1 Sholu shid thao Davi Amaled' byu qe re cao" khe' ru mae" dam: lo mung: Zikalag vo2 mae shid' ba lo: na thao – sam ba ein: ba byu dayaug yao" bau: lao" caid' pye' yang: yao" au: mae myid zhai: gag; bam" ru we' Sholu gyetab mae" lo mung: Davi jhao" joe" lao" myid gaung mae gam" goe; pa" kug' na:3 ra". – Davi wa khotau mae" li" lo: ga: myid' re ai: yaug wa ngo Israel gyetab mae" tao"4 phao: lo: ga: zhao: kyo" ra". – Dam: Davi wa mau" zo" wa khoru: boe" va" ngo re ta" kyo: la, ga: myid' re yao: wa Israel byu qe gye khe' ru mae matho' lo: yang: phao: sin" byaug veko". Myo: phyao: wa shid: gain: pye' va". Sholu we' yao: zo: Yonatain: re:5 shid: va" ga: zhao: kyo" ra". – Ai: lau dao: zhao: kyo" ra" zolau: zo: re Davi wa Sholu we' yao: zo: Yonatain: shid va" akhyo nao6 khoru: qo" ba: ga: myid' re: – ai: zolau: zo: wa ngo Gilaboa bam mug: khyo mageim: su" joe" ye" lo" re Sholu yao" lhae thaung: qang: to: mung: na: na lao". Gye se' lhin" we' myao: jui: sulhe: qe jho" khaid' na:7 ako". – Sholu jhao" lhang: qu" ke' re ngo re8 myao mung: khai: ra". – Ngo na: ein: tau" ke' re nao khag' ngaid: ga: myid' ra". Alao" ngo wa Amaled' byu ngaid: ein: dam: ta"9 kyo" ru. – Ai re Sholu wa ngo jhao" te' lo mung: ngo re se' wa, . Ngo kao mashid shi: mung: gyai: no: ngau" na: ga: ngo re ta"10 ra". – Yao: lang: goe; jo, mung: yao" gaung gai lonae" mangaid: lo: ein: ngo ba yang: se' pye' va". Yao: zhaung" ci: Dain zi we' yao" lo, mae" lo, thang: khyaid' yu mung: nao asang jhao" yu: li" ra" ga: zhao: kyo" ra". –11 Alao" Davi wa yao" bau: lao" caid' mung: yao" byu qe re: alhab' bam: ai ru: kaid' ko"12 ra". – Sholu we' yao: zo: Yonatain: pha: re: , Mo"so: byumyu" qe re: , Israel mo, byu qe re: shae: yang se' pye' qhug' mathao yao: bam wa shid qhug' mo; tau: myi" joe" sho' kaug' myain" ngug byid thug' mung: zo: shaug' jao" ko" ra".13 Ai: lau dao: re li" zhao: kyo" ra" zolau: zo: re Davi wa nao khojo, qo mae" li" ga: myid' re ai: yaug wa taung bug Amaled' byu ngaid: ga: ta" kyo" ra".14 Dam: Davi wa AsAng Mo"so xau gyain" to" qhug' ra" yaug re se' nae" tau: ni" lo, pe"15 ein: vae" qang: laug i"? ga: ta" zo" – zolau: dayaug khai: yu mung: li" re:- ce yaug re yese' pye' wa, ga: mho: ra". Ai: yaug re: ai16 byu re yese' pye' ra". – Davi re: ni" sa: wa ni" au: dao mae kai: shao: . AsAng Mo"so: akhang" yang xau gyain: kham: ra" yaug re ngo se' pye' va" ga: ni" nhaid' mae" yao: sagso: dao: thug' ava" ga: ta" ra".17 Davi wa Sholu we' Yonatain: pha:18 mathao ngug yao" yao" ru wa – Yuda kaung qe re mho" byid: nae" la: nghaui" thoe ngaid: ra" Yasha: tung" paug' mae bo: nghaui" caung: ngaid: .19 Israel we" ni" ham: hung: , ni" myhao: ra" jo, qo khain mae nao shid qhug' ava". Sulhe: qe lang" shid: pye' venhaung mhao".20 Ai: lau dao: re getau: vo mae data" kyo: ge, . Ashakelung: khyo dang khain mae daphug ge, . Philisti myiqe: qe ngaui bau: mung: nyaug malhai" ra" myiqe: qe qi sam: su: lo" genae" re gaung yug qo: ra".21 Gilaboa bug gaung jham we" naon- haung" adao mae nghin dagyo" nhao. Mug: daqu nhao. Ngaui" byid: ja: ashi: zaui" ra" khyae daboe". Pe" mung: ga" re ai: tau mae sulhe: qe: go lung: , xau magyain" to" zai re" ru: Sholu go lung: re pe" o: mado zab: lhaui" pye' vegenhaung mhao".22 Sulhe: qe: sa: we' qam: bo mo; xau kug' mae" Yonatain: la: akeim naung maphaug'. Sholu: shae re: aseim malhaung" tug' lo: qu".23 Sholu we' Yonatain: jhid' kao: myid bo mung: kao daui: au: re ba nam shid: lo" au: re: dayaug we' dayaug magao: ko". Yao: pha: wa zeim baung: tho' mye, mung: lo:tin: tho' qam: je: bo: ako".24 Israel myiqe: zo: qe we" Sholu; mathao ngug ge, . Yao: naonhaung" re qam mai khu: tung" tung" vhe' yang: naonhaung" mai bau: dao mae re: hhang zai: yang shaung yhaung" byid' ava".25 Gye poe mo" mae sulhe: qe lang: shid: pye' veko". Yonatain: we" ni" myhao: ra" bug gaung tau nao shid qhug' ava".26 Nga" nhaung: Yonatain: we" ni" mathao ngo nhag' ngai: na: wo". Nao wa nga" ba nam agyang" ngaid mung: ni" jhid' de, myid wa mug' pho" myid , myiqe: nau" re jhid' ra" myid tho' je: ra" jhid' myid27 ngaid: ra". – Sulhe: qe jhaid' za: lang: shid: byaug vegenhaung mhao". Gye shae gye lhae jham re: gyoe; gain: thao" pye' nhaung ga: bo: ra".