1 Mug: gaung myid gaung we' daga" na mae" na , jo, mae" jo, wa bin: kyab' jo, veko"2 ra". – Mo"so wa nhaid' ba ein: ba mae yao: phain" phaug' ra" mau" zo" ja: cao jab bin va" ru mung: ai: nhaid' ba: ne, mae yaug3 yo za: dug no" na: ra". – Ai: nhaid' ba: ne, mae Mo"so wa min gam byid: mung: shao kyang" ra". Khoru: ein: re- phain" nyhang" mau" zo" alhab' kyab' va" ru mung: ai: ba na mae yaug yo za: dug no" na: ra".4 Cegu: wa AsAng Mo"so mug: gaung we' myid gaung re phain" ra" jo, qao: mhomyi: ngaid: ra". Mug: gaung we' myid gaung re phain" ra" ba na aqhid re: ngaid:5 ra". – Myid mae ao: pho' , mhin: zo: laung la daja: re: mayaug shi: , myid gaung mae gaug zo daja: re: majo, shi: , khoru: ein: re- AsAng Mo"so myid gaung: dao mae mug: maqu nhao shi: , myid gaung re qu" caung gam nae" byu mana shi: mung: –6 myid gaung mae" ngaui" thug' mung: myid7 dagye, geim" re ajhug' boe" nhao: ra". – Ai: thao mae AsAng Mo"so wa myid zhai: jab re yu yang: byu re phain" mung: yao" nho khyo" so' maid: zaui: ke' lao" byu wa daui: li" mung: ba: myid: qu" ra" xaosu byu boe" li" ra".8 AsAng Mo"so wa ba thug' shaid' Edin: ga" jo, qo mae khyae dakhyae re qho" yhaug' bin lao" ai mae yao: phain" myhung:9 ra" byu re na nhao: ra". – AsAng Mo"so wa yaung" lho" mung: zo: gai: ra" shi: gae aja: ja: re myid mae" yaug nhao: ra". Ai: khyae gaung: mae kao so' shi: gae re: yaug: ra". Gai magai: ru ba: kho' khaui: nae" shi: gae10 re: yaug: ra". – Ai: khyae re jhug' dag nhao nug yang: qid dagyaung: re ai: Edin: khug mae" yug: thug' mung: khyae lai lao" byid gao khyo" ke' yang: qid zang byid gyaung:11 boe" lo" ra". – Dalam: ga" ra" qid gyaung: Pishon: ngaid: ra". Ai: qid gyaung: wa hhang bo: ra" Havila' mang: cao" yang:12 yug: lo" ra". – Ai: mang: mae thug' ra" hhang gai: thao" ra". Badelin: sag' gyid: we'13 Shaphain: laug re: jo; ra". – Shid' lam: ein: ra" qid gyaung: wa Gihon: ngaid: ra". Ai: qid gyaung: wa Khusha' mang: cao" yang:14 yug: gyo" lo" ra". – Sam lam: ein: ra" qid gyaung: wa Hidekela' ga: mang: ra". Ai: qid gyaung: wa Asuri' mang: ba thug' shaid' khyo yug: lo" ra". Byid lam: ein: lam: wa15 Uphared' ga: mang: ra". – Ailao" AsAng Mo"so wa ai: byu re jhui" lo mung: Edin: khyae re qu" caung nae" we' lhaug' zaung"16 na nae" tau: nha: to" ra". – AsAng Mo"so wa ai: byu re ce: khyae mae yaug: ra" agae jham mae" ashi: re nao gai: zo: nae"17 ngaid: . – Ngaid qere: gai: ru magai: ru re ba: kho' khaui: nae" shi: gae mae" gai: zo: nae" mangaid: . Khoru: ga" re ai: shi: gae mae" shi: nao phyo' zo: lao" dang dang shid nae" ga: dao: so: khang" to" ra".18 AsAng Mo"so wa yaug gai wa yao: dayaug za: na nae" magai ngaid: ra". Yao: we' dau ga" ra" abao" athaug' yao" tau: Ngo kaid' byid: shi: nae" ga: myid: nghae"19 ra". – AsAng Mo"so wa myid gye, mae" gug' nyhug' gug' du: we' mug: le; phyo: mae" ngho' jhid' ngho' zo: alhab' re myid zhai" yang bin: phain" lao" ai jham re khoru: mhang" nae" ru ba nae" tau: byu jhao" jhui" lo: ra". Byu re: kao so' daui: ra" gug' nyhug' alhab' jham re mang mhang" byid' ru we' dakhyo: yao: yao" mang qo"20 lo" ko" ra". – Ai re" ru: byu wa byid khyid de; gug' nyhug' jham re re: ‚ mug: le; phyo: mae" ngho' jham re re:, zoqhid jham re re: ‚ mang mhang" byid' ra" ngaid qere: byu we' dau ga" ra" abao" athaug' wa mana shi: ngaid: ra".21 AsAng Mo"so wa Adam: re yab mo" myid' nhao mung: Adam: yab: myhid' na: au: nae cae: dakhe' she: yu mung: ai: mae22 sho: re pyang" byid' ra". – AsAng Mo"so wa byu mae" she: yu: ra" nae cae: qug' yang byu myiqe: re phain" mung: byu pho" jhao"23 jhui" lo: ra". – Xaosu byu re: ana" ce: yaug wa nga" shoqug: mae" shoqug: nga" sho: mae" sho: ngaid mung: yao: re myiqe: ein: mhang" nae" ngaid: ra", Khoru: ga" re yao: wa yaug gai: khug mae" she: thug' yu: ru24 ngaid: ra" ga: mho: ra". – Ai: mathao mae yaug gai wa myhi" pho" re to: co' mung: yao" yham sang myhi" mae nhaui mung: yao: tao wa dagaung dasho: za: ngaid ko"25 ra". – Ai: byu shid' tao wa mai bau: mave, gaung cin dam: ngaid qere: yao: cao: majho" ba: qho' shi: ko" ngaid: ra".