1 Zin dam: tha" thao jhaung zug: qe gye se' yo, dam: joe" mung: Davi wa Yaba we' yao" sin: zo: qe , Israel mo, byu qe re nhao: ke' mung: Amon byu qe re se' aung: yu yang: Raba vomo" re lhang" kham" to" ako". Davi kam" wa Yerusalem: vomo" mae na: na: ra".2 Thao: daba Davi yab jao: mae" to" li" mung: yao" kho" vang adao mae su" lhang: qin" re myiqe: dayaug gaung cid' na: ru myao: ra". Ai: myiqe: wa gyai yaung" dau3 de, taung" ru ngaid: . – Ai: myiqe: khoy- aug ngaid: ra" ru re myid: nhao: ke' re byu dayaug ce: myiqe: wa Eliam myiqe: zo: , Hiti byu Uria yao: myi: Batasheba ngaid: ra" ga: lozhao: kyo" ra".4 Davi byu nhao: ke' mung: myiqe: ai re khai: vhao" yu yang: yao: re jhui" yab; pyo" pye' ra". Myiqe: ai re: yao" gaung mashao lho" ru cid' shao: pye' mung: yao"5 yham khyo dam: lo" byaug: ra". – Thao re maqao" gaung boe" li" mung: Davi jhao" ngo maqao" gaung ngaid va" ga: ta" nhao: ke' ra".6 Alao" Davi wa Yaba jhao" byu nhao: ke' yang: Hiti byu Uria re ngo jhao" nhao: ke' wa, ga: pyang: ke' mung: Yaba wa Uria re7 Davi jhao" nhao: ke' ra". – Uria joe" vao lo lao" Davi wa Yaba qao" na: i". Byu qe re: qao" zin" na ko" i". Gye qo" se' aung: na ko"8 ra" i" ga: lham: tug: yu: ra". – Nao yham khyo lo" mung: khyid cid' pye' wa, ga: Uria re mho: ke' ra". Uria re: kho" mae" thug' lo" we' yao" thao khyo" zo: nam re jhaung9 zug: cao" byid' ke' ra". – Ai qere: Uria yao" yham khyo malo" lo: za: yao" asang: sin: zo: jham we' daga" kho" vang kham:10 dung: mae yab: ra". – Uria yao" yham khyo malo" ga" ru Davi re zhao: kyo: gelao" Davi khai: yu mung: nao gyaung: su" qin" mae" dam: lo: ru mangaid: i". Ni" yham khyo pe" mung: malo" ru ga: Uria re myid' ra". –11 Uria wa Mo"so: bain" re: , Israel we' Yuda byu qe re: zaung mae za: na: na ko" ra". AsAng Yaba we' yao" sin: zo: qe jao: dae mae ye bam: na ko" ra". Ngo wa nga" yham lo" mung: zo: yang: shaug' yang: yham sang myhi" we' pyo" na gai nae" i"?. Nao asang daui na: we' dakhyo: ngo ai ru: mavae"12 kaid' ga: Davi re zhao: kyo" ra". – Davi re: ana" ba vo mae na: na shi: wa, . Ne, mo" ba ngo nhao: ke' nae" ga: Uria re mho: ra". Ai mung: Uria wa ai: ba we' thao: ba Yeru-13 salem: mae na: na: ra". – Uria re Davi wa khai: yu mung: yao: jhao" zo jhui" zo: yang: yid sho' shaug' byain" ci: ava". Ai qere: myi" lao" yao" yham malo" lo: za: yao" asang: sin: zo: qe we' daga" yab: jo; ra".14 Thao: ne, seim Davi wa pyang dao: tung" yang: Uria lo, khyo" yang Yaba jhao"15 vhin: ke' ra". – Ai: pyang dao: tau bo: ru wa gye mo, paug' je: thau: ra" gye au: mae Uria re qhid' au: ke' wa, . Yao: gyevo: lo, khug joe" vao mung: shid: byaug shao: sin: zo: qe re naung zaid: dam: jhui" zaid'16 pye' wa, ga: tung" to" ra". – Pyang dao: we' dakhyo: Yaba wa vo re qu" tau" mung: qam: bo: thao" sulhe: na: jo, qo mae Uria17 re zhain" zaui: ke' ra". – Vobyu qe thug' lo mung: Yaba we' jho" se' na ko" au: Davi sin: zo: qe damyo" shid: pye' ko" ra". Hiti18 byu Uria re: shid: byaug: ra". – Ai: thao Yaba gye lau dao: acao jab Davi re zhao:19 kyo: nae" tau: byu khyin: yu mung: – nao jhaung zug: jhao" gye lau dao: re ada" zo,20 khyao: lo" zhao: re . – Jhaung zug: nhag' yo" lo mung: naonhaung" gye se' re pe" mung: vo yae khyo" qui" ye: ko". Vo kham" dao mae" pye' nae" ga" ru maba ko" i". –21 Yeru-Beshed' yao: zo: Abimaled' re khag' se' pye' ra". Thebaza: vomo" mae myiqe: dayaug wa laug lhang khao" yang vokham" dao mae" pye' khyo" mung: Abimaled' shid: byaug ru mangaid: i". Vo yae khyo pe" mung: zhain" te' ye: ko" ga: myid' lo: re ni" jeim Hiti byu Uria shid va" khyo zhao: kyo: ca" nae" ga: pin: mung: nhao: ke' ra".22 Yaba pin: to" we' dakhyo: ai: logyo: pho" wa lo" mung: Davi re lo" zhao: kyo" ra". –23 Logyo: pho" wa gyevo jham ngonhaung" re aung: pye' mung: jao: dae joe" sho' cao"24 khe' bam va". – La: bag sulhe: qe vokham" dao mae" asang ni" sin: zo: qe re bag mung: sin: zo: qe shid: pye' va". Ni" jeim Hiti byu Uria re: shid: pye' va" ga: zhao: kyo" ra". –25 Davi kam" wa ai: logyo: pho" re Yaba re ye ta" kyo: wa, . Ai: ra" mau" zo" mathao: yang za: wa qam: dashain. Gye jho" se' ga" ru wa khag' shid nae" maba: to: . Vomo" ai re qam: ke' thaug' qhao: mung: phyo' lhaui" pye' ge, ga: qam: dam: pin" ke' ra".26 Uria shid va" akhyo yao: myi: the' gyo: lao" yao" yham sang pho" shid va" mathao: yang nhag' kaug' nhag' mo" gyo" na: ra". –27 Yao: nhag' kaug' ngug byid gyo" ru lai: byaug thao Davi byu nhao: ke' mung: ai: myiqe: re kho" vang khug khyo vhao" yu: ra". Yao: wa jhaung zug' myi: boe" mung: zo: yaug gai re khau myhung: li" ra". Ai qere: Davi zaui" ra" lo, mau" wa Mo"so: qhid' kheim: mae anghang: ayao mau" boe" ra".