1 Yoseb wa jo, nho" zam: yaug re khai: yu mung: yao: bam: thaung jham mae qo" ke' ra" nho" ke' pyang" byid: wa, ga: pin: ra". Yao: bam: ngaui re re: yao: yaug yao"2 thaung nhaid' mae re: – ngai: thao" ra" yaug: thaung mae wa gaug: aphug' ngaui kye' we' nga" ngaui khug' re bo: ke' byid: wa, ga: pin: ru we' dakhyo: jo, nho" zam:3 yaug kaid' ra". – Ne, kao mug: bo" lao" ai bam re myao: jham we' daga" nhao: ra". –4 Vo yae lai mung: khovha" mava: shi: re Yoseb wa jo, nho" zam: yaug re khai: yu mung: thoe bam re cao" khe' wa, ye: myhi lao" naonhaung" wa magai: ra" khyo" jeju5 tug' ko" i"? – Nga" asang: shaug' keim: re khug' mangaid: i"? Boe, ba: phyid' ra" keim re: ngaid: ra" mangaid: i"?. Naonhaung" kaid' ra" lo, mau" wa magai: ru ngaid: ra"6 ein: ta" wa, ga: pin: ru we' dakhyo: . – Jo, nho" zam: yaug wa cao" khe' yang: myhi lao" yemho: ra". Ailao" yao: bam wa ce7 ru" dao: pe" ga: ta" laug: i"? – Mo"so: jeim qe we" airu" ra" mau" wa va: lin veshao:8 wo". – Qu" wa, qhid' phyao: ngonhaung" thaung nhaid' khug mae the' myao: ra" ngaui jham re Khanain: mae" dam: ci: li" va". Airu: mung: asang: yham khug mae" ngaui hhang jham re khoru: ein: gai: khug'9 nae" yha". – AsAng: jeim qe mae khoyaug mae qhug' qhug' ai: yaug shid veshao: ngonhaung" re: asang: jeim boe" veshao:10 ga: mho ko" ra". – Jo, nho" zam: yaug re: naonhaung" mho: ru ru: ngaid shao: . Ngaid qere: khoyaug mae qhug' myao: re ai: yaug wa nga" jeim boe" shao: naon- haung" kam" wa qobo loe, geshao: ga: mho11 yang: . – Ai bam alhab' wa yao: yaug yao" thaung jham re khyo" yu mung: phung"12 ko" ra". – Jo, nho" zam: yaug re: aqi: mae" angai mae joe" sho' paui: qu" re Benyamin: thaung mae ngaui khug' re paui: myao:13 ra". – Ailao" yao: bam wa yao: yao" mai bau: re lao" caid' mung: yaug khao: ngo" myao: dao mae qo dam: kai" vin nhao yang: vogaung: khyo dam: tug' ko" ra".14 Yuda we' yao" mao: nhaung: qe Yoseb; yham dam: joe" re yao: wa yham mae na: na shi: mung: yao" qhid' kheim: goe; gam"15 yang: na: bam ko" ra". – Yoseb re: naon- haung" wa khoru: kaid' veko" i"? Ngo ru" yaug gai wa mug' pho" nyain: bo: ru re naonhaung" maba ko" i"? ga: mho: ra". –16 Yuda wa ngaonhaung" asang re khoru: ba: ta" lo: nae" i"? Pe" ta" cang bo lo" i"? ce: mau" mae ngonhaung" qo" loe, lo: zai mangaid: lo: . Mo"so: jeim qe: qobo re ca: qu" yang: myao va" mung: ' khoyaug: thaung mae ngaui khug' the' myao: re ai: yaug we' ngonhaung" alhab' wa asang: jeim qe ngaid: bam va" ga: mho gelao". –17 Yoseb wa ngo airu: kaid' nae" wa ngo we' va" lin veshao: . Khoyaug: lo, mae ai khug' the' myao: re ai: yaug nga" jeim boe" shao: . Naonhaung" kam" wa naonhaung" yao: pho" jhao" yaug yo za: phao: lo" ge, ga: dao: phyid' ra" .18 Ailao" Yuda wa qui" te' ye: mung: asang we" ni" jeim pho" dao: dakheim: jhau nae" akhang" byid: la, jeim pho" re nhag' dahin: yo: shi: . Nao wa Pharaoh we' dakhyo:19 ngaid: ava". – AsAng wa naonhaung" yao: pho" na shi" i"? yao: nhaung: na: i"? ga: myid: lao".20 Ngonhaung" wa kao qi: va" nga" pho" mao: zo: na shi". Nga" pho" kao qi: thao khau: ra" yao: zo: dayaug na: . Yao: mao: wa shid: byaug va" ein: yao: myhi" dayaug: zo: qe mae yao: dayaug za: ana lo". airu: mung: yao" yao: pho" wa yao: re jhid' de;21 ra" ein: asang re ta" kyo" ra" – AsAng wa ai: yaug re ngo myao nug: ra" ngo jhao" jhui" gyo" li" ge, ga: asang: jeim qe re mho: ra". –22 Ngonhaung" wa ai: zoshao wa nga" pho" we' magai: gao: . Nga" pho" we' gao: lao" nga" pho" shid: li" nae" ein: asang re mho23 ngaid qere: . – AsAng wa naonhaung" yao: nhaung: mabo re naonhaung" nga" myo, khung: re thao dalhang mamyao lo: genae"24 ga: ngonhaung" re mho va". – Ai re" ru: ngonhaung" wa ni" jeim pho" ngaid: ra" nga" pho" jhao" joe" lao" asang ta" ke' ra"25 dao: re lo" zhao: kyo: va". – Ngonhaung" pho" re: dalhang dam: ye: yang: ngo zo: nae" zao: kho dajhid' ye: vai: lo ge, ga: mho26 lao". – ailao" ngonhaung" wa mavae" ye: lo: . Ngonhaung" yao: nhaung: bo: ngaid: re wa ye: nae". Nhaung: mabo re wa ai: yaug: myo, khung: mathe' myao zai ngaid:27 ein: dam: mho: bam va". – Ailao" asang: jeim nga" pho" re: nga" yham sang myhi" wa ngo re zo: shid' yaug za: khau myhung byid' ru naonhaung" ba gau va".28 Dayaug wa ngo jhao" mae" thug' lo" byaug va". Gai gai: yao: wa adau atam" bin" caid' sin" pye' ru phau: venhaung wo" ein: ngo mho va". Ai: ayo, mae" ngo yao:29 re mathe' myao lo: . – Ana" ce: yaug re re: ngo mae" jhui" yu: lo" mung: yao: mae magai makhe' ru thaung" qhug' re naon- haung" wa nga" au: phyu re nhag' kaug' zo" re" mai:vo: mug: gyo" lo" nhao: ru boe"30 genae" ga: ngonhaung" re mho: ra". – Airu: mung: asang: jeim nga" pho" jhao" ngo joe" lo" au: ce: zoshao ngonhaung" mae mabo ngaid: re nga" pho" nhag' myid wa ai: zoshao mae ngha: na: ra" mathao: yang –31 zoshao mabo: lo: ru myao lao" nga" pho" shid zai ngaid: ra". Nga" asang: jeim pho" wa asang: jeim ngaid: ra". Nga" pho" au: phyu re kaug' ru we' daga" mai:vo: mug: khyo gyo" lo" nhao: ru boe" nae"32 Ngo ni" jeim pho" wa ce: zoshao re nga" pho" jhao" madam: jhui" lo ngaid: re ni" qhid' kheim: mae kao thao" sho' ngo qobo phau: veshao: ein: nga" pho" jhao"33 mae ai: zoshao: ama, kham boe" va". – Ai mung: asang: jeim pho" ngo wa ai: zoshao: gaung tha" asang jhao" mae jeim doe; nae" akhang" byid: la, zoshao re kam" wa nga" mao: nhaung: bam we' daga" lo" nae"34 akhang" byid: la, . – Zoshao mabo re nga" pho" jhao" ngo khoru: re: magai: lo" lo: . Airu: ngaid lao" nga" pho" qug: khai: re ngo the' myao zai ngaid: ra" ga: mho: ra".