1 Dam: Ahithophela wa Abashalung: re ngo datug; shid' taung re khyin: yu nae". Ai mung: ngo to" lo" mung: ana" myi yao:2 Davi re cao" khe' nae". – Yao: myaung" ngo" jo; au: yao: re ngo khe' se' tin" ke' nae". Alao" yao: we' daga" na mo, alhab' bam: phao mung: jhaung zug: re za: se'3 pye' nae". – Nao qho: ra" dayaug re qo" yu: pye' lao" getau: byu qe wa dam: lo mung: mang: byu qe sae za: dam: yo: byaug zai4 va" ga: juyi byid' ra". – Dao: ai: kheim: re Abashalung: we' Israel ade, qe gyai gyo" ngaui: aveko".5 Abashalung: wa Akhi byu Hushai re khai: lo geri: . Ngonhaung" yao" dao: re6 gyo" tau" qu" gelang: ga: ta" ra". – Hushai li" lo lao" Abashalung: wa Ahithophela ceru: ga: juyi byid' ra". Yao" dao: tae" gyo: gai: i". Ai ru: mangaid: lao" nao ta" qu" wa,7 ga: ta" ra". – Alao" Hushai wa Ahithophela8 ta" ru ce lhang wa magai maba. – Nao ba: we' dakhyo: ni" pho" we' yao" byu qe wa qam: phao" ra" sulhe: qe za: ngaid: ako". Ai tho' mae ana" je yang: seyo mae zo: zai" phyaug' pye' ra" vae zang ru: gyai lu" na: ako". Ni" pho" re: sulhe: ngaid: ru mung: su we' daga" khonhae" malhaung" yab . –9 Ana" yao: myid dung: khung: dalam: lam: mae , mangaid: lao" datau mae vho' na: na nae". Byu damyo" sao qhid' lhang shid: lo" gelao" ai: lau dao: the' gyo: su wa Abash- alung: thao cao" ra" mo, seim" pye' veko"10 ga: hau" nhao" li" genae". – Alao" jao" lo:tin: nhag' lam: ru: qao: ra" myid bo mo, lao" re: byo din: lae" byaug; pye' li" genae". Pe" mung: ga" re ni" pho" lhe" ra" sulhe: ngaid: ru re: , yao" thao bode; byu qe alhab' lhe" ra" qam: zhau: mo, shao ngaid: ru11 re: Israel byu qe alhab' ba: ako". – Ai ru: mung: ngo juyi byid: nae". Dain: vo mae" ru Berasheba vomo" joe" sho' Israel byu qe re qid mang: din" ma dae nho" ni" qhid' kheim: mae khai: qham: yu yang: nao yao:12 au: she yang: ye: wa, . – Ni" pho" we' da jo, qo qo mae thaung" qhug' lao" myid gaung mae nghin gyo" ru: ngonhaung" yao" adao mug' nghoe' pye' mung: yao: we' yao" byu qe dayaug re: maqo" loe, sho'13 kaid' ca" nae". – Ai we' dakhyo: davo vo khyo vao: ngaid: re re: Israel byu qe alhab' ai: vo khyo taui: yu: ci yang: laug baui dalam: lao" madang lo: sho' lao: khaung: khyo lao" khyaid' she: khyo" pye' ca" nae"14 ga: juyi byid' ra". – Abashalung: we' Israel qe alhab' bam: wa Akhi byu Hushai byid' ra" juyi ai: ru Ahithophela byid' ra" juyi tho' je: gai: ra" ga: ta" ko" ra". Pe" mung: ga" re Abashalung: mae qug: khai: phau: shao: ga: Ahithophela byid' ra" juyi gai re phyo' pye' nae" khyo: Mo"so nyhang" kho' byid' ru ngaid: .15 Ana" Hushai wa khin jaung Zadug' we' Abyata shid' zo: re Ahithophela Abash- alung: we' Israel ade, qe re ceru: ga: juyi byid' ava". Ngo re: ceru: ein: juyi byid:16 va". – Ai mung: Davi jhao" mye, nhao: ke' mung: ana" myi seyo laug aug' khain mae dana: na lo: . Mye, za: gau" de; lo" se,. Ai ru: mangaid: re jhaung zug: we' byu qe alhab' seim" pye' genae" ga: ye ta" kyo:17 nae" tau: jaung: ke' veko". – Yonatain: we' Ahima nhae vo khug vao lao" su myao nae" gaung yug yang: Enrogela qid yae mae lao" na mung: daui nhao myiqe: zo: dayaug yao: nhae re li" ta" kyo" ru we' dakhyo: yao: nhae wa jhaung zug: Davi re yeta" kyo: nae" ga:18 ye" lo" ko" ra". – Ai qere: zoshao dayaug yao: nhae re myao: ke' mung: Abashalung: re lo" zhao: kyo" ra". Yao: nhae re: hin hin zo: ye" lo" mung: Bahurim vomo" qid thaung: jo; yham dayham khyo vao yang: ai: qid thaung: tau vao: gug' na: ako". –19 Myiqe: zo: re: qid thaung: dung: pyid' pye' mung: ai: adao tau gaug lhe' to" mathao pe"20 ma qo" ba ko" ngaid: ra". – Abashalung: sin: zo: qe re: ai: yham mae" myiqe: zo: jhao" joe" mung: Ahima we' Yonatain: shid' zo: khai: lo" va" ga: ye myid: ko" re yao: wa qid gyaung: thoe te' de, lo" veko" ga: ta" ke' ra". Yao: bam re: qho: qu" mung: mamyao gelao" Yerusalem: vo khyo dam: tug' lo:21 ako". – Yao: bam lo" byaug thao Ahima we' Yonatain: qid thaung: mae" thug' lo mung: Davi jhao" ye" lo" yang: Ahithoph- ela wa naonhaung" re cao" khe' nae" tau: juyi ceru: ga: byid' ra". Ai ru: mung: to" gese, . Qid thoe te' khyo hin hin gau" de;22 lo" ge, ga: yezhao: kyo" ra". – Alao" Davi we' daga" yao" thao bocao mo, alhab' to" mung: Yodain: gyaung: gau" de; ako". Mug: bo" lo: au: Yodain: gyaung: magau" de; ru23 dayaug lhao" mabo lo: . – Ahihophela wa yao: byid' ra" juyi macao" ko" ru myao lao" yao" myao: tau myao: do: shaung: ci mung: yao: na: ra" vo , yao" yham khyo lo" yang: yham khug: lavin" mau" zaui" kyab' to: co' mung: taui: kheim" khyo" ve; shid: pye' ra". Yao: pho" lab qo tau nyhab' shaung: pye' ako".24 Davi Mahanim vomo" joe" lo" va". Abashalung: re: Israel mo, thaui: mo" we' daga" Yodain: qid gyaung: gau" de; lo"25 ra". – Abashalung: wa Yaba atha" Amasa re zug: jhaung aya: byid' to" ra". Ai: Amasa wa Yaba yao: myhi" Zerua yao: nhaung: Nahaid' myiqe: zo: Abigela we' na zo" ra" Israel amyu" mae" Yethera yao: zo:26 ngaid: . – Israel mo, byu qe we' Abash- alung: wa Gilaid' mang: mae gyetab zhaug' to" ako".27 Davi Mahanim: vomo" joe" lao" Amon: mang: Raba vobyu Nahaid' yao: zo: Shobi , Lo-deba vobyu Amela yao: zo: Makhira , Gilaid' amyu" Rogelim vobyu Barazilai28 jham wa , – bocao" qin" mo, seyo mae moe, shab' phau: yang: myaung" byaug vegenhaung ga: Davi we' yao" byu qe zo: nae" tau: saungso cin , mug-yo" cin , cinmain" , cin paug' , shigyao: , naug29 kyug' – Byo: yhid , nung: nug' gang" , nug' jam: jham we' yab myhung: , bain , khug' , zho: khug' jham li" byid: ko" ra".