Sao Peim-45

(SHAO GYANG" JHAM: PAUG' )

切换到福音影视网-新版圣经

  • 1 Ai: au: Yoseb wa yao: we'daga" na mo; qhid' kheim: mae nhag' myid maqo" zang: qhao" lo: mung: byu qe alhab' thug' lo" ge, ga: zag: hug' ke' ra". Yoseb wa yao: mao: yao: nhaung: bam re yao: khag' ngaid: ru ta" kyo" ra" au: getau: byu qe dayaug re:
  • 2 mana ko" ngaid: ra". – Ailao" Yoseb gyi: ngug mung: Egutu byu qe re: . Pharaoh
  • 3 yham mae" mo,re: the'gyo: ko" ra". – Yao: mao: tao ho're re: . ngo wa Yoseb ngaid: . Nga" pho" kao daui: na shi" i"? ga: mho: ra". Yao: mao: tao ho' wa dao: dakheim: re: majhau mug' hao" byaug ko" ra". –
  • 4 Yoseb wa ngo jhao" qui" te' lo geri: ga: yao: mao: bam re ta" lao" yao: bam wa anhae khyo qui" zang" lo ko" ra". Yao: re: ngo wa naonhaung" Egutu mang: khyo aung" ke' ko" naonhaung" yao: nhaung:
  • 5 ngaid va". – Ngaid qere: , naonhaung" ngo re ce: mang: khyo aung" ke' ra" mathao mae pe" myid damyo: ge, yao: yao: re re: nhag' dagyid'ge, khoru: ein: re- Mo"so wa byu: kao khyi nae" tau: naonhaung"
  • 6 qhid' khyo ngo re nhao: ke' va". – Myid gye, mae bao" khug' khug' ru shid' zin shi" angaid: . Taung yo yo thaung: maqo" gai: kaid'nae" we'gaug yaid: ru majo, nae" ngo"
  • 7 zin bo shi". – Mo"so wa naonhaung" re myid mae na: dang nae" tau: qi" thao" ra" khyaid' khyi: yu: khyo" yang naonhaung" kao loe, nae" tau: naonhaung" qhid' au:
  • 8 khyo ngo re nhao: ke' venhaung: . – Airu: mung: naonhaung" wa ngo re ce: mang: khyo nhao: ke' ru mangaid: . Mo"so nhao: ke'ru angaid: . Ngo re Pharaoh yao: pho" boe" nae" re: yao" yham ug nae" we' Egutu mang: geim" asang boe" nae" khyin: nha: to: va".
  • 9 Ana" phyaid phyaid nga" pho" jhao" to" do, lo" ge, . Nga" pho" re re: ni" zo: Yoseb ceru: ga: mho: ke' ra". Mo"so wa ngo re Egutu damang" geim" asang boe" nhao va". Mathang: nai" na lo: ngo jhao" gyo" li" wa,
  • 10 ein: lo" ta" ge, . – Nao pho" re: Goshen: jo, qo mae li" na zai ngaid: ra". Nga" anhae mae na ca" nae". Pho" mae" mung: zo: myid: qe: gug'nyhug' jham alhab'ngaid
  • 11 ca" nae". – Ai: jo, qo mae ngo lham: khau nae". Airu: mangaid: re pho" we' yham byu alhab' sho: jhin: ru phau: genae". Bao" khug' khug' nae" ngo" zin ngaid shi" ga"
  • 12 ein: lo" ta" kyo: ge, . – Ngo naonhaung" we' jho" qhug' jhau: ru re naonhaung" yao: myao va". Nga" nhaung: Benyamin:
  • 13 re: myao gau ngaid va". – Egutu mang: mae ngo qo" ra" jo, nho" dai kham mae" da du naonhaung" the' myao: ra" gu: alhab' re nga" pho" re lo" zhao: kyo: ca" genae". Hin hin do, lo" mung: nga" pho" re ce: mang: khyo jhui" gyo" li" ge, ga: mho yang: . –
  • 14 Benyamin: lang zang: re ge; vo; mung: ngug: ra". Benyamin: re: ge; vo; ngug:
  • 15 ra". – Yao: mao: bam alhab' re re: bobaug baug yang: yao: bam we' daga" ngug: ako". Ai: thao yao: mao: yao: nhaung: bam wa yao: we' jho" jhau ko" ra".
  • 16 Yoseb; yao: mao: nhae ho' joe" li" ko" ga" ru re Pharaoh yham mae" agyi khaung: mhao: jham gyai gyo" ngaui bau: ko" ra". –
  • 17 Pharaoh jhaung zug: re: Yoseb re khai: yu mung: ni" mao: nhaung: bam re ceru: ein: khyo shid' wa, , naonhaung" myao: jham re qo seim" vhin yang: Khanain: khyo
  • 18 shi" do, lo" ge, . – Naonhaung" yao: pho" we' yham byu alhab' re jhui: mung: ngo jhao" dam: gyo" li" geri: . Egutu mang: mae na gai gaug qo" ru ngo naonhaung" re byid: mung: ce: mang: mae" myid jin" xau thaung: naonhaung" the' zo: genae". –
  • 19 Ana" ngo naonhaung" re mho: ru we' dakhyo: . naonhaung" myi: zo: tau: Egutu mang: mae" lhin" yu: lo" mung: naon- haung" yao: pho" re jhui" gyo" li" ge, . –
  • 20 Naonhaung" jo, nho" re da-o: byid ge, Egutu mang: mae" na gai gaug qo" ru wa naonhaung" jo, nho" ngaid va" ga: mho: ru we' dakhyo: .
  • 21 Israel yao: zo: kaid' mung: Yoseb wa lhin" jham re re: khyo le; mae" zao: kho re
  • 22 re: gae byid' ra". – Yao: mao: bam alhab' re re: mai tha" bau: tha" byid' ra". Benya- min: re re: ngaui sam yo kye'we'mai tha" bau: tha" ngo" zung laung: byid' ra". –
  • 23 Yao: pho" re re: Egutu mang: mae" zai yo agai vin nae" myao: daxe dau: khyo mae zo: shaug' nae" gaugcin main" we' zo: pho: jham vin: ra" myao: daxe dau:
  • 24 byid' ke' ra". – Naonhaung" khyo le; mae myain" myo: sho: dashe ge, lhe" ga: pin mung: yao: mao: tao ho' re nhao: ke' ra".
  • 25 Yao: bam re: to" do, lo" ko" ra". – Ai re" ru: Egutu mang: mae" to" thug' do, lo" mung: Khanain: mang: yao: pho" Yaku'
  • 26 jhao" joe" lao". – Yoseb kao daui: na shi" ra". Egutu mang: geim" re ug: na: ra" ga: ta" kyo: ko" ru: yang Yaku' nhag' ngai: byaug: mung: yao: bam: dao: re malam"
  • 27 ngaid: ra". – Yao: bam re: Yoseb pyang: ke' ra" dao: re dam: ta" kyo: ko" ra". Yao: pho" wa Yoseb byid' ke' ra" yao: jui: nae" myao: lhin" re the' myao lao" nhag' myid qam:
  • 28 dam: qo" ra". – Israel re: ngaid va" wo" nga" zo: Yoseb na shi" ga". ngo mashid shi: re yao: jhao" gyo" ye: yang: ye: qhug' nae" ga: mho: ra".
回到本卷目录 回到本版本目录 回到首页