1 Jhaung zug' nhag' myid Abashalung: jhao" bode; lo" ra" khyo Zerua zo: Yaba the'2 beim" ra". – Alao" Teko" vomo" mae" au: naug; ba: lhang: ra" myiqe: dayaug khai: yu mung: ana" nao xau daboe, . Shid va" yaug; mathao gyai myao" sho' nhag' ngai: na: ra" myiqe: ru: kaid' ci mung: nhag' kaug' bau:3 ve; ci yang: , – jhaung zug: jhao" vao ye: mung: ceru: ein: ta" wa, ga: ai: myiqe: re pin: ke' ra".4 Ai: Teko" vobyu myiqe: wa jhaung zug: jhao" vao ye: mung: myid gaung tau gam" goe, zo" , jhaung zug: we" khyaid' yu la,5 ga: ye pa" ra". – Jhaung zug: pho" wa pe" mau" thug' ra" ga: lham: myid' re myiqe: wa ni" jeim ngo lao shid: byaug va" cug'6 mo" ngaid: . – Ni" jeim myhi" mae yaug gai zo: shid' yaug na: . Zoshao ai nhae yo dae mae jho" se' yang: mo, kao" ru mabo mung: dayaug wa dayaug re be, yang: ai: yaug7 shid; byaug va". – Ana" re: ba nam mao: nhaung: qe ni" jeim myhi" ngo re ceim" yang: yao: mao: se' ra" yaug re loge, phaug' nae" tau: qhaug' byid: ca" nae". Jao khae re re: mabyid: lo: ga: mho: ako". Ai ru: ngaid: re ni" jeim ngo mae dang shi" myi: baui" tam" yao: bam se' pye' byid: mung: nga" yham sang pho" mang re re: , dang shi" athao amyi: re re: myid gaung: dao mae" da" pye' byid' li" genae" ga: zhao: kyo" ra".8 Jhaung zug: wa ni" yham khyo dam: lo" se, . Ni" mau" ngo ta" byid: nae" ga: ai:9 myiqe: re ta" ke' ra". – Teko" vobyu myiqe: ai wa nga" jhaung zug: we" ngo we' nga" yham khaung qe: adao mae qobo joe" veshao: . Jhaung zug: we' jhaung zug' tao" mae kam" wa, qobo shao lho" veshao: wo"10 ga: jhaung zug: re ta" ra". – Alao" jhaung zug: pho" wa nao re qobo vhin: ra" su khag' re ngaid qere: ngo jhao" jhui" lo re: , thao phyao: nao re ai ru: qo" gai: zag zo: lo: nae"11 mangaid: ga: mho: ra". – Ai: myiqe: wa nga" zo: re mase' vegeshao: . Thao phyao: loge, phaug' nae" yaug khag' ngaid qere: loge, magai: phaug' nae" ein: ni" Mo"so mae beim" na shao: ga: ta" ra". Alao" Davi wa Mo"so daui: na: we' dakhyo: ni" zo" xae dakhe' lao" myid gaung khyo magyo" nae" ga: mho: ra".12 Dam: myiqe: ai wa ni" jeim myhi" asang jhaung zug: re dao: dakheim: zhao nhao shi: la, ga: mho' re jhaung zug: pho"13 wa ta" wa, ga: akhang" byid' ra". – Ai: myiqe: wa ai ru: ngaid: re wa Mo"so: amyu" re pe" mung: nao ai ru: pyam" na: . Nao jhaung zug: pho" ta" ra" khyo" ngaid: re wa ni" gaung nao mae ca" qo: jo; ra". Pe" mung: ga" re nao jhaung zug: pho" khe' pye' ra" yaug re nao madam: khai14 lo:. – Ngonhaung" kam" wa shid: na va" mo, za: ngaid: . Myid gaung tau vhe' pye' va" ru dam: maqo" tug' yu lo" qid we' dau: byaug va". Mo"so kam" wa loge, maphaug' lo: za: yao: mae" phao: lo" ra" su dam: lo15 nae" khyo: kaid' ra". – Ana" nga" asang jhaung zug' qhid' kheim: mae ngo ceru: li" ta" ru re: su ngo re kyaug' nhin" geyang: ngaid: . Ni" jeim myhi" jhaung zug: re zhao: kyo: nug: ra". Jhaung zug: re: gyo" re gyo:16 byid: nae" laug. – Ngo mae re Mo"so: jao khae mug: myid mae" da" pye' nug yaug; lo, mae" ngo re khyaid' yu nae" tau: jhaung zug: tae" gyo: byid: nae" ga: mho: ava". –17 Ni" jeim ngo re: nga" asang: amyin" dao: mathao myain myain" ru qo" nae". Mo"so: mug: logyo: ru: nga" asang jhaung zug: wa gai magai re pha: kho' mung: ba: ra" ein: myid: ra". Ni" Mo"so re: nao we' daga" na: na veshao: wo" ga: ta" ra".18 Alao" jhaung zug: pho" wa ngo myid' ra" mau" danyham" to: ga: ta" re myiqe: wa nga" asang jhaung zug: we" myid: wa, ga:19 ta" ra". – Jhaung zug: wa ce: gin si: mae Yaba nao re juyi byid' ke' mangaid: i" ga: myid' re myiqe: wa jhaung zug: we" nao kao daui: na: we' dakhyo: nao jhaung zug: ta" ru mae khag' re: lo, yo lo, vai: mavae" lhoe". Dang dang ni" jeim Yaba ngo re pin: ke' yang: ni" jeim myhi" nga" nhaid' mae20 ce dao: ke' byid' ra". – Ai: mau" gai yo: lo" shao: ga: ni" jeim Yaba lho: thug' ru ngaid: . Nao asang re: myid gaung: dao na mae: na re qo" ba sho' Mo"so: mug: logyo: juyi bo: ru: juyi bo: ra" ga: ta" ra".21 Alao" jhaung zug: pho" wa Yaba re ce mau" ngo nyhang" sho' to: va". Zolau: pho" Abashalung: re yekhai: lo ri: ga: pyang:22 ra". – Yaba myid gaung mae gam" goe, yang: nga" asang jhaung zug: we" nao ni" jeim mho' vhao" ra" akhyo we' dakhyo: zaui: so: byid: yang: ni" qhid' kheim: mae23 ngo nga: qo" ra" wo" ga: caung" ra". – Ai: thao Yaba to" mung: Gershon: vo khyo ye: yang: Abashalung: re Yerusalem: vomo"24 khyo khai: jhui" lo: ra". – Jhaung zug: kam" wa yao" yham tau lo" na: na shao: . Nga" myo, le, mae dana: thug' qin" nhao ga: khang" ke' ra". Abashalung: wa yao" yham mae lo" na mung: jhaung zug' myo, nho mathe' myao ngaid: ra".25 Israel damyu" geim" mae Abashalung: ru: gaung khyao yaung" mung: caung: kham: ru dayaug re: mana ko". Khyid vo: mae" cab' mae joe" malho" ru daja:26 re: mabo. – Yao" au: zaung saung" la" lo mung: zin qug xae phyid' ra". Ai zin qug: re" phyid' pye' xae wa jhaung zug: jao Shekela khyo" ga" re Shekela shid' yo la"27 ra". – Abashalung: re: yaug gai zo: sam yaug we' myiqe: zo: Ta: ma: re khau: ra". Myiqe: zo: ai wa gyai yaung" yaug ngaid: .28 Abashalung: jhaung zug' myo, khung: mamyao: ru shid' zin lam: Yerusalem: mae29 na: na: ra". – Thao re Yaba re jhaung zug: jhao" nhao nae" da: to: yang: khai: ke' re30 Yaba mali" . – Shid' lhang ein: lhang khai qere: mali". Ai mung: sin: zo: qe re Yaba yo thaung: ngonhaung" na jao: we' jhao" ra". mug-yo" gaug re: yaug: ra". Ye: mung: myi: ye ngha" ke' ge, ga: mho: we' dakhyo: Abashalung" sin: zo: qe ngha" ke' ako".31 Ai: au: Yaba wa Abashalung: yham khyo to" ye" lo" mung: ni" jeim qe pe" mung: nga" yo thaung: ngha" pye' byid:32 ko" ga: myid' re , – Abashalung: wa ngo Gershon: vo mae" pe" mung: lo: ru ngaid: . Ai: mae ana" ba joe" na: jo; re je: gai: ra" ein: jhaung zug: pho" jhao" zhao: kyo: nae" tau: nhao nae" ein: ngo khai: ru. Ana" jhaung zug' myo, khung: ngo re myao nhao la, . Ngo mae qobo bo qe re: yao: ngo re33 se' pye' shao: ga: Yaba re mho: ra". – Alao" Yaba jhaung zug: re ye ta" kyo" ra". Jhaung zug: re: Abashalung: re khai: yu mung: Abashalung: li" yang: jhaung zug' qhid' kheim: gam" goe; au: pa" pa" ra". Jhaung zug: re: yao: re bobaug baug: ra".