1 Jhaung zug: pho" wa khyi" khao: ngo" mae" gyevo qe: lo, mae" Mo"so: khyaid' yu: jeju qo" yu mung: yao" kho" vang mae2 myain yo za: na: ra" au: – Nathain: lapa re khai mung: qu" wa, ngo wa hhu: je; the: yham tau qhug' the' na: . Mo"so: bain" wa pin: kyo lung: khug mae za: ke' to: qhug'3 ra" ga: ta" kyo" ra". – Alao" Nathain: wa nao qo" myid: thug' we' dakhyo: zaui: wa, Mo"so nao we' daga" ngaid: ga: jhaung zug: Davi re ta" ra".4 Ai: myi Mo"so: mung dao: Nathain:5 jhao" joe" mung: – Nga" jeim Davi jhao" ye: wa, . Mo"so ceru: ga: mho: ra". Nao Ngo6 na nae" tau: yham re kaid: nae" i". – Israel mo, byu qe re Egutu mang: mae" khyaid' byaung" yu: ba mae" ana" ba joe" sho' Ngo yham khug mae mana , seim zaung a ja:7 ja: khug mae za: Ngo ana: lo: . – Israel mo, byu qe we' Ngo su" lhang" qin" jo, qo khao: ngo" mae Nga" byu Israel mo, byu akaung au: she khoyaug re nao Nga" tau: hhu: je; the: yham pe" mung: makaid' i" ein: Ngo8 ta" qu" i". – Ai ru: mung: Nga" daui nhao Davi re ceru: ein: ye ta" wa, . Pyaid da du: Mo"so ta" ru wa yao zaung" na: yao khyae mae" nao re Ngo she: yu mung: Nga" byu Israel amyu" qe re ug gam nae" jhaung9 zug: aya: tang" to: va". – Nao ye" lo" jo, qo khao: ngo" khyo nao we' Ngo daga" bona mung: ni" gyevo alhab' re ni" qhid' kheim: mae" Ngo yu: pye' byid: va". Myid gaung: dao mang thug' ra" mang dau: re" ru: Ngo10 ni" mang re re: qi: qhang nhao nae". – Ai tho' mae" Nga" amyu" Israel byu qe: tau: na jao: to: byid: nae". Yao: bam thao re a tha" alhag' majo, lo: yao: yao" jo, qo tau qo" na: tang sho' Ngo yao: bam re gang:11 tang nhao nae". – Genhae" ta makhyang" byu qe Nga" byu Israel amyu" khug mae tarha" agyi jaung: nha: to" bang: yhin" lo ko" ru: thao: bang: mae qo" yhin" lo: nae" mangaid: . Nao re re: gyevo alhab' bam: lo, mae" khyaid' yu mung: loe, beim nhao va". Ni" anyaug re re: Ngo tang: jo, nhao nae"12 ga: Mo"so ta" ra". – Nao kao thao" mung: pho" phug' qe we' daga" yab pyo" lo" lao" ni" aung gyo" nao khau: ra" zo: re Ngo tau: to' mung: yao" mang din" zhaug' tang13 nae". – Ai: ni" zo: lam: Nga" mang khyao: tau: yham re jhui" tau: yhe' nae". Yao" zaung tao" re re: yao" mang mae khyao za:14 gang: tang: nhao: to: nae". – Ngo wa yao: pho" boe" mung: yao: re: Nga" zo: ngaid: li" nae". Yao: magai: mau" kaid' shaid' lao" byu qe ci: ra" qam thaung" yang Ngo mho" nae".15 Byu qe lhaung" be; ru: be, nae". – Ai qere: ni" qhid' kheim: mae Ngo qui" pye' va" Sholu mae" Nga" nhag' myain" myid qab: yu: pye' ru: ni" zo: mae" Ngo madam: yu:16 pye' lo: . – Ni" amyu" we' ni" mang: din" wa Nga" qhid' kheim: mae khyao za: tang: jo, nae". Ni" zaung tao" re: khyao za: jo; jo, nae" ein: Davi re ta" wa, ga: mho: ra". –17 Ai: myo, myhung" dao: alhab' re Nathain: khyo" Davi re dam: zhao: kyo" ra".18 Alao" Davi wa yham khug vao lo" mung: Mo"so: qhid' kheim: zaung: jo, mung: apyaid ato: Mo"so we" ngo re ce qhi" tau: to' nae" wa ngo pe" qhi" gyang" yaug ngaid: i". Nga" kaung yham khaung re: pe" qhi" gyang" ru mung: ngaid: i". –19 Ai: tho' mae" Mo"so we" ai: jeju re mathae shi" ru: jho yang: ni" jeim nga" akaung: qobo pyaid da du mae" byu qe ta" na: ru mae Nao thain" madaui Mo"so yao: ta"20 phyid' byid: venhaung. – Davi pe" qo" ta" paug' laung" ke' shi: nae". Apyaid ato: Mo"so we" Nao ni" jeim re ba se" gau21 ngaid: ra". – Ni" mung dao: we' Nao myid: ngaui: khyo re ni" jeim ngo qo" ba: na ye, sho' ce: mau" qi: alhab' re Nao kaid' poe"22 ava". – Ai ru: mung: Mo"so we" Nao qi" qhang: jo; ra" wo". Ngonhaung" the' gyo" qu" va" jid' gam" jao gaug we' dakhyo: Nao we' dau: Mo"so mana. Nao mae" je yang:23 getau: Mo"so mana lo: . – Ni" amyu qe we' ni" mang: din" tau: mug' pho: mau" mo" ceim" qhu" nae" ga: Mo"so gyo" li" mung: Ni" mang hau: qi" qhang shao: Egutu mang: we' getau: mang: din" jham yao: bam: mo"so: lo, mae khyaid' yu va". Nao khyin: yu: ra" Israel we' dau: ra" amyu" myid gaung: dao mae khora" byumyu"24 na: ra". – Pe" mung: ga" re Nao wa Ni" amyu" Israel re apyaid ato mae Ni" amyu" byu poe" yu nae" ga: yao: bam re Ni" qhid' mae" gang" jo, nhao mung: Nao AsAng25 yao: bam: Mo"so ngaid: ra". – Ana" kam" wa apyaid ato: Mo"so we" Ni" jeim pho" we' yham byu qe: akhyo Nao mho: kyo" dao: khyao za: gang" tang nhao: to: byid:26 la, wo". – Nao ta" we' dakhyo: boe" dang: lo veshao: . Pyaid da du: AsAng Mo"so wa Israel amyu" re ug: gam: na: Mo"so ngaid: ra" ga: ni" mang kheim: apyaid ato: nga: yhe' byid' na: mang ngaid: na shao: wo". Ni" jeim Davi a myu" akaung re Ni" qhid'27 kheim: mae tang: na shao: ga: wo". – Pe" mung: ga" re: Israel Mo"so pyaid da du: apyaid ato: Mo"so we" Nao lam: Ni" jeim ngo re ni" amyu" qe re ngo tang: jo, nhao nae" ga: lamyhung" qhu" byid' ava" mathao Ni" jeim Ni" qhid' kheim: mae ceru: ein:28 jhaung: vae" mho' ru ngaid: . – Ana" kam" wa Mo"so we" Nao yao: apyaid ato: Mo"so ngaid: ava". Ni" dao: kheim: re: dang main" dao: ngaid: ra". Ce gai: ra" jeju Ni" jeim ngo29 re dao: so: byid' to" ava". – Ai ru: mung: Ni" jeim Ni" amyu" qe Ni" qhid' kheim: mae pyaid da du qo" tang: jo, sho' yao: bam re min byid: la, wo". Mo"so AsAng we" Ni" amyin" dao: mho: to: va" we' dakhyo: min byid' ra" ngaui lho" dao: re Ni" jeim we' Ni" amyu" yham khaung qe mae apyaid ato qo" khae yu: na veshao: wo" ga: jhaung: mho' ra".