1 Davi wa yao: mae bocao: ra" byu nghe' qu" mung: dataung ug , dayo ug jaung nha:2 to" ra". – Byu ai jham re sam bam kho' mung: dabam re Yaba lo, tau , dabam re Zerua yao: zo: Yaba yao: nhaung: Abishai lo, mae , dabam re Giti byu Ite lo, mae qhaug' byid: mung: ngo yao: naonhaung" we' dang dang bocao nae" ga: byu qe re3 mho: ra". – Byu qe kam" wa nao yao: wa da cao. Ngonhaung" phao qere: yao: bam to: genae" mangaid: . Ngonhaung" agaung: dano" shid: gain qe re: yao: bam thang nae" mangaid: . Nao wa ngonhaung" datug qe tho' je: phug' de; ashi". Ai ru: mung: ngon- haung" re vo khug mae" bao" zhain" na: re4 je: gai nae" ga: ta" ako". – Jhaung zug: pho" re: ngo naonhaung" o: khyo: cao" nae" ga: ta" zo" vo kham: dung: mae ye; na: ra". Byu qe wa dayo thaui: , dataung thaui: khyo"5 yang: ye" lo" ko" ra". – Jhaung zug: pho" wa nga" myo, khung: thaug' yang: nga" zo: Abashalung: re yo: ra" khyo" kaid' byid: gela, ga: Yaba , Abishai , Ite bam re pin: to" ra". Ai ru: jhaung zug: pho" Abashalung: tau: gye thaui: au: she qe re pyang: ke' ru byu qe the' gyo" ako".6 Ai ru: Davi byu qe wa Israel byu qe re gye se' nae" tau: jao: dae khyo thug' lo" mung: Ephrim: seyo tau gye jho" se'7 ako". – Israel byu qe Davi sin: zo: qe: qhid' kheim: tau seim" geyang: ai: ba re gyai jho" phin" se' gemung: byu shid' tug shid:8 ako". – Damang: din" geim" jho" se' yang: ai: ba shae lhae: yang shid: ra" tho' seyo mae" dung: , gyain: tau shid: pye' ru je:9 myo" ra". – Abashalung: re: Davi sin: zo: qe we' jho" thaung" qhug' ra". Yao: wa yao" myao: mae jui: yang: ai: myao: wa shiqae sag' mo" gae akaung myho: gyo" to" agyid' khyo" tao" phao: lo" ra" mathao ai: shiqae gae tau Abashalung: au: lam: lo" qae" byaug mung: myid gaung matin: lo: cui" lhao" jo; ra". Myao: re: yao: za: tao" lai: lo" ra". –10 The' myao su dayaug Yaba jhao" lo" mung: Abashalung: shiqae gae mae cui" lhao" jo;11 ru ngo the' myao ga: ta" kyo" ra". – Nao myao: ngaid: re pe" mung: yao: re mathug' se' khyo" to: co' ru. Se' ngaid: re wa ngo nao re ngaui daxe we' phyid' cui: byid: nae"12 ga: ai: yaug re lham: mho: ra". – Ai: yaug wa Yaba re nao ngo re dataung byid: qe re: jhaung zug' yao: zo: re ngo mavae" zao". Pe" mung: ga" re ngonhaung" alhab' bam: the' gyo: va" we' dakhyo: jhaung zug: yaug khag' ngaid qere: nga" zo: Abashalung: re mazao" sho' lha" ge, ga: nao asang we'13 Abishai , Ite bam re mho: to" ava". – Ngo yao: azao" se' pye' ngaid: re wa yao" kao re ngo shaid' pye' ru boe" nae" ngaid: . Jhaung zug: pho" maba nae" akhyo pe" majo, . Nao re: yao" thao sagso: boboe" byaug zai va"14 ga: ta" ra". – Yaba wa ngo ni" dao: tae" gyo: nae" ayo, maqo" lo: ga: ta" zo" re" lhae sam khe' yu: ci yang: shiqae gae agyid' mae kao daui shi" ra" Abashalung: sang: mae thug'15 kyao" byid' ke' ra". – Yaba shae lhae vo, byid' ra" zolau: daxe yaug re: lhang" kham" to: yang: Abashalung: re se' pin" pye' ko" ra".16 Yaba re: labo" maid: ke' ru we' byu qe re khai: tug' yu: ra". Ai bam re: Israel qe re cao" khe' ko" ru mae" dam: lo ko"17 ra". – Abashalung: mao gaung re seyo tau mae" dung: khung: mo" mae khyo" zaui: pye' yang: laug baui bam aqi: bam" to: ko" ra". Israel byu alhab' bam: re: yao: yaug yao" yham khyo phao: lo" byaug ko" ra". –18 Abashalung: kam" wa yao: kao daui: na shi" au: nga" mang xo' ye" lo" nae" nyaug mabo ga: jhaung zug' lao: geim: tau jo; ra" dang: laug: re tau: yhe' mung: yao" mang dau: mhang" to" ra". Ai: dang: laug re ana" ba joe" sho' Abashalung: aso: ga: mhang" to" ako".19 Ai: au: Zadug' zo: Ahima wa Mo"so: yang jhaung zug' gyevo jham re yao: bam: qobo we' daqi" loge, phaug' va" akhyo ngo tao" lo" mung: jhaung zug: re ta" kyo: nae"20 ga: akhang" mho' ra". – Yaba wa nao ana" ba lau dao: magai: lo" ta" kyo: nae". Ne, mo" sao pho" ta" kyo: gai: . Jhaung zug' yao: zo: shid: ra" mathao ana" ba nao lau dao: malo"21 gai: zhao nae" ga: ta" yang: , – Husha byu yaug re lam: , nao myao mae" myao jhaung zug: re lo" zhao: kyo: wa, ga: mho: ra". Ai: Husha byu wa Yaba re goe; pa" co' yang:22 tao" lo" ra". – Dam: Zadug' yao: zo: Ahima wa pe" boe" re boe" ngo re: ai: Husha byu thao bocao: tao: naeva" ga: Yaba re dam: mho' yao: ra". Nga" zo: we" ngaui bau: dao: re: mangaid' ru pe" mung: tao" lo" nug: ga:23 ta" qere: , – pe" boe" re boe" atao" lo" nae" ga: za: amho' na: ru mung: Yaba wa tao" lo" se, ga: akhang" byid' ke' ra". Ai re Ahima wa ai: jao: dae khyo" tao" lo" mung: Husha byu re lheim" to: co' ra".24 Davi wa vo kham: shid' pyae: gyo: mae zaung: na: ra". Zaung" lhaug' su vokham" kham: dung: adao mae" byu qu" ke' re byu dayaug za: tao" lo: ru myao: ke' ra". –25 Zaung" lhaug' su ai: akhyo jhaung zug: re hug' ta" ke' ra". Dayaug za: ngaid: re wa lau dao: ngaid nae" ga: mho: ra". Ai: yaug:26 ayae tao" joe" lo: ava". – Dam: zaung" lhaug' yaug wa getau byu dayaug tao" lo: ru dam: myao yang: getau dayaug dam: tao" lo: ra" ga: kham: khyo lhang yang: hug' ta" ke' re jhaung zug: wa ai: yaug mae re:27 lau dao: bo nae" ga: ta" ra". – Lhaug' su wa qhid' mae" yaug wa Zadug' yao: zo: Ahima ru" ru ngaid: ga: ta" kyo" re jhaung zug: pho" wa ai: yaug byu gai ngaid: . Lau dao: gai vin lo nae" ga: dam: mho: ra".28 Ana" Ahima wa aung va" wo" ga: zag: hug' yang: jhaung zug: re ta" zo" yao" qhid' kheim: gam" goe; mung: nga" asang jhaung zug: re tau: lhain: mo, re qhaug' byid' ra" Mo"so wa nga: lho" shao: wo" ga: ta" ra". –29 Jhaung zug' pho" wa nga" zo: Abashalung: qug: khai: gye mae" loe; ra" i" ga: myid' re Ahima wa jhaung zug' jeim pho" Yaba ngo re nhao: ke' au: qi: sho' mo, myhi" so: sin" na ko" ru wa myao: . Ai qere: kholam: khoru: ngaid: ru wa ada" zo, mathe' ba ga:30 ta" ra". – Jhaung zug: wa nao ayae mae qui" na wa, ga: mho: ke' we' dakhyo: yao: qui" na: pye' ra".31 Husha byu dam: joe" lo mung: nga" jhaung zug' tau: lau dao: vin: lo: . Nao re tau: lhain: mo, alhab' re Mo"so: yang ai bam: qobo we' daqi" loge, phaug' byid'32 ava" ga: ta" kyo" ra". – Jhaung zug: wa ai: Husha byu re nga" zo: Abashalung: qug: khai: gye mae" loe; ra" i" ga: myid' ke' re Husha wa asang jhaung zug: re gye kaid' yang: nao re yhin" nae" ga: tau: lhain: ko" mo, alhab' bam wa ai: zolau: re" khyo: boe"33 veshao: wo" ga: dam: mho: ra". – Alao" jhaung zug: wa sang: kho: yang: vokham" kham: dung: adao mae" qe, khug vao lo" mung: lo" ngug; ra". Vao lo" zo" nga" zo: Abashalung: we" nga" zo: , nga" zo: Abash- alung: we" nao shid nae" atha" ngo shid shao: mhao". Nga" zo: , nga" zo: Abash- alung: we" ga: ngug: ag' na: ra".