1 Davi bam phyo: thoeshaid' lhoe" ngoe; lo" au: Mephiboshed: jeim Ziba wa vhin do: myao: shid' dau: we' mug shid' yo khai" , sabyi' shi: dayo boe , shimyho" pab' pye: dayo , sabyi' qang: da am re myao: dao vhin mung: tug ga: li" lo: ra". –2 Jhaung zug: pho" wa Ziba re pe" kaid' nae" ein: ai: zai jham yu: li" ga: myid' re Ziba wa myao: shid' dau: wa jhaung zug' byu jui: nae" tau: , cinmain" shi: jham wa sin: zo: qe zo: nae" tau: , sabyi' qang: wa seyo tau myaung: dug mo, shaug' nae" tau:3 ngaid: ga: mho: ra". – Jhaung zug: pho" re: ni" asang: zo: wa khai: tau na: ga: myid' re Ziba wa Yerusalem: vomo" mae na co' va". Yao: wa ana" ba Israel byu qe nga" pho" mang: din" re ngo mae dam: qhaug' byid' li" genae" ga: ta" ra" akhyo zhao:4 kyo" ra". – Ai ru: mung: jhaung zug: wa Mephiboshed' we' tin" ra" jo, nho" alhab' ni" re" ngaid shao: ga: Ziba re ta" ra". Ziba wa nga" asang jhaung zug: we" ni" jeim ngo ni" qhid' kheim: myo, nho qo" veshao: ein: pa" caung: mho' yao: na: ga: ta" ra".5 Davi jhaung zug: Bahurim: vomo" khyo joe" au: Sholu amyu" mae" Geya yao: zo: Shimi ga: mang su nhang: zo" mae"6 thug' lo: ra". – Davi jhaung zug: we' yao" sin: zo" qe alhab' re laug baui: yang pye' ra". Byu qe we' sin: thu qe wa jhaung zug: lo, yo, , lo, vai: kham" yang: su" lo: ako". –7 Shimi nhang: dao: kheim: wa byu se' ra" makhyang: su we" phao wa, phao wa, . –8 Sholu: mang: din" lhaid' yu mung: yao" yham khaung qe re se' pye' ra" qobo wa ni" adao mae Mo"so lhang: byid' ke' mung: ni" mang: din" re ni" zo: Abashalung: lo, mae qhaug' byid' ava". Nao byu: kao se' ra" yaug mung: loge, phaug' re phau: yo; ava" , phau: zo: wa, .9 Zerua yao: zo: Abishai wa jhaung zug: pho" re kha: shid yaug pe" mung: nga" asang jhaung zug: re nhang" na: ru i". Ngo ye qam" khyo" pye' nae" ga: mho' vhao"10 ra". – Jhaung zug: pho" wa Zerua yao: zo: qe we" naonhaung" we' pe" tin" ra". Nhang" na veshao: . Davi re nhang: wa, ga: Mo"so nhao: ke' ava". Ai ru: mung: nao pe" ein: ai ru: kaid' nae" , khoyaug qo" ca11 nae" ga: ta" ra". – Dam: Davi wa Abishai we' yao" sin: zo: alhab' bam: re qu" ge, nga" aung gyo" zo: nga" zo: gyang" yao: nga" kao re qho: ra". Ai: Benyamin: kaung wa ai: tho' je: xo nae" mangaid: i". Yao: ai ru: na: na shao: . Nhang: veshao: . Mo"so nhao: to:12 yang: ta" ru ngaid: . – Mo"so wa nga" qug: khai: re qu" kin byid: mung: jeju dam: byid'13 lo maba ga: ta" ra". – Davi wa yao" byu qe we' daga" khyo mae su" na ko" re Shimi re: thoe te' ce te' ye" lo" mung: nhang: zo" re" laug baui pye' ru we' myid phaui: gag: tao" ye" lo" ra".14 Jhaung zug: we' yao" byu qe alhab' bam: Bahurim: vomo" joe" mung: ai: tau myaung: ngho" yu: ako".15 Abashalung: we' byu qe re: Yerusalem: joe" lo mung: Ahithophela re: bobo: ra". –16 Davi ba nam Akhibyu Hushai re: Abash- alung: jhao" joe" li" mung: jhaung zug: kao qhang veshao: wo". Jhaung zug: kao qhang17 veshao: wo" ga: min byid' ra". – Abash- alung: kam" wa ni" ba nam re ceru: jeju so" i". Pe" mung: ni" ba nam pho" thao macao"18 ru ga: Hushai re qeim: ke' ra". – Hushai wa ai ru: ein: damho wa, Mo"so we' ce: Israel amyu" alhab' bam: khyin: ra" yaug jhao" she, bona , jeim bokaid' nae" ga: ta" ra". –19 Khoyaug jhao" jeim kaid' re ai: yaug; yao: zo: mae re: jeim kaid' zai mangaid: i". Ni" pho" mae jeim kaid' na: ru: ni" qhid' kheim: mae re: jeim kaid' na nae" ga: Abashalung: re zhao: ra".20 Abashalung: wa Ahithophela re nyhao: nhaung" khoru: kaid' ca" nae" juyi byid:21 la, ga: ta" ra". – Ahithophela wa kho" vang lhaug' nae" tau: ni" pho" nha co' ra" naung cao myiqe: jham re sang: yu: pye' wa, . Alao" ni" pho" nao re ma nug: ra" khyo Israel byu qe alhab' ba gelao" ni" thao de; ra" mo, qam: qi" lo: li" genae" ga: ta"22 ra". – Ai we' dakhyo: kho" vang adao mae yao: bam Abashalung: tau: mug: kyo go kaid' mung: yao: wa Israel amyu" qe: qhid' kheim: tau yao: pho" naung cao myiqe:23 qe jhao" vao: sang: pye' ra". – Ai: ta re Ahithophela byid' ra" juyi wa Mo"so mae" myid' yu: ra" ru" ru dang: ra". Davi re re: , Abashalung: re re: , Ahithophela byid' ra" juyi wa ai ru: yao: dang: ra".