mung: Berahoba we' Zoba mae na: ra" Suri' byu shid' tug , Makha mang: zug: mae" byu dataung , Toba vobyu datug shid'7 taung re ngho" yu: ako". – Ai: lau dao: Davi the' gyo: lao" Yaba we' yao" sulhe: qam: bo su mo, thaui: mo, yaug nhao:8 ke' ra". – Amon byu qe thug' lo mung: vogaung" kham: dung: tau gye se' zam jao: nyang" ako". Zoba , Rehoba , Toba vomo" khain mae" li" ra" Suri' byu we' Makha mang: zug: byu qe jao: dae mae getau tau na ko" ra".9 Yaba re: qhid' khyo , thao khyo gye myo, nho shid' shaid' ngaid: ru the' myao lao" Israel mo, thaui: khug mae je: sulhe: boe" ra" mo, khyin: thug' mung: Suri' byu qe: shaid' khyo gye myo, nho10 thaung: to" ra". – Dang: ra" gu: wa Amon byu qe shaid' khyo gye myo, nho au: am: nae" tau: yao: nhaung: Abishai re au: she11 nhao: ra". – Suri' byu qe ngo re aung lao" ngo jhao" bao" ca" nae". Amon byu qe nao re aung: lo lao" nao jhao" ngo bao"12 nae". – Vae" ra" myid ke' ci mung: nyhao" byumyu" , ngonhaung" AsAng Mo"so: vogaung: , vomo" tau: mae" qam: phin: yang: yao: gye se' gelang: . Mo"so o ngaui: na: we' dakhyo: zaui: so: bao" veshao: ga:13 mho: ra". – Amae" Yaba wa yao" byu qe we' daga" Suri' qe re gye khe' nae" tau: te' ye" lo" na: re Suri' byu qe phao: lo" byaug14 ko" ra". – Suri' byu qe phao: lo" ko" ru re Amon qe myao gelao" yao: bam re: qhid' kheim: mae" phao: lo" mung: vo khug khyo phao: vao lo" ko" ra". Yaba re: Amon byu qe re khe' ra" jo, qo mae" Yerusalem: vomo" khyo dam: tug' lo: ra".15 Suri' byu qe Israel qe: qhid' kheim: mae seim" ru ba lao" dam: zang" qham phaung:16 ako". – Hadareza zug: re: logyo: nhao: ke' mung: qid lao thoe te' mae" Suri' byu qe re khai: ke' ra". Yao: bam re: li" lo mung: Helam vomo" joe" li" lo: ako". Shobed wa Hadaeza gye qe: zug: jhaung mo" ngaid: . –17 Ai: lau dao: the' gyo: lao" Davi wa Israel mo, byu qe re jhui" zang" qham mung: Yodain: lao gau" ye: yang: Helam vomo" joe" ye" ako". Suri' byu qe Davi qhid' kheim: mae gye khain mung: se' ko" ra". –18 Suri' byu qe Israel byu qe: qhid' kheim: mae phao: sin" lo" gemung: Davi wa Suri' byu qe: myao: lhin" nhaid' yo , khyid su: gye byid tug qo" se' pye' ra". Zug: jhaung mo" Shobed' re re: dae te' ke' mung: yao:19 re: ai: tau shid: byaug: ra". – Hadareza mae jeim bokaid' na mang: zug: qe alhab' Israel qhid' kheim: mae yao: bam seim" byaug va" ru ba se" gelao" Israel we' lozam" lokhug kaid' yu mung: yao: bam mae jeim khyo" dam: na: ako". Ai re" khyo: Suri' byu qe thao re Amon byu qe jhao" gye mavae" bao" zin: lo: ko".