1 Ai: thao Yaku' wa yao: zo: tao ho' re nga" pho" jhao" zang" ham: lo ge,- thao phyao: naonhaung" mae boe" lo nae" akhyo re ngo yo: kyo: co' nae".2 Yaku' zo: qe we" zang" ham: lo mung: tae" gyo: ge , pho" Israel dao: re tae" gyo:3 ge , . – Rubin: nao wa nga" zo:qhid'. aqhid mae" nga" qam: o: nga" qao: baid:4 shi: ngaid: ra". – Ngaid qere: qid bug ru: to" ba: nhag' myid bo mung: nga: lho" ru qhug' nae" mangaid: . khoru: ga" re nao wa yao: pho" yab jao: khyo vao mung: maca' majhaid' kaid'ra". Nga" yab jaung: dao do;5 ava". – Simun: we' Levi' wa yao: nhae ngaid ko" ra". Yao: nhae tao wa mashao6 makhyang" ru kaid' lai: lo veko". – Nga" nhag' myid yao: tao: tau" da mae mabo: vao shao: . Nga" myo, nho nga: lao: we' yao: tao: phaung mae dabo: vao , yao: tao7 wa nhag' yo: yang: byu se' veko". – Yao: nhae myid: o: khyo: cao" mung: vo re phyo' sin: veko". Yao: tao magai: mau" kaid' ko" ru mung: nhang: kheim: phau: geshao: . Yaku' amyu" Israel nyaug mae" kao" pye' mung: byo: sin" lo" nhao nae". –8 Yuda we" ni" mao: ni" nhaung: bam nao re khin" genae". Ni" lo, wa ni" gyevo jham: lang zang: mae kai" to" li" nae". Ni" pho" yao: zo: jham wa ni" qhid' kheim: mae goe;9 gam" genae". – Yuda wa lo:tin: bae: ngaid: ra". Nga" zo: we" nao wa taung" she zo" ra" jo, qo mae" do, lo lo mung: ra". Lo:tin: we' lo:tin: zang re" ru: yao: yoe" ab' jo, ba: ra".10 Khoyaug vae" nhug' genae" i"? – Yaug yo: ra" AsAng (Shi:lo") joe" li" sho' jhaung zug' lhae taid' wa Yuda lo, mae zug' kheim: so' wa yao" anyaug: lo, mae kheim: so' malam: lai: nae". Byumyu" qe wa Shi:lo" mae phug'11 myao: goe; gam" li" genae". – Yao" myao: re sabyi' naui mae , myao: nau" re myhao: thao" ra" sabyi' naui mae taui" to: mung: yao" mai bau: re sabyi' shi: sa: ga" ra" sabyi'12 qang" yang cid' li" nae". – Yao" myo, jid' wa sabyi' qang: we' ne nae". Yao" zaui re: nung: nug' tho' phyu nae" ngaid: ra". –13 Zabulun: wa qid dae yae mae na mung: lha thang jao: boe" nae". Yao" mug: myid wa14 Sidon: vo joe" sho' ngaid nae". – Iskha: wa bam khyae gyo: mae ab' yang: qi" ra" myao:15 ngaid: ra". – Yao" no: qo wa gai mung: ai: mug: myid yaug yo: ru re myao yang: qo vin vo, nae" ga: yao" ku: sin khae mung:16 khang: ke' ra" o: kaung ngaid: ra". – Dain: wa Israel amyu" mae" dayaug re" ru: yao"17 byu qe re dao: phyid' li" nae". – Dain: wa hau" mo" mae" lhao maui boe" mung: myao: jui: mo, re lang: nhao nae" tau: khyo yae mae na mung: myao: khyid mae thoe: ba: ra" maui bab: boe" nae" ngaid:18 ra". – Asang Mo"so we" ni" khyaid' khyi: yu: khyo re ngo myid: nghae" lao" na va". –19 Gaid' kam" wa gye phung: jham yao: re lhang" kham" jhe' to: gengaid yang: re: yao wa yao: bam: khunhag' thaung: thao re20 zab: nyhae" to" li" nae". – Min myho' ra" zo: pho: wa Asha: qo" nae" ngaid mung: jhaung zug: qe zo: myho' nae" ja: re byid'21 li" nae". – Nabthali' wa nhao: ke' va" cid phaug' zang ngaid mung: myid jin" myid22 xau ba: zaui" thug' ra". – Yoseb wa ashi: zaui" ra" sag' kaung ngaid: ra". Qid baug: nhae mae" ashi: zaui" ra" akaung ako' ngaid: ra". Yao" akaung ako' jham wa vokham"23 dao mae lai: do, lo" ko" ra". – La: bag jhao mo, wa yao: re manug ko" ngaid: ra". yao:24 re qang: bag mung: yhin" ko" ra". – Ngaid qere: yao" la: wa mapyain" lo" yao: ci: ra" sin: wa Yaku' amyu" mae qam: mo" bo: ra" Mo"so: lo; yang re: yao zam: yaug ga" ra"25 Israel amyu" laug baui: yang re: . – Nao re bao" thaug' na: ni" pho" Mo"so khyo" yang re: nao re min byid' ra" kheim: so' phung bao: AsAng khyo" yang re: gang: tang nhao: ra". Mug: gaung: dao mae" min no; thao" ra" jao: mae" min qao bam nug' we' tin" ra" min jham: yang nao re gai: ra" min byid:26 veshao: wo". – Ni" pho" byid' ra" min wa gyag maqui: lo" ra" bam myid gaung jham tho' je: ra". Ai: min wa Yoseb au: dao mae yao: mao: yao: nhaung: bam mae au: ba: she mo; adao mae ajo; jo, veshao: wo".27 Benyamin: wa lhaid' khyaid' zo: ba: ra" zag ne boe" nae". Qo" the' taung" ra" sho: re ne, seim mae zo: mung: qo" yu: ra" zai gyo" re myi" mae gae zo: genae" ga:28 mho: ra". – Ce jham wa Israel amyu" daxe: shid' nyaug ngaid ko" ra". Ce: dao: kheim: jham re: yao: pho" pin co' mung: yao: yaug yao: the' qo" khae: yu nae" ra" min gam29 dao: ngaid: ra". – Ai mae" getau yao: bam re nga" amyu" qe: phaung khyo ngo lo" naeva". Hiti amyu" Ephrun" din" yo mae jo; ra" dung: gyain mae nga" pho" we' daga"30 nyhab' gela, . – Khanain: mang: Mam:re: jao: gyu" Mapuila' din" yo mae jo; ra" myid dung: gyain: re yao: sang: na nae" lab kaid' nae" tau: din" geim" re Hiti amyu" Ephrun"31 jhao" Abraham vai: to: co' va". – Ai: dung: gyain: mae Abraham we' yao: myi: Sa:ra re nyhab' veko". Isag we' yao: myi: Rebedkha: re re: nyhab' veko". Lea re re: ngo nyhab'32 va". – Ai: dung: gyain: jo; ra" din" yo re Hiti amyu" qe: qhid' kheim: mae vai va"33 ga: pin: to: va". – Ai re" ru: Yaku' wa yao: zo: tao ho' re alhab' byin pin: bin lao" yao" khyid re jaung: dao khyo she: yu mung: so' thao" lo" mung: yao" amyu" phaung khyo joe" lo" ra".