1 Ailao" Israel wa yao: qo" ra" alhab' we' daga" to" ye" lo" mung: Berasheba' jo, qo mae joe" re , yao: pho" Isag Mo"so re2 xeim: ngaui" ru re kaid' ra". – Mo"so wa myi" re lamyhung" mae Yaku'. Yaku' ga: khai: re ngo na: wo" AsAng we" ga: tau"3 ke' ra". – Mo"so re: Ngo wa Mo"so ngaid: . Ni" pho" Mo"so ngaid: . Egutu mang: khyo gyo" ye: nae" damyid: ci". Ngo wa ai: mang: mae nao re byumyu" qi: boe" nhao4 nae". – Egutu mang: khyo nao we' daga" Ngo ye: nae". Ngo nao re dalhang dam: jhui: shi: nae". Yoseb wa ni" nga: lao: mae5 yao" lo, kai: byid' li" nae". – Ailao" Yaku' wa Berasheba' mae" to" mung: yao: jui: nae" Pharaoh byid' ke' ra" lhin" mae Israel zo: qe wa yao: pho" we' mung: myi: zo:6 qe re jhui: mung: . – Khanain: mang: mae" qo" ra" gug' nyhug' jham we' jo, nho" jham re vin mung: Egutu mang: khyo gyo" ye"7 lo" ko" ra". – Yaku' wa yao: we' mung: zo: myid: ga" ra" yao" amyu" anyaug alhab' re Egutu mang: khyo jhui" byaung" gyo" ye" lo" ra".8 Egutu mang: ye: joe" ra" Israel zo: qe: mang wa Yaku' we' yao" zo: qe wa –9 yao: zo: zoqhid' Rubin: , Rubin: yao: zo: qe Hanug' , Phalu , Hezarung: , Kami , –10 Simun: zo: qe: Yemui:la, Yamin: , O"haid'. Yakhin: , Zoha: , Khanain: myiqe: myhi"11 yao: zo: Shola, . – Levi zo: qe Gerashung: ,12 Kohad', Merari' . – Yuda zo: qe Era', O"nain: , Shela, we' Phared'. Zara' ai jham mae" Era' we' O"nain wa Khanain: mang: mae shid veko". Phared' yao: zo: Heza-13 rung: we' Hamula, – Iskha" zo: qe Tola'.14 Phava: . Yoba' Shimarung: , – Zabulun"15 yao: zo: qe Sered'. Elung: , Yalela, . – Ce jham wa Yaku' yham sang myhi" Lea wa Padain:Aram: mae khau: ra" mo, ngaid ko" ra". Yao: zo: myiqe: zo: Dina: we'16 re sam xe: sam yaug. – Gaid' yao: zo: qe Zephon: , Hagei: , Shuni: , Ezabung: ,17 Eri'. Arodi ' Areli ' – Asha" yao: zo: qe Yimana', Ishva: , Isui: , Bereya' yao: nhae: mo" Zhera' ngaid ko" ra". Bereya' yao: zo:18 Heba: we' Malace:la, . – Cegu: wa La: Bain: wa yao: zo: Lea mae ke' byid' ra" Yaku' yao: myi: Zilapa' kham: mae" ngaid mung: alhab' re daxe: khyaug' yaug. –19 Yaku' yham sang myhi" Rakhela' zo: qe20 wa Yoseb we' Benyamin: . – Egutu mang: mae O"na' vo mae" khin jaung Poti-phera' yao: zo: Asnaid' mae Yoseb qo" ra" zo: qe- Manashe: we' Ephrim:.21 Benyamin: zo: qe Bela, , Bekha: , Ashabala, Gera', Ne Main: , Ehi , Rosha'.22 Mupin: , Arada: . – Cejham wa Yaku' yao: myi: Rakhela' myhung: ra" mo, ngaid ko"23 ra". Alhab' re daxe: byid yaug . – Dain"24 yao: zo: wa Hushim: ngaid: ra". – Nabtha- li yao: zo: qe wa Yazela, Guni'. Yeza:25 'Shilin: – Ce: gu: wa La: Bain: wa yao: zo: Rakhela' re byid' vhao cao Yaku' yao: myi: Bilha: zo: qe ngaid: ra". Alhab' re nhaid'26 yaug . – Yaku' dau mo" jham re mabo: nghe' re Yaku' phyid' dam: mae" gyo" mo, yao: we' daga" Egutu mang: khyo byaung" ye: mo, alhab' re khyaug' xe: khyaug'27 ngaid ko" ra". – Egutu mang: mae" Yoseb qo" to" ra" zo: shid' yaug ngaid: ra". Egutu mang: joe" ra" Yaku' amyu" nyaug alhab'28 re nhaid' xe yaug ngaid: ra". – Goshen: jo, qo re jhui" shid' nae" tau: Yoseb jhao" Yuda re qhid' khyo nhao: ke' ra". Yao: bam re Goshen: jo, qo khyo joe" ye: ko" ra".29 Yoseb lhin" nyhang" seim" mung: yao: pho" re yetug: yu nae" ga: Goshen: jo, qo khyo do, lo" mung: yao: pho" jhao" joe" lao" yao: pho" lang zang: mae ge; vo; ci30 yang: myao" sho' yao: ngug: ra". – Israel re: ana" ngo shid qe re: gai va". Ni" myo, khung: re ngo the' myao va". Nao kao adaui: na shi" nhaung ga: Yoseb re mho:31 ra". – Yoseb re: ngo Pharaoh jhao" lo" shi: nae". Khanain: mae na: ra" nga" mao: bam ' nga" pho" yham byu qe wa ngo jhao" joe" na veko".32 – Yao: bam wa yao zam: zo: mo, ngaid ko" ra". Nung: yao myhung khau mo, ngaid ko" ra". Yao: bam wa nung: yao we' qo" ra" gu: alhab' re pyaung" joe" li" veko"33 ra" ein: ye: ta" kyo: nae". – Thao phyao: naonhaung" re Pharaoh wa khai: yu mung: naonhaung" pe" kaid' zo: ko" ga: myid' li"34 re – Ni" jeim jham ngonhaung" wa phug' phyid' qe we' daga" ngaid: ra" ayo, mae" ru ana" joe" aung nung: yao myhung mo, ngaid: ein: ta" ge, . Airu: ngaid: re Goshen: jo, qo mae na nae" akhang" qo" genae". Yao zam: zo: mo, re Egutu byu qe wa ca' ako" ga: yao: mao: bam ' yao: pho" we' yham byu qe re mho" shid' ra".