1 Khanain: mang: mae bao" khug' gyo"2 mung: gaug zo majo, mung: . – Egutu mang: mae" vai: lo: ra" gaug zo" gain: bin lao" nyhao: nhaung" zo: nae" gaug ye: dam:3 vai: lo ge, ga: yao: pho" mho: ra". – Airu: mung: Yuda wa ai: yaug wa ngonhaung" re kyaug' nhin" yang: naonhaung" yao: nhaung: mabo: li" re nga" myo, khung: re the' myao lo: genae" mangaid: ga: ta" to"4 ra". – Nga" nhaung: re bo: nhao: ngaid: re5 ' nga" pho" zo: zai ye: vai: lo nae". – Nga" nhaung: mabo: nhao re wa maye: lo: khoru: ein: re ai: yaug wa ni" nhaung: mabo: li" re nga" myo, khung: re mamyao genae" ga: mho: to" ra" ga: yao: pho" re dam: mho:6 ra". – Ailao" Israel wa naonhaung" mae yao: nhaung: na shi" ein: ai: yaug re cao" ta" kyo: ko" ru: yang ngo re pe" mung:7 yhin" ko" i"? ga: mho: re – ailao" yao: bam wa ai: yaug wa ngo nhae ho' akhyo re jid' jid' naug naug myid' lo: ru wa, naon- haung" yao: pho" kao daui: na shi" i"? yao: nhaung: bo shiko" i"? ga: myid' lo: ra" au: ngonhaung" wa dao: myid: re cao" mung: dam: ta" kyo" ru ngaid: . Naonhaung: jhui" li" ge, ga: mho nae" ru khoyaug ba nae" i"?8 ga: dam: phaug' tau: ko" ra". – Yuda re: zoshao re ngo we' nhao: ke' la, airu: ngaid lao" nao pho" re: ngonhaung" we' zo: dau qe re: mashid lo: kao qo" xo' daui: na nae"9 khyo: ngonhaung" to" ye" lo" nae". – Ngo wa yao" ama, kham: yaug ngaid shao: ngo yao: pho" jhao" yao: re madam: jhui" lo ngaid: re yao" xao au: ngo jhao" mho' la, . Mathao" magain: qobo phau: veshao: . –10 Ce qhi" mamyao" na ngaid: re: dam: ye: qo" lhang" lo yo, ngaid va" ga: yao: pho"11 Israel re mho: ra". – Yao: pho" Israel re: airu: ngaid lao" wa ceru: kaid' ge, yao: re jhaung qhu" byid: nae" tau: naonhaung" thaung nhaid' mae Khanain: mang: mae Balasam: gyid: dajhid' , byo: yhid dajhid' , sheim nae pyo" ra" sag' xau , Mu:ra: xau , Batain: jid' , Lashe' shi: jham re yu: vin:12 ye: ge, . – Naonhaung" lo, mae ngaui shid' bam re re: yu: ci ge, naonhaung" thaung mae bo: lo: ra" ngaui re re: ci: ye: ge, mabeim: maso: bo: ke' ke' ru ngaid ang:13 ra". – Naonhaung" yao: nhaung: re re: jhui: mung: yao: jhao" dalhang dam: ye:14 ge, . – Naonhaung" mao: nhaung: dayaug we' Benyamin: re ai: yaug naonhaung" re dam: nhao byid: nae" wa kheim: so' qi" ra" Mo"so wa byid: veshao: wo". Ngaid qere: ngo wa zoshao tao byaug: re byaug veshao: ga: yao: zo: tao ho' re mho: ru we'15 dakhyo: , – yao: bam wa jhaung qhu" re re: yao: yao" lo, mae ngaui shid' bam re re: Benyamin: re re: jhui: mung: Egutu mang: khyo to" ye: mung: Yoseb qhid' kheim: mae yena ko" ra".16 Yao: bam we' daga" Benyamin: bo: li" ru re Yoseb the' myao yang: yao" jo, nho" zam: yaug re khai: yu mung: ce bam re yham khyo jhui" lo" wa, . Ana" ba ngo ce bam we' na" zao: daga" zo: nae" zoxeim: gug' nyhug' se' mung: lo" nyhang" wa, ga:17 ta" ru we' dakhyo: . – jo, nho" zam: yaug wa lo" nyhang" mung: yao: bam re Yoseb18 yham khyo jhui" lo" ra". – Ai re" ru: jhui" lo" ra" au: yao: bam wa ngonhaung" thaung mae azhao: lhang dam: byid' ke' va" ngaui: mathao mae khai: vhao" va" ra". Yao: pyi qho: li" nae". Ai qobo: yang nyhao: nhaung" re jeim toe' mung: myao: jham re re: sham"19 yu: li" nae" ga: jho" ta" yang: .– Yoseb jo, nho" zam: yaug jhao" qui" te' ye: mung: kham: dung: nhae mae yao: re mho ko"20 ru wa , – AsAng we" azhao: lhang re: zo:21 shaug' vai li" ru dang dang ngaid: . – Jomu dalam: mae joe" mung: thaung jham re phung" qu" ra" au: , yao: yaug yao" thaung mae bo: lo nhaung: ngaui ana" dam: ci: li" bam va".22 Ana" re: zo: nam vai nae" tau: ngaui getau dam: ci: li" va". Ngaui ai: ru ngon- haung" thaung mae khag' ke' byid' ke' ko" laug ngonhaung" maba ga: mho ko" ra". –23 Jo, nho" zam: yaug wa naonhaung" yaug yo za: na ge, dagaung yug ge, naonhaung" Mo"so naonhaung" yao: pho" Mo"so wa naonhaung" thaung mae jo, nho" cao" byid' ru ngaid: ra". Naonhaung" ngaui ngo the' yu va" ga: mho yang: Simun: re yao: bam jhao" mae phung" thug' byid'24 ra". – Jo, nho" zam: yaug wa yham mae yao: bam re jhui" vhao" yu yang: qid sheim byid: mung: yao: bam khyid lo, cid' ko" ra". Myao: jham re re: myao: zo zho: byid'25 ra". – Na" gaung joe" lo lao" yao: bam wa jhaung qhu" jham re nyhang" mung: Yoseb lo nae" ru lao" na ko" ra". Yao: bam wa ai: yham mae zo: shaug' qhug' zo: nae" ru re:26 the'gyo" ba ko" ra". – Ana" Yoseb yham khug khyo joe" vao lo lao". yao: bam vin: li" ra" jhaung qhu" jham re Yoseb jhao" ci:27 lo mung: goe; gam" pa" na ko" ra". – Yoseb wa yao: bam we' bang" bin: jho" se" mung: naonhaung" sao qhid' li" ta" ko" ra" naon- haung" yao: pho" qao" zin" na: ra" i"? kao28 daui: na shi" i"? ga: myid' re – yao: bam wa ni" jeim qe: yao: pho" qao" zin" na: , kao daui: na shi" ga: tau: mung: goe; gam" na:29 bam ko" ra". – Ai: thao Yoseb tau: qu" ke' re yao" yao: myhi" zo: thao". yao: nhaung: Benyamin: re myao lao" ceyaug wa qhid' phyao: naonhaung" ta" kyo: ko" naon- haung" yao: nhaung: ngaid: i"? ga: myid' ru we' nao re Mo"so nhag' myain: veshao: ga:30 mho: ra". – Yao: nhaung: co' xo' re myao lao" nhag' myid: khyag' yang: phyaid za: to" thug' lo" ra". Ngug nae" jo, qo qho: qu" yang: yab qe, khyo vao lo" mung: lo" ngug: na: ra".31 Myo, cid' mung: zang: qhao" yang: dam: thug' li" mung: zo: shaug' seim"32 nyhang" ge, ga: mho: ra". – Yoseb tau: dabo". yao: mao: nhae ho' tau: dabo". Yoseb we' zo" ra" mo, Egutu byu qe: tau: dabo" abo" bo" re nyhang" jaung ko" ra". Egutu byu qe wa Hebre" byu qe we' daga" magai: qhain: zo: ai: ru re Egutu byu qe33 ca' ko" ra". – Yao" mao: nhaung: qe wa qi: mae" ngai mae joe" sho' Yoseb qhid' kheim: mae zaung ko" ra". Yao: bam wa yao: cao: jho" zhaug' qu" mung: mug' hao" na ko"34 ra". – Yao" lo, khyo" dayaug we' dayaug re lhai byid' ra". Benyamin: qo" yu: ra" zo: pho: yao: mao: tao ho' tho' mae ngo" bun je: myo" ra". Yao: bam wa zo: shaug' mung: yao: we' daga" pyo: ko" ra".