1 Davi yao: zo: Abashalung: mae Ta: ma: mang: ra" qu" yaung" dau de; ru yao: nhae: mo" dayaug bo: ra". Davi yao: zo: Amanung: wa ai: myiqe: zo: re jhid' de;2 na: ra". – Saung" jhid' de, yang: no: byaug sho' ngaid: . Myiqe: ai wa zomyi: gyang" ngaid mung: yao: we' jho" qhug' nae" ru3 Amanung: myid: qug' na: ra". – Davi yao: mao: Shima: yao: zo: Yonadab wa Amanung: zam" cao: ngaid: . Ai Yonadab4 wa au: naug: gyai ba: lhang su ngaid: . – Ai: yaug wa Amanung: re nao jhaung zug' yao: zo: ngaid va" thao pe" mung: daba we' daba ngaung" qeim" gyo" lo" ra". Ngo re manug: ta" kyo: i" ga: myid' re Amanung: wa nga" nhaung: Abashalung" yao: nhaung: Ta: ma:5 re gyai o: na: kyi: ga: ta" kyo" ra". – Alao" Yonadab wa yab jaung: dao mae kau" jo, mung: no mhug' mhug' wa, . Ai mae ni" pho" qu" kam: ga: li" au: nga" nhaung: Ta: ma: li" mung: khin: zho: nhao la, . Yao: zho" ra" zo: vae ngo myao yang: yao" lo, mae" ngo qo" zo: sho' nga" qhid' kheim: mae li" jho' zho: nae" akhang" byid: la, ein: ni" pho" re lham: mho' wa, ga: mho"6 byid' to" ra". – Amanung: wa lang" kau" jo, yang: no mhug' mhug' na: ra". Jhaung zug: kam" qu" ga: li" ra" au: Amanung: wa nga" nhaung: Ta: ma: li" shao: . Yao" lo, mae" ngo qo" zo: sho' nga" tau: cinmain" shid' yho' nyhang" shao: nhao byid: la, ga: akhang" mho' ra".7 Davi re: Ta: ma: yham khyo byu re nhao yang: ni" mao: Amanung: yham: khyo ye: mung: zo: nam ye jho' zho: wa, ga: pin:8 ke' ra". – Ta: ma: re: yao: mao: Amanung: yham khyo ye" lo" ra". Amanung: kam" wa yab jaung: mae lang" jo; ra". Ta: ma: cinmain" yu mung: yhoe" te' yang: yao: mao" qhid' kheim: cinmain" te' te' byid' na:9 ra". – Bain re yu mung: Amanung: qhid' kheim: to" to: qere: yao: wa mazo: lo: byu alhab' bam: taung gaung thug' ge, ga: ta"10 mung: byu alhab' thug' lo" ko" ra". – Ta: ma: re re: ni" lo, mae" ngo qo" the' zo: shao: ce: qe, khug' khyo yu: lo re: ga: ta" ra". Ta: ma: re: yao: kaid' ra" cinmain" ci mung: yao: mao: Amanung: qe, khyo vao11 lo" ra". – Ai ru: Amanung: zo: nae" zo: shaug' yu: vao lo: au: yao: wa yao: nhaung: re lao" te' yu mung: nga" nhae: mo" we"12 ngo we' yab lang: ga: mho: ra". – Ta: ma: wa nga" mao: ai ru: damung. Ngo re ai ru: daqu" ngai: pye'. Israel amyu" mae ai ru: malhaung" kaid'. Ceqhi" makhyang" mau"13 dakaid'. – Nao ai ru: kaid' re ngo khoru: tho' qho' nae". Nao re: Israel amyu" mae byu nghang: ru: boe" byaug nae". Ai ru: mung: jhaung zug: re zhao: kyo: wa, mhao". Ai ru: zhao: kyo" mho' qu" re mabyid: zho: wa14 makaid' va" re ga: ta" qere: – Amanung: matae" gyo: lo: za: nhae: mo" tho' qam: je: bo: ru mung: zhaug' mung: shaid' nghung" pye' ava".15 Ai ru: kaid' pye' mung: nhae: mo" re qu" gyid' pye' ra". Sao qhid' jhid' myid qi" ra" tho' gyid' ra" qam: je: qi: mung: nao to"16 lo" se, ga: mho: ra". – Nhae: mo" kam" wa pe" maca". Ngo re shaid' nghung" ra" qobo tho' ana" khe' thug' ra" qobo je: qi" ra" ga:17 mho qere: Amanung: matae" gyo: . – Daui mung byu dayaug khai mung: ce: myiqe: re khe' thug' pye' mung: kham: kyao" kyao"18 pye' wa , ga: mho: ke' ra". – Tang: shain" zomyi: ngaid: ra" jhaung zug' myiqe: zo: qe lhaung" ve; to" gekai: lai: khu: tung" shaung yhaung" ve; ci: ra" Ta: ma: re daui nhao zoshao yang za: khe' thug' mung: yao" thao kham: cao" kyao" jhid' pye' ra". –19 Ta: ma: re: au: dao mae myimhab re kai: mung: yao: ve; ci: gekai: lai: bau: re lao" caid' pye' mung: au: dao: lo, kai: yang:20 ngug: phao: lo" ra". – Yao: mao: danug' shaug' Abashalung: wa ni" mao: Amanung: nao re qho' phyo' ra" i". Ngaid qere: nga" nhaung: we" sae za: shi" na wa, . Yao: re: ni" mao: ngaid: . Ai: akhyo pe" nhag' dakaug' ga: ta" ra". Ai mung: Ta: ma: wa yao: maung Abashalung: yham mae sae za:21 na: na: ra". – Davi jhaung zug: ai: akhyo ada" zo, qo" the' gyo: lao" gyai nhag' yo"22 ra". – Abashalung: re: yao: mao: Amanung: adao mae gai: ru , magai: ru dao: dakheim: re: majhau. Ai qere: yao: nhae: mo" Ta: ma: re qho' phyo' yang: qu" yo" na: ra".23 Ai: thao shid' zin lai yang: Abashalung: Ephrim: vo yae , Bala-hazora vo mae yao mug' qaug poe kaid' mung: jhaung zug'24 yao: zo: alhab' bam: re khai: ra". – Abash- alung: yao: jhaung zug: jhao" ye: mung: ni" jeim pho" yao mug' qaug poe kaid' ra". Ni" sin: zo: qe re jhui: mung: nao jhaung zug: yao: ngo we' daga" ye: lang: ga: mho'25 vhao" ra". – Jhaung zug: pho" wa magai: li" nae" nga" zo: we" , byu alhab' re wa dajhui: . Zao: kho saung" laug nae" ga: ta" ra". Abashalung: gyai mho' vhao" qere: yao:26 macao lo: za: min byid' ke' ra". – Alao" Abashalung: wa nao macao lao" nga" mao: Amanung: re nhao byid: la, ga: mho' ra". Jhaung zug: pho" wa yao: pe" mung: nao we' bocao nae" ga: myid: qere:27 Abashalung: qag qag mung: mho' na mung: Amanung: we' daga" yao: zo: qe28 alhab' re nhao byid' ke' ra". – Abashalung: wa yao" sin: zo: qe re Amanung: sabyi' yid: pyo" ra" ayo, qu" zhaug' na ge, . Amanung: re se' pye' gese, ein: ngo mho lao" se' pye' ge, . Gaung dayug ge, . Qam: yu yang:29 qhao: ge, ga: pyang: to" ra". – Yao: bam re: mho: to" we' dakhyo: Amanung: re se' pye' ko" ra". Alao" jhaung zug' yao: zo: qe to" yang: khag' re: khag' yao" myao: jui: yang:30 phao: lo" ako". – Yao: bam khyo mae su" na shi: ko" re getau: byu dayaug li" mung: Abashalung: yang jhaung zug' yao: zo: alhab' bam: re se' tam" pye' va". Dayaug31 lao" madang lo: ga: zhao: kyo" ra". – Ai mung: jhaung zug: pho" to" mung: bau: lao" caid' pye' yang: myid gaung mae lang" de; jo; ra". Yao" sin: zo: alhab' bam: re: yao: yao" bau: lao" caid' yang: ayae tau boye; jo;32 ako". – Ai: au: Davi yao: mao: Shima: yao: zo: Yonadab wa jhaung zug: pho" we" ni" zo: alhab' re se' pye' va" ga" dao: kheim: dalam". Amanung: dayaug za: ashid: . Ai wa Abashalung: yao: nhae: mo" Ta: ma: re zhaug' yab: ra" ba mae" ceru: kaid' nae" ga:33 myid: ci: ava". – Ai ru: mung: nga" asang jhaung zug: pho" we" ni" zo: qe alhab' bam: shid: byaug va" ga: jho yang: nhag' dangai. Amanung: dayaug za: ashid: .34 Abashalung: kam" wa phao: byaug; ra". Ana" volhaug' zolau: qu" ke' re yao" nhaung thao" bug gaung gau: khyo" byu gyai myo:35 sho' thaui" lo: ru re myao: ra". – Yonadab wa jhaung zug' yao: zo: qe lo veko" ra". Ni" jeim ngo ta" ra" dao: dang: ra" ga: jhaung36 zug: pho" re ta" ra". – Jhaung zug: nau" qe joe" lo mung: thoe mo" thaid' yang: zag; hug' ngug: ako". Jhaung zug: we' yao" sin: zo: qe alhab' bam: re: qam: phin: ngug:37 ako". – Abashalung: phao: lo" mung: Gershon: mang: zug: Amihud' zo: Talamai jhao" ye" lo" ra". Davi wa yao: zo" mathao38 ne, qug: kaug' na: ra". – Abashalung: Gershon: phao: lo" mung: sam zin na:39 pye' ra". – Ai: ayo, re Davi wa Amanung: mathao kaug' ru baui" byaug mung: Abash- alung: re gyai: myid beim" na: ra".