1 Sao qhid' maqhid mae Mo"so wa mug: gaung we' myid gaung re phain" ra". –2 Myid gaung wa pyaid' laid sede: ngaid mung: sho' sho' gyao: gyao: ngaid shi" ra". No; thao" jo, qo re mug: caid' yang nghoe' gam mung: Mo"so: Solo wa qid dao mae3 daui lab: qin" ra". – Mo"so wa bao" bao boe" wa, ga: mho lao" mug: bo" boe" thug'4 li" va". – Ai: bo" bao gai: ru re Mo"so the' myao lao" mug: bo" we' caid' re kho' kyo"5 sho' to: va". – Bo" bao re na" ga" mang we' caid' re myi" ga" mang re mhang" byid: mung: myi" thao we' ne, seim wa ba na daba ga" ru boe" va".6 Dam: Mo"so wa qid bug agaung: mae mug: kyo kyo' mung: qid we' qid cao: getau tau ngaid shao: ga: mho: ke' yang: –7 Ailao" Mo"so wa mug: akyo re kaid' mung: mug: akyo o mae jo; ra" qid we' mug: akyo dao mae jo; ra" qid re kho' khaui" ke' ru8 we' dakhyo: boe" lo va". – Mug: akyo re re: mug: gaung ga: mhang" ra". Ailao" myi" thao we' ne, seim wa shid' ba ga" ba na boe" li" va".9 Dam: Mo"so wa mug: gaung gyid' mae jo; ra" qid re qui" zhain nhao mung: taung gaung boe" thug' shao: ga: mho: ke' ru we'10 dakhyo: boe" va". – Taung gaung re myid gaung ga" mang , qid jham re qid dae mo" ga" mang mhang" mung: ai jham gai: ru re11 Mo"so myao: ra". – Ailao" Mo"so wa myid gaung wa mhin: zo: laung la re re: , amyug: ashi: bo: ra" gaug zo maui: lam: re re: myid gaung mae" yao" myug: yao: bo mung: ashi: zaui" ra" sag' gae re re: yaug: li" ga:12 mho lao" yaug: li" ko" ra". – Myid gaung wa- mhin: zo: laung la re re:, gaug shi: boe" nhao nae" gaug gae jham re re:, yao: yao: mae amyug: bo: ra" sag' shi: boe" nhao nae" agae re re: yaug nhao: ra". Ai jham gai: ru13 re Mo"so myao: ra" . – Ai: myi" thao we' ne, seim wa sam ba: ba ein: ba ngaid: ra".14 Mo"so wa na" we' myi" re kho' khaui: nae" tau: mug: nyug lasung" akhug mae bo" bao: agaung boe" veshao: , ve, lho boe" na nae" tau: re: , zin: ve, ba na tau: re: boe" na veshao: .15 Mug: gaung mae gang" tang: jo, mung: Myid gaung dao mae bao: na nae" tau: bo" bao agaung boe" na veshao: ga: ta" ke' ru16 we' dakhyo: boe" lo" ava". – Ai re" ru: Mo"so wa bo" bao agaung shid' lam: ngaid: ra" na" re ug: na nae" aqi: dalam: myi" re ug: ra" angai dalam: we' daga" kyi jham re17 phain" ke' bin mung: . – Myid kin mae bo" bao: na nae" tau: mug: bo" we' mug: caid'18 re kho' ke' mung: – Mo"so wa ai jham re mug: nyug lasung" mae to" to: va". Ai jham19 gai: ru re Mo"so myao: ra". – Myi" thao we' ne, seim wa byid ba: ba boe" va".20 Mo"so wa kao so' bo mung: daui lab: qin" ra" ja: ajham ataung , qid mae" boe" li" mung: mug: le; phyo: mae dao" qin" ngho' jham re boe" wa, ga: mho: ke' mung: boe"21 lo va". – Ailao" Mo"so wa qid dae mo" mae ngo: qi: re re: qid mae daui lab: qin" so' bo ja: jham re re: daung de; ngho' jham re re: phain" myhung: ke' va". Ai jham gai22 yaung" ru re Mo"so myao: ra". – Mo"so re: naonhaung" na: je: myo: ge, wo" , qid dae re byang" sheim nhao ge, , ngho' jham re re: myid kin mae na: myo: je: geshao: wo" ga: gug' nyhug' jham re min byid: mung: –23 myi" thao we' ne, seim wa ngo" ba: ba boe" va".24 Mo"so wa myid gaung wa so' bo kao daui: ra" gug' nyhug' jham re re:, yoe" qin" ra" gug' nyhug' jham re re:, myang kha: zoqhid jham re re: na: myo: na: je: nae" mho: ke' ru we' dakhyo: boe" lo va". –25 Ai re" ru: Mo"so wa zoqhid aja: ja:, gug' nyhug' aja: ja: jham re phain" mung: ai jham gai: ru re Mo"so myao: ra".26 Dam:,Mo"so wa ngonhaung" we' khyao dau: ra" byu xaosu re phain" gelang: , yao: wa qid dae ngo: jham re re:, mug: le; phyo: mae" ngho' jham re re:, gug' nyhug' jham re re:, myid dagye; geim" we' myid mae yoe" qin" ra" gug' nyhug' jham re re:27 ug veshao: ga: mho: ra". – Ai re" ru: Mo"so wa yao" khyao dau byu xaosu re phain" ra". Mo"so wa yao" khyao dau byu yaug28 gai we' myiqe: re phain" mung: , – Mo"so wa yao: shid' tao re min byid: mung: mho: ru wa- myid gye, mae pyang" ge, qid dae ngo: jham re re:, mug: le; phyo: mae" ngho' jham re re:, so' bo kao daui mung: myid gaung: dao daui lab: ra" gug' nyhug' acao29 ajab jham re ug ge, ga: mho: ra".– Mo"so wa qu" wa, myid dagye, geim" mae amyug: ashi: bo: ra" gaug zo aja: ja: re re:, yao" gae yao: mae amyug: bo mung: ashi: zaui" ra" sag' gae aja: ja: re re: naonhaung" zo: nae"30 tau: Ngo byid: va". – Ai mae" getau gug' nyhug' jham: tau: re: , mug; le; phyo: mae" ngho' jham: tau: re:, myid mae yoe" qin" ra" gug' nyhug' aja: ja: jham zo: nae" tau: mhin: zo: laung la aja: ja: re Ngo byid: nae" ga: mho: ru we' dakhyo: boe" lo: ra". –31 Ailao" Mo"so wa yao: phain" phaug' to" ra" ja: nam jab alhab' re qu" lao" gyai gai: ru re myao mung: myi" thao we' ne, seim wa khyaug' ba: ba boe" va".