1 Ai: thao Davi wa ngo Yuda vomo" dajo, qo qo khyo ye" re gai: i" ga: AsAng Mo"so jhao" myid' qu" ra". Mo"so wa ye: wa, ga: mho: ra". Davi wa are kho vo khyo ye: nae" ga: myid' re Hebron: vomo" khyo2 ye: wa, ga: mho: ra". – Alao" Davi wa myi: shid' zo: Yezarela vobyu Ahinaung , Nabala myi Karamela vobyu Abigela jham3 we' daga" ye" ra". – Yao: mae bo: ra" byu jham , yham khaung ngaid mo, re re: Davi khai: jhui: mung: yao: bam Hebron: vozo:4 vozang cao" yang: na: ako". – Ai: Yuda byu qe li" lo mung: xau gyain: mung: Davi re Yuda jhaung: zug: aya: tang: byid' ako".5 Gilaid mang: Yabed' vobyu qe Sholu re nyhab' shaung: ke' va" ga: Davi re li" zhao: kyo" ako". Ai ru: mung: Davi wa Giled mang: Yabed' byu qe jhao" logyo: nhao: ke' mung: naonhaung" asang jhao" jeju ceru: naonhaung" kaid' veko". Yao" gaung re nyhab' shaung: ke' veko" mathao Mo"so: min jhaung: qo" the' yu vegeshao: . –6 Mo"so: yang naonhaung" adao mae nhag' myain" ru we' vin tang" ra" jeju tug' byid: vegeshao: wo". Naonhaung" ai ru: kaid' veko" mathao ngo re: jeju tug' nae". –7 Ana" kam" wa qam: phin: yang: qhao" ra" naonhaung" asang Sholu shid va". Yuda byu qe ngo re xau gyain: yang: jhaung zug: aya: tang: veko" ga: pyang: ke' ra".8 Ngaid qere: Sholu nho: sin: thu mo" Nera yao: zo: Abana wa Sholu zo: Isha- boshed' re jhui: mung: Mahanim vo khyo9 jhui" lo" ra". – Ai mung: Giled' mang: , Ashuri' byu qe , Yezarela vobyu qe , Ephrim: mug: , Benyamin: mug: we' Israel damang: din" jhaung zug: aya tang" ako". –10 Sholu zo: Ishaboshed' kao byid xe re Israel mang: din" re ug: gam mung: shid' zin zug: gam: ra". Yuda qe kam" wa Davi thao cao"11 ako". – Davi wa Hebron: mae na mung: Yuda byu qe re zug: gam: ru nhaid' zin: yang lho" khyaug' khye' ngaid: .12 Nera zo: Abana wa Sholu zo: Isha- boshed' jeim qe we' daga" Mahanim: mae"13 Gibeon khyo ye" ako". – Zerua we' Davi sin: zo: qe lham: tug yang: Gibeon qid lhao: yae mae jho" qhug' qham mung: qid lhao: thoete' cete' kaid' yang: zaung: ako". –14 Abana wa zolau: qe to" yang: ngonhaung" qhid' kheim: sab' qhu" vegeshao: ga: mho: ke' re Yaba re: to" mung: sab' vegeshao: ga:15 mho: ra". – Ai re" khyo: Sholu zo: Isha- boshed: byu Benyamin: kaung qe daxe: shid' yaug we' Davi byu sin: zo: daxe: shid' yaug jham wa to" yang: qhe' ye" lo" ako". –16 Yao: bam wa dayaug we' dayaug gyevo nge, nge, kaid' mung: khag' re: khag' yao" gyevo: xae re zaui: zag: ci yang: nae cae: tau shae: yang thug' kyao" mung: dazhain za: lang" shid: pye' ko" ra". Ai mung: Gibeon vomang: mae" ai: jo, qo re Helakad'17 Nazurim: ga: mhang" ko" ra". – Ai: ba re gyai jho" khaid' gemung: Abana we' Israel byu qe wa Davi sin: zo: qe: qhid' kheim: mae seim" byaug ko" ra".18 Zerua zo: sam yaug Yaba , Abis- hai , Atahela jham bobo: ra". Atahela wa seyo mae" shocid ru: khye' phyaid yaug19 ngaid: . – Atahela wa lo, yo, lo, vai: mang-20 hung: lo: Abana re cao" khe' ra". – Abana thao khyo lhang: qu" mung: nao Atahela ngaid: i" ga: myid' re yao: wa ngaid: ga:21 dam: ta" ra". – Abana wa lo, vai: shaid' ngaid qere: , lo, yo shaid' ngaid qere: lhang yang: zolau: dayaug taung" yu mung: yao" gye ve, mai bau: lhaid' yu wa, ga: qere: Atahela malhang: qu" lo: xo' khe' na:22 ashi". – Dam: Abana wa ngo jhao" dakhe' lo: , tug' lo" se. Nao re ngo pe" mung: myid gaung tau lang: nhao nae" i". Ngo aru: kaid' re ni" mao: Yaba myo, khung: ngo23 khoru: ba: qhu" nae" ga: ta" ra". – Ai qere: Atahela matae" gyo: lo: yang: Abana wa lhae: yang geim: ke' re lhae nyaug: gu: vae: dug: vao lo" mung: gaung tao" thug' kyao" ke' yang: Atahela ai: jo, qo mae lang: shid: pye' ra". Atahela lang: shid: jo; ra" jo, qo tau byu qe lo" joe" mung: lo" ye; jin: bam:24 ako". – Yaba we' Abishai wa Abana re cao" mung: Gibeon bam mug: khyo ye" ra" khyo yae ,Gia vo qhid' kheim: mae jo; ra" Ama bam joe" re ba vao va".25 Benyamin: kaung qe Abana nhaung thao" mae zang" qham mung: dathaui: za: kaid' yang: bug gaung bam mae ye; na: ako". Ai: au: Abana wa Yaba re zag: hug' mung: shae su: re khyao za: vo: zo" na ja:26 i". – Lo" thao" re kho: ja: ngaid: nhaung ga" ru qhug' zai maba i". Ai: byu qe yao: yao" mao: nhaung: qe re makhe' lo: tug' lo" nae" akhyo nao mamho lo: khomyhao"27 joe" jhui" na: na nae" ga: ta" ke' ra". – Yaba re: Mo"so daui na: ru we' dakhyo: nao mata" peim: ngaid: re mug: bo" lao" za: byu qe mao: nhaung: qe re makhe' lo: genae"28 ngaid: ga: mho zo" – labo" maid: ke' mung: byu qe Israel byu qe re makhe' gye29 mazin: lo: thang: byaug ko" ra". – Abana we' yao" byu qe damyi khyeim ai: jao: dae lai: phyid' lo mung: Yodain: gyaung: gau" de, yang: Betarun mang: lai: kho' lo mung: Mahanim vomo" joe" ako".30 Yaba re: Abana: re cao" khe' ru mae" tug' yang: byu qe re jhui" zang" qham: qu" au: Atahela we' Davi sin: zo: daxe:31 gug yaug mabo lo: shid pye' va". – Davi byu qe Benyamin: kaung Abana: byu sam yo: khyaug' xe qo" se' tam" pye' ko"32 ra". – Atahela mao gaung re vo; lo" mung: Belehem mae jo; ra" yao: pho" lab mae lo" nyhab' shaung ko" ra". Yaba we' yao" byu qe wa damyi khyeim su" lo" mung: mug: bo" zo" re Hebron: vomo" joe" ko" ra".