1 Ai: thao Davi wa Philisti byu qe re qo" se' aung mung: zag: yu: pye' ako". Yao: bam: lam kha" Metegama vomo" re re: qo" lhaid' sang: yu: pye' ako".2 Mo"ba' mang: re re: se' aung: yu mung: mang: byu qe re myid mae lhang" to: yang: taui" yang ka" kho' yu mung: sam bam mae" shid' bam se' pye' ra". Dabam re kam" wa kao lhoe' ke' ra". Ai ru: mung: Mo"ba' byu qe re: Davi mae jeim kaid' mung: khang: ke' na ko" ra".3 Zoba mang: zug: , Rohaba yao: zo: Hedadaeza wa Uphared qid yae cao" yang: myid gaung sang: yu nae" ga: ye" lo" re4 Davi gye lham: khaid' mung: – myao: gye dataung: nhaid' yo , khyid su: gye shid' tug gu: re cam" yu mung: gye lhin" dayo za: tang" to: yang: getau: myao: lhin"5 alhab' re phyo' lhaui" pye' ra". – Ana" Damasku vomo" mae" Suri' byu qe Zoba mang: zug: Hadaeza jhao" li" bao" ko" au: Davi wa Suri' byu shid' tug: shid' taung se'6 tam" pye' ra". – Davi wa Suri' mang: mae" Damasku vomo" tau vo lhaug' sin: zo: to: yang: Suri' byu qe Davi jhao" jeim kaid' gemung: khang: khyui: dai" na: ako". Davi ye" lo" khyo agau: gau: mae Mo"so bo cao"7 gam byid' ra". – Hadaeza jeim qe ci: ra" hhang go lung: Davi sang: yu: pye' mung:8 Yerusalem: khyo yu: tai: lo" ra". – Heda- daeza zug: gam: ra" vo Beta we' Berothi mae" gyid: myo: sho' Davi lhaid' sang: pye' ra".9 Hadaeza gye mo" thaui: re Davi se' da" pye' ra" akhyo Hamaid' mang: zug: To-i10 the' gyo: lao" – yao" gyevo Hedadaeza re Davi aung: pye' va" ru mung: yao: zam" khug: ru we' min byid: ngaui lho" dao: ta" nae" tau: yao: zo: Yoram re Davi jhaung zug: jhao" nhao: ke' ra". Yoram kam" wa ngaui zai , hhang zai , gyid: zai jham re ci11 yang: li" ra". – Ai: hhang ngaui zai jham re Davi jhaung zug: wa Mo"so jhao" ngaui" byid' ra". Ai we' dakhyo: yao: aung: sang: yu: ra" Suri' mang: , Mo"ba' mang: , Amon mang: , Philisti mang: , Amaled' mang: jham mae" qo" yu: ra" hhang ngaui jham12 re re: , – Zoba mang: zug: Hadaeza mae" qo" lhaid' yu: hhang zai jham re re: Mo"so jhao" ngaui" byid' ra".13 Xo: lao: geim: mae Edom: byu datug: she' taung re se' pye' co' mung: Davi dam: tug' lo: au: yao" mang je: hau" nhao" lo:14 ako". – Edom: mang: jo, qo alam: lam: mae Davi jhaung zug: yao" gyetab to: yang: Edom: mang: byu alhab' qe wa Davi mae jeim kaid' ca" veko". Davi ye" lo" khyo khe' khao: ngo" Mo"so caung gam byid' na: ra".15 Ai ru: Davi Israel damang: din" geim" re ug mung: yang: mang: byu qe re tarha" nyang: ra" khyo" ta" kho' zaui: so" na:16 ra". – Zerua zo: Yaba wa gye zug: jhaung , Ahilu yao: zo: Yohoshaphaid' wa mhomyi:17 tung" caung su , – Ahitug' yao: zo: Zadug we' Abyata zo: Ahimeled' wa khin jaung mau" vin tao , Seraia wa mau" sang qo18 ceim" vin ko" ra". – Yehoada yao: zo: Benaia wa Khariti byu we' Pelethi byu qe re ug gam nhao: to: mung: Davi yao: zo: qe re: akham kham mae" zug: nau" qe khyo" mau" bo vin vo; ako".