1 Ai: thao mae Yoseb wa Pharaoh jhaung zug: jhao" ye: mung: nga" pho" we' nga" mao: bam nung: yao ' zai yo alhab' re pyaung: yang: Khanain: mang: mae" joe" li" mung: Goshen: jo, qo mae li" joe" na2 veko" ga: ta" kyo" ra". – Yao" mao: nhaung: nhae ho' mae" ngo" yaug re khyin: thug' yu yang: Pharaoh jhao" jhui" ye" ra". –3 Pharaoh re: naonhaung" pe" ja: zaui: zo: mung ve, mo, ngaid ko" i"? ga: myid' au: yao: bam wa asang: jeim qe ngonhaung" wa phug' phyid' qe: ta mae" yao zam: zo:4 mo, ngaid: ga: re:. – Khanain: mang: mae bao" khug' gyo" mung: nung: yao gyo, zo: jao: majo; ra" mathao mae asang: jeim qe ce: mang: mae khug ngha nae" ein: li" ru ngaid: . Ai mung: asang: jeim qe re Goshen: jo, qo mae na nae" tau: akhang" byid: la, ga:5 mho' vhao" ko" ra". – Pharaoh jhaung zug: re: ni" pho" we' ni" mao: bam wa nao jhao"6 joe" li" veko" ru mung: . – Egutu mang: wa nao mae jo; ra". Ni" pho" we' ni" mao: bam re gai: thao" ra" Goshen: jo, qo mae na nhao wa, Yao: bam mae qam: o: bo: mo, daqhae: re the' myao: ngaid: re nga" nung: yao zam: au: she jo, qo mae nha wa, ga: Yoseb re mho: ra".7 Yoseb wa yao: pho" Yaku' re vhao" mung: Pharaoh qhid' kheim: mae ye; jo,8 mung: Pharaoh re min byid' ra". – Pharaoh wa nao kao khonho" zin ngaid va" i"? ga:9 Yaku' re myid: lao". – Ngo bang" vo za: boe" lhang" qin" ra" zin na wa dayo: sam xe zin ngaid va". Ngo kao daui: ru nang: mung: qug: khai: myo: laug: ra". Bang" vo boe" lhang" qin" ra" phug' pho" qe kao daui: na: ru re mamyhi ga: mho yang: . –10 Pharaoh jhaung zug: re min gam jhaung: byid: mung: yao: jhao" mae" thug' lo" ra". –11 Pharaoh jhaung zug: mho: ru we' daru: za: Yoseb wa yao: pho" we' yao: mao: bam re Egutu mang: mae gai: thao" ra" jo, qo Ramse: myid gaung sang nae" byid' ra". –12 Yao: pho" we' yao: mao: nhae ho' we' yham byu alhab' myo" ru nang" ru re qu" yang: khau: ra".13 Damang" geim" mae bao" khug' khug' yang: zo: pho: majo, mung: Egutu mang: we' Khanain: mang: wa qam: o: nang" lo"14 ko" ra". – Mang: byu qe vai ko" ra" gaug zo: aphug' Egutu mang: Khanain: mang: mae" qo" ra" ngaui re zhang: yu mung: jhaung zug' yham mae tai: qaung" to"15 ra". – Egutu mang: . Khanain: mang: mae ngaui gain lao" Egutu mang: byu qe wa Yoseb jhao" li" mung: zo: nae" zao: kho gae byid: la, ngonhaung" wa ngaui gain yang: ni" qhid' kheim: mae pe" mung: shid zai16 i"? ga: ta" ko" ra". – Ailao" Yoseb wa naon- haung" ngaui gain gelao" wa gug' nyhug' byid: gela, gug' nyhug' jham: aphug' gaug17 re byid: nae" ga: ta" ru we' dakhyo: . – Yao: bam wa gug' nyhug' jham yu: li" ko" mung: Yoseb wa myao: yao , nung: jaung jham:18 tau: gaug gae byid: yang: khau: ra". – Ai: zin thao" mung: shid' zin mae yao: bam dam: li" ko" re asang we" ngonhaung" gain va" ein: ru dang dang yao: va". Ngonhaung" gug' nyhug' jham re re: asang qo" yu va". AsAng: myo, qao: tae mae ngonhaung" yao" gaung we' ngonhaung" sang: ra" myid gaung mae" jain" yang: getau maqo"19 lo: . – AsAng: myo, myao mae ngonhaung" shid: gain mung: mang: din" byo; baui" lo" zai i"? gaug gae byid' ra" khyo" yang ngonhaung" myid gaung re vai wa, ngon- haung" wa myid gaung we' daga" Pharaoh zug' jeim doe; bam naeva". Ngonhaung" mashid: lo: qo" daui: na nae" re: mang: din" cae: jhug tag maboe" nae" re: ngon- haung" re gaug myug: byid: la, ga: mho'20 ko" lao". – Yoseb wa Egutu mang: mae" myid gaung alhab' re Pharaoh tau: vai: yu: ra". Bao" khug' khug' mung: Egutu byu qe khoru: maba: kaid' lo: yang: yao: yaug yao" myid gaung cug' re aung: gemung: myid gaung cug' jham wa Pharaoh zug' jo, nho"21 boe" ra". – Mang: byu qe kam" wa Egutu mang: dajheim mae" mo, re getau dajheim khyo mae" vogaung: khyo pyaung" nha:22 pye' ra". – Khin jaung jham sang: ra" myid gaung cug' jham re kam" mavai ngaid: ra". Yao: bam wa Pharaoh jhaung zug: byid: zho" ru zo: yang: yao: bam sang: myid23 gaung cug' re ma-aung: ko". – Yoseb re: naonhaung" we' naonhaung" myid gaung cug' re ana" ngo vai va". Amyug: ashi: re yu: lo" mung: yo thaung: phaug' ge, ' –24 Qhovo: jham yu: ra" au: ngo" bam mae" dabam wa Pharaoh re qhaug' ge,. Byid bam re yu mung: dam: qho: ge,. Dang: gu: naonhaung" we' naonhaung" yham byu qe zo: nae" tau: we' zoshao qe re khau: qhi: ge, ga: mang: byu jham re mho:25 ra". – Yao: bam re: asang wa ngonhaung" kao re khyi: yu byid: va". Nhag' myain" ra" myid we' qu" gam shi: la, . Ngonhaung" wa Pharaoh zug' jeim ngaid: bam va" ga:26 mho ko" ra". – Ai: mathao mae ngo" bam mae" dabam wa Pharaoh khyui zo: veshao: ga: ana" ba joe" sho' Egutu mang: mae jo; ra" tarha" wa Yoseb to: co' ru ngaid: ra". Khin jaung jham: myid gaung cug' re za:27 Pharaoh masang: ru ngaid: ra". – Israel byumyu" qe wa Goshen: jo, qo mae na: gemung: na: gai: lo: ru we' gyai myo" laug:28 lo ko" ra". – Yaku' wa Egutu mang: mae daxe: nhaid' zin ye: na yang: yao: daui: na: ru wa dayo: byid xe: nhaid' zin ngaid: ra". –29 Ana" Israel wa shid nae" jhao" li" re yao: zo: Yoseb re khai: yu mung: ngo re nhag' myain" ngaid: re ni" lo, nga" paungsin gyo: mae le, wa, ngo re dao: so: byid: la,. Egutu mang: mae ngo re danyhab'. Ngo wa phug'30 pho" qe we' daga" yab nug: ra".– Egutu mang: mae" yu: lo" mung: phug' pho" qe: lab mae nyhab' wa, ga: mho: ra". Yoseb re: pho" mho: ru we'dakhyo: ngo kaid' naeva" ga: khae: yu: ra".31 Ngo re jham tang: wa, ga: dam: ta" lao" jham tang" ra". Israel re: yab jaung: au: shaid' khyo goe; pa" ra".