1 Abana Hebron: mae shid: byaug va" akhyo Sholu zo: the' gyo: lao" yao" qam: gyug' byaug: ra". Israel byu alhab' bam:2 myid myo" byaug veko". – Sholu zo: mae Bana we' Rekhab' mang: ra" gye sulhe: mo" shid' yaug na shi". Yao: bam wa Benyamin: kaung Berod' kaung Ramon zo: tao ngaid: . Berod vo wa Benyamin: mug:3 mae bobo qe re: – Berod byu qe Gitaim vomo" khyo" phao: li" mung: ana" ba joe" khug: na ko" ra".4 Sholu zo: Yonatain: mae khyid qeim: ra" zo: dayaug na: thang: gyo" ra". Yao" kao ngo" zin shi" re Yezarela vo mae" Sholu we' Yonatain: jham: lau dao: the' gyo: mung: zo: jhui: yaug yao: re jhui" vo; phao: ra". Saung" tao: yang: zoshao vo; phyid' khyo" mung: khyid gyug' ra". Ai: zoshao: mang5 wa Mephiboshed' ga" ru ngaid: . – Berod' byu Rimon zo: Rekhab' we' Bana nhae wa Ishaboshed' yham khyo ye: mung: na" gaung re ye joe" ako". Ai: ayo, Ishaboshed'6 yab: jo; ra". – Rekhab' we' Bana nhae wa gaug she geim kaid' mung: yham khug vao7 lo" ra". – Kug qe, jaung: dao mae yab: jo; ra" Ishaboshed' vae; dug: thug' kyao" se' ke' mung: au: lam: re re: phyid' vo; lo" yang: damyi khyeim jao: dae khyo" phao:8 loe; lo" ako". – Ishaboshed' au: lam: re Hebron: Davi jhao" yu: ye: mung: jhaung zug' kao re qho: ra" gyevo Sholu zo: Isha- boshed: au: lam: re qu" wa, . Nga" asang kham zo" ra" aphug' Mo"so: yang Sholu re re: , yao" akaung qe re re: , ana" ba xe' byid'9 ava" ga: yao: jhao" ye kug ko" ra". – Alao" Davi wa Berod' byu shid' yaug re nga" kao re qug: khai: acao jab mae" khyaid' lhoe' yu: ra" Mo"so daui: na: ru we' dakhyo: –10 lai: lo va" yo, byu dayaug li" mung: ngaui baui: dao: ta" kyo: nae" ga: myid yang: Sholu shid va" ga: ngo re li" zhao: kyo" au: ai: lau dao: shid' kyo: yang: jhaung qhu" qo" nae" jho: ra" ai: su re Zikalag vomo"11 mae se' pye' va". – Ai tho' mago" makhy- ang" ra" byu qe din: main: yaug re yao" yham khug yao" yab qo mae se' ru ngaid: re je yang: se' pye' gai: mangaid: i". Ana" yao: yao" sa: nao tao mae" ngo mho' mung: nao nhae re myid gaung: dao mae" sham" pye' gai va" mangaid: i" ga: Rimon zo: Rekhab12 we' yao: nhaung: Bana nhae re ta" ra". – Ai mung: Davi wa yao" zolau: zo: qe re mho: ke' mung: yao: nhae re se' pye' ako". Khyid lo, phyid' yu mung: Hebron: qid lhao: nhae mae lhao" to" ako". Ishaboshed' au: lam: re kam" wa yu yang; Hebron: vomo" Abana lab mae nyhab' pye' ako".