1 Ai: thao Mo"so: yang Nathain: re Davi jhao" ye: nhao: ke' ra". Nathain: re: yao: jhao" vao ye: mung: jhaung zug: pho" we" vogaung: davo mae myaung sho: su dayaug2 we' dai zug: qi: dayaug na: ra". – Dai zug: pho" wa yao , nung: gug' nyhug' myo:3 sho' qo" yaug ngaid: . – Sho: jhin yaug wa yao: vai: khau: to" yao nau" amo" dadau: mae" lai yang: getau: jo, nho" maqo" lo: . Ai: yao nau" wa yao" asang we' re: , yao" asang: zo: qe we' re: daga" na yang qi" lo: ra". Yao" asang: zo zo: , asang: khug' mae" qid shaug' , yao" asang: tao: kheim" mae yab mung: yao: zo: myiqe: nau" ru: ngaid:4 ra". – Dai zug' yham mae bang" vo dayaug joe" mung: dai zug: pho" wa ai: bang" vo re bang" da" nae" tau: yao" yao , nung: jham re o: byid mung: mayu lo: za: sho: jhin yaug: yao , nau" amo" re yu yang: bang" vo re se'5 da" pye' ra" ga: ta" kyo" ra". – Alao" Davi wa ai: dai zug: pho" re gyai nhag' gyo" gyid' yang: Mo"so daui: na: we' dakhyo: ai ru: kaid' yaug wa shid main" ra" yaug ngaid:6 ra". – Nhag' myain" myid mabo yang: ai ru: kaid' ra" mathao: yang yao nau" phug' byid nho" dam: xe' ca" nae" ga: Nathain: re ta" ra".7 Nathain: re: Davi re ai: yaug wa getau: byu dayaug mangaid: . Nao ngaid: ava". Israel Mo"so apyaid ato: Mo"so mho: ru wa Ngo xau gyain: yang: Israel jhaung zug: tang" to: va" Sholu: lo, mae" re: khyaid' yu8 va". – Ni" asang: yham khaung akaung re re: , ni" asang: yao: myi: jham re re: ni" tao:9 kheim" mae Ngo qhaug' byid: va". – Ai mathao re getau lao" Ngo nao re byid: nug shi". Nao Mo"so: khang dao: re maphug' makhyaid' kaid' mung: yao" qhid' kheim: mae pe" ein: makhyang" mau" kaid' ke' ra". Hiti byu Uria kao re shae: yang se' pye' mung: yao: myi: re nao sang: yu: pye' nhaung mhao". Ai: yaug re Amon: qe: shae:10 yang nao zhain" se' pye' nhaung. – Ana" kam" wa nao Ngo re maphug' makhyaid' kaid' mung: Hiti byu Uria myi: lhaid' yu: pye' ra" mathao ni" yham khaung: gu: re: shae mae za: khyao phau" na gezai va". –11 Mo"so mho: ru wa nao re gye kaid' nae" gyevo ni" yham khaung gu: mae" Ngo na: thug' li" nhao: nae". Ni" myo, de: mae ni" yham sang myhi" qe re Ngo yu: pye' mung: ni" yham kyo: cao: re byid' pye' nae". Ai: yaug wa na" gaung: kao" re yao: ni" myi:12 jham we' na zo" li" nae". – Nao ce mau" re avho' anyham: kaid' qere: Ngo wa Israel mo, thaui: mo" qe: qhid' kheim: mae ngaid qere: , ba bao mae ngaid qere: ai re Ngo phung" qhu" nae" ga: ta" zhao: kyo" ra". –13 Alao" Davi wa Mo"so re ngo shaid' va" ga: Nathain" qhid' kheim: mae khae: yu: ra". Nathain: re: nao kaid' ra" qobo Mo"so khyaid' pye' byid' ava". Nao shid qhug'14 nae" mangaid: . – Ngaid: qere: nao ceru: shaid' lhoe" pye' ra" mathao mae Mo"so gyevo qe: qhid' kheim: ta" khyoe' pye' nae" ru kaid' boe" ke' ru mung: ana" khau: ra" zo: wa dang dang shid ca" nae" ga: mho:15 ra". – Ai mae" Nathain: yao" yham khyo lo" byaug va". Ai: thao Uria myi: khau: ra" Davi yao: zo: re Mo"so dae byid' ke' mung: yao: gyai no: na: ra".16 Davi re: ai zoshao: tau: ga: Mo"so jhao" mho' bain" na: ra". Zo: shaug' jao" yang: damyi khyeim yhamkhug mae" myid17 gaung tau lang" jo; ra". – Yao" kho" vang mae" nhag' bo qe yao: re li" tau nae" ga: te' li" ko" qere: yao: maqaid yang: yao: bam we' daga" mazo: mashaug' lo: na: ako". –18 Nhaid' ba ga" re ai: zoshao shid: pye' va". Davi sin: zo: qe re: zoshao ai daui: na: yo, re lao" ngonhaung" dao: matae" gyo: byid' ru wa zoshao shid va" akhyo ta" kyo: lao" je yang: yao" gaung re pyam" yhin" li" nae" ga: yang: zoshao shid va" akhyo Davi re19 mavae" ta" kyo: ko". – Ai qere: sin: zo: qe jho" so' ra" dao: Davi the' gyo: lao" zoshao shid va" ru ba: pye' va". Ai mung: Davi wa zoshao shid va" i" ga: sin: zo: qe re myid' re ai bam wa shid va" ga: dam: zhao: kyo"20 ako". – Alao" za: Davi wa myid gaung mae" ngai" to" lo" mung: gaung cid' , xau gyaid bau: tha" kaid' yang: Mo"so: yham khyo ye: pa" kug' ra". Ai: thao kho" vang khyo dam: lo mung: zo shaug' lo: mho' re yao: bam zhag' byid: mung: jhaung zug:21 zo" ra". – Sin: zo: qe re: yao: re pe" mung: ai ru: kaid' ra". Zoshao daui: na: re lao" zoshao: mathao zo zang: yang: nhag' ngai: ngug byid gyo" na yang: zoshao shid: byaug lao" kam" zo to" zaung zo" ra" ga: ta" ko"22 ra". – Davi kam" wa zoshao daui: na shi" re Mo"so ngo re nhag' myain: yang zoshao gai byid' la, ein: myid yang: zo: shaug' jao"23 ru we' ngug: na: ru ngaid: . – Ana" zoshao shid va". Pe" mung: zo: shaug' ba: zang: lo: nae". Zoshao re: dam: gai: tug' yu ja: i"?. Yao: na: khyo ngo ye: ca" nae". Yao: wa ngo na: khyo madam: gai: lo lo: .24 Dam: Davi wa yao: myi: Batsheba re nhag' tang" yang: yao: jhao" vao mung: zam" na: ra". Yao: re: zoshao yaug gai zo: khau mung: yao: pho" wa Sholomun ga:25 mhang" ra". – Mo"so re: ai: zoshao re jhid' de, mung: lapa Nathain: re nhao: ke' yang: (Mo"so: tau: mae") Jedidia ga: mhang" byid' ra".26 Yaba wa Amon: mang: Raba vomo" re se' aung mung: yao: bam: jhaung zug:27 na: vomo" re qo" yu: pye' ra". – Alao" Yaba Davi jhao" logyo: nhao: ke' mung: ngo Raba vo re qo" se' aung mung: qid28 qo" vomo" qo" yu va". – Ana" dang shi" gyezo: qe re jhui" phaung qham: yu mung: vomo" lhang" kham" to: mung: li" se' pin" yu wa, . Ai ru: mangaid: lao" ngo se' pin" yu yang: nga" mang mhang" yu: pye' nae" ga: mho: ke' ra". – Ai ru: mung: Davi wa byu khai: zhag' yang: Raba vomo" se' khyo"29 -30 pye' mung: qo" yu: ra". – Yao: bam: jhaung zug' Dain Zi re yu: ra". Ai: Dain Zi wa laug nyug re mata" hhang cin daxe khug' bo: ra". Ai re Davi au: mae zhaung" byid: ko" ra". Vo khug mae" qo" se' sang: yu: jo, nho"31 myo: sho' re re: qo" yu: lo" ako". – Vobyu qe re re: jhui" she: thug' lo mung: sag' qhag' qhag' su qhag' , kheim: yang phaug' ru wa phaug' , vozaung" yang vag: ru wa vag , zho: phaid' khung: mae baung" ru wa baung: yang: se' pye' ko" ra". Ai re" khyo: Amon: byu vozo: vozang jham re khaid' pye' co' mung: Davi we' byu qe alhab' wa Yerusalem: khyo dam: lo: pye' veko".