1 Ai: au: re Israel byu kaung qe a lhab' bam: Davi na: ra" Hebron: vomo" khyo li" mung: ngonhaung" wa ni" shoqug: ,2 ni" sho: qe ngaid: . – Lai: lo va" yo, Sholu ngonhaung" adao ug: na shi" re nao Israel qe re jhui" vao jhui" thug' kaid' lai: lo: ava". Mo"so re: nao Nga" amyu" Israel qe re jhui" ug: gam caung nae" yaug nao boe" nae" ga: nao re mho: ava" ga: yao: bam li" ta" ako". –3 Ai re" khyo: Israel ade, qe jhaung zug: na: ra" Hebron: khyo joe" li" lo ko" re , Davi jhaung zug: wa Hebron: vomo" Mo"so: qhid' kheim: mae yao: bam we' zam" khug dao: thang: to: mung: yao: bam Davi re xau gyain: aya: byid: yang: Israel jhaung zug;4 to' ko" ra". – Davi tao" zaung: qhid au: kao sam xe zin ngaid: . Zin na byid xe ug:5 ra". – Hebron: mae na mung: Yuda mang: re nhaid' zin: yang lho" khyaug' khye' ug: ra". Yerusalem: mae na mung: Yuda we' Israel damang: din" geim" re zin na sam xe: sam zin ug lai: lo va".6 Jhaung zug: wa yao" byu qe re khai mung: mang: sang Yebuti byu qe na: ra" Yerusalem: khyo do, lo" ako". Alao" ai: byu qe , Nao ce: vo khyo magai: vao. Myo, jid we' khyid qeim mo, re: David re ce: vo khyo maqo" vao nae" khyo: tam" genae"7 ga: ta" ko" ra". – Ai qere: Davi wa Davi vomo" ga" ra" Ziun: gyebyu gai" re qo" khe'8 sang: pye' ra". – Ai: ba re Davi wa khoyaug lam: Yebuti byu qe re qo" vae" khe' aung: pye' re Davi mangaui: ra" khyid gyug: myo, jid mo, re qo" se' pye' sho' qid khyo: coe: khyo" do, yang: lo" se' pye' ge, . Ai ru: qo" khyaid' yaug zug: jhaung ngaid shao: ga: amyin" byid' to" we' dakhyo: , Zerua zo: Yaba yaug sao qhid' do, mung: zug: jhaung9 khae: yu: ra". – Davi re: gyebyu gai" mae na mung: Davi vomo" ga: mang mhang" ra". Dam: Davi wa Milo jo, qo avai: ayae mae re: , akhug khyo re: yham kaid' ce" ke'10 ra". – Davi kam" wa je: qi" qhang: lo: ra". Pe" mung: ga" re: pyaid da du: Mo"so wa11 yao: we' daga" bobo: na: ra". – Ana" Turu jhaung zug: Hiram wa logyo: we' daga" hhu: je; sag' , sag' ba: ci mo, , zhophaid' ba: ci mo, re Davi jhao" nhao: ke' mung:12 yao: bam wa vang zhaug' ko" ra". – Mo"so: yang Davi re Israel jhaung zug: aya: tang" to" ra" akhyo we' yao" byu Israel qe tau: mang: din" caung: to' byid' ru Davi ba13 se" yu: ra". – Davi Hebron: mae" byaung: thao Yerusalem: vobyu myiqe: myi: ngai xo' yu mung: zoshao yaug gai myiqe:14 khau myhung shi" ra". – Yerusalem: mae na: au: qo" ra" yao: zo: qe wa Shamua ,15 Shoba , Nathain , Sholomun , – Iba , Elai-16 shua , Nepheg , Yaphi , – Elasama , Elida , Elipheleg , jham ngaid: ako".17 Davi re xau gyain: mung: Israel jhaung zug: tang: va" akhyo Philisti byu qe the' gyo: gelao" ai: byu qe wa Davi re qho: li" ko" ra". Ai: lau dao: Davi the' gyo: lao"18 gyeqe, khug khyo yena: ra". – Philisti byu qe wa li" gemung: Rephim lao: khaung:19 mae li" byang" bam: ako". – Davi wa Mo"so jhao" ngo Philisti byu qe na: khyo ye: zai i". AsAng nao nga" lo, mae qhaug' byid: nae" i" ga: myid' re Mo"so wa ye: wa, . Ngo Philisti byu qe re ni" lo, tau dang dang20 qhaug' byid: nae" ga: mho: ra". – Alao" Davi wa Bala-perazim: khyo ye: mung: yao: bam re yese' ra". Ai ru: mung: yao: wa qid khyaid' khyaid' yang: phyo' pye' ru: nga" gyevo re nga" qhid' kheim: mae phyo' lhaui" pye' ava" ga: yang: ai: jo, qo re Bala-21 perazim: ga: mhang" ra". – Ai: tau Philisti byu qe sulho shepye' co' ko" ru re Davi we' yao" byu qe jhaid' za: sham" pye' ako".22 Dam: Philisti byu qe li" mung: Rephim:23 lao: geim: mae li" byang" jo; ako". – Davi re: Mo"so jhao" dam: myid' qu" re Mo"so wa myo, khung: zhaug' za: daye: . Yao: bam: nhaung thao" khyo" lhang" kham" yang: thaung zo yo khyo" re: bodo, ge, . –24 Thaung zo gae aphyo: khyo" gye su: thoe the' gyo: lao" kam" wa qam: phin: ge, . Alao" Mo"so Philisti qe re se' nae" ga: ni" qhid' au: khyo ye" lo" nae" ga: mho: ke'25 ra". – Ai ru: ga: mho: to" we' dakhyo: Davi zaui: so: mung: Geba mae" ru Geza joe" sho' Philisti byu qe re cao" khe' se' pye' ra".