1 Ai: thao shid' zin lai: lo" au: Pharaoh jhaung zug' yab mo, mae the' myao: ru wa,2 yao: qid yae mae ye; jo; ra". – Gyai xau: yaung" ra" nung: jaung nhaid' dau: wa qid gyaung: mae" thug' li" mung: qid yae mae"3 mhin: qham zo: yang: na: na ko" ra". – Ai: nung: jaung jham: thao mae mayaung" ru we' ngaung: gyi" ra" nung: jaung nhaid' dau: qid gyaung: mae" thug' do, li" mung: sao qhid' mae" nung: jham: anhae dang" kam" dao mae li" ye; byaung" bam ko"4 ra". – Mayaung" ru we' ngaung: gyi" ra" nung: jaung jham wa yaung" mung: xau: ra" nung: jaung jham re myug: pye' ko" ra".5 Ailao" Pharaoh beim" so" ra". – Dam: yab mung: yab mo, dam: myao: ru wa gaug ce' qi: mung: mo: ra" gaug nhaid' nhae jham wa dagae mae za: thug' zaui: li" ko" ra" .6 Ai: thao mae ace' ngai mung: ba thug' shaid' mae" la: yang seim: lo" ra" gaug7 nhae nhaid' nhae yaug: jo, ko" ra". – Gaug ce' ngai: ra" gaug nhae nhaid' nhae jham wa ace' qi: mung: mo lho" ra" gaug nhae nhaid' nhae jham re myug: pye' ko" ra" ga: myao lao" Pharaoh wa so" li" mung: yab8 mo, ngaid: ru re ba: ra". – Ne, seim mae Pharaoh wa myid: gaung yug mung: Egutu mang: mae" boe, ba: phyid' mo, alhab' re khai: zhang: mung: yab mo, myao: ru re ta" kyo" ra". Ngaid qere: yab mo, lase" ba: pheim: ru dayaug re: mabo ko" ngaid: ra".9 Ailao" she, shaug' keim vo, agyi pho" wa ngo yao" qobo re ana" ba beim" ke'10 va". – Pharaoh wa ngo we' zag mo" agyi re nhag' yo: mung: gug: gam zug: pho" yham mae kyam: lhaung" to: ko" au: . –11 Nga" shid' zo: wa yao: yaug yao: we' tin" ra" lase" bo: ra" yab mo, re damyi mae za:12 yab mo, myao va". – Ngonhaung" phaung mae gug: gam zug: pho" jeim Hebre" byu dayaug bo: bo: . Ai: yaug re nga" shid' zo" yab mo, ta" kyo: mung: yao: wa yab13 mo, myao: ra" lase" re pheim: ra". – Yao: pheim: ra" lase" wa dang: ra". Ngo wa qhid' phyao: mae" aya: dam: qo" mung: zag mo" agyi: pho" kam" wa cui" lhao” ru qhug' ra" ga: ta" kyo" ra".14 Ailao" Pharaoh wa byu nhao: ke' mung: Yoseb re khai: yu: ra". Yoseb wa kyam: mae" phyaid za: qhug' loe, mung: nhaid' mug' qaug: ru , mai bau: tha" ve; ru bin lao"15 za: Pharaoh jhao" agai: vao: ra". – Pharaoh jhaung zug: wa ngo yab mo, myao: ra" lase" re khag' maba: pheim ko". Nao wa yab mo, lase" re ba: pheim: ra" sozo: du: mung: lase" ba: pheim: ra" ga: ru ngo the' gyo:16 va" ga: mho: ra". – Yoseb wa ngo re: ngo yao" nhag' myid sozo: khyo" ba: pheim: ru mangaid: . AsAng Mo"so wa Pharaoh re gai lho" aphyid byid: veshao: ga: mho: ra".17 Pharaoh wa ngo yab mo, the' myao: ru wa- qid gyaung: yae mae ye; jo; re . –18 Xau yaung" ra" nung: jaung nhaid' dau: qid gyaung: mae" thug' do, lo mung: qid yae mae yaug: ra" mhin: qham zo: yang: na19 ko" ra". – Ai jham: thao mae mayaung" ru we' ngaung" gyi" ra" nung: jaung nhaid' dau: wa thug' do, li" ko" ra". Ai qhi" yao: masaung" yaung" ra" nung: re Egutu mang:20 mae dalhang re: mamyao: qu" shi: . – Ai: mayaung" ru we' ngaung" gyi" ra" nung: nhaid' dau: wa sao qhid' mae" nung: nhaid'21 dau: re myug: pye' ko" ra". – Ai re" ru: myug: pye' thao re re: myug: pye' ru" ru mangaid: mung: khag' yang re: maba: qu" ko" ngaid: ra". Ai jham wa azhao: mae" ru" ru yao: angaung" gyi" jo; ako". Ai thao ngo22 beim" so" li". – Ngo dalhang yab mo, dam: myao: ru wa ace' qi: mung: mo lho" ra" gaug nhae nhaid' nhae wa dagae mae" za:23 yaug: thug' li" ko" ra". – Ai: thao mae" jhoe' nyhug' ru we' ace' ngai mung:, ba thug' shaid' mae" la: yang seim: byaug: gaug nhae nhaid' nhae dam: yaug: thug' li" ko" ra". –24 Ace' ngai: ra"gaug nhae jham wa lho" ra" gaug nhae nhaid' nhae re myug: pye' ko" ra". Ai: yab mo, re boe, ba: phyid' mo, re ta" kyo" re lase" khoyaug re: maqo" ba: pheim ko" ngaid: ra" ga: Yoseb re ta" kyo" ra".25 Yoseb re: Pharaoh jhaung zug: the' myao: ra" yab mo, wa daja: ngaid: ra". Mo"so nyhang" yaung: ra" mau" re Pharaoh26 re qhu" byid' ava". – Gai lho" ra" nung: jaung nhaid' dau: wa nhaid' zin ngaid: ra". Mo lho" ra" gaug nhae nhaid' nhae re: nhaid' zin ngaid: ra". Ai: yab mo, wa daja:27 dakhyo: za: ngaid: ra". – Ai: nung: jham: thao mae thug' li" ra" mayaung" ra" nung: jaung angaung: nhaid' dau: re: nhaid' zin ngaid: ra". Ba thug' shaid' la: yang seim: ra" gaug nhae nhaid' nhae re: bao" khug' khug'28 nae" nhaid' zin ngaid: ra". – Pharaoh jhaung zug: re ngo mho: kyo: nug: ru wa Mo"so kaid' nug: ra" mau" zo" re Pharaoh29 re qhu" byid' ava". – Egutu damang: geim" mae na gai gaug qo" nae" nhaid' zin ngaid:30 li" nae". – Ai: thao mae bao" khug' gyo" nae" nhaid' zin thug' li" mung: mang: geim" mae na gai gaug qo" ru baui" lo" mung: bao" khug' gyo" ru: yang damang"31 geim" byo, qeim: lo" li" nae". – Bao" khug' gyo" ru gyai qi: myao" nae" mathao: yang qhid' phyao: na gai gaug qo" ru pe" khu32 dung lo: nae" mangaid: . – Pharaoh dam: paug' myao: ra" yab mo, wa ai: mau" re Mo"so wa gang: tang nhao mung: phyaid33 zai" poe" nae" mung: ngaid: ra". – Airu: mung: nhag' gyang: juyi bo: byu re khyin: yu mung: Egutu mang: geim" dao mae34 qho: to: wa, . – Ai: khyin: nhao: to" ra" yaug re: , damang: geim" mae qu" gam caung au: she nhao mung: na gai gaug qo" ra" nhaid' zin geim" mae damang: geim" mae" ngo" bam mae" dabam gaug: zhang"35 to: veshao: . – Ai: yaug wa boe" lo nae" na gai: ra" nhaid' zin jham mae zao: kho alhab' re zhang: mung: Pharaoh jhaung zug: mae qaung" to: geshao: . Vo khao: ngo" mae36 re: zao: kho qaung" to: geshao: . – Airu: mung: Egutu mang: mae bao" khug' gyo" ru nhaid' zin joe" lo: au: mang: din" byu qe: tau: zao: kho la yang: qaung: to: mung: bao" khug' khug' ra" ayo, mae mang: din" mabyo, nae" ngaid: ga: Pharaoh jhaung zug: re ta" kyo" ra".37 Ai re" ru: Yoseb ta" kyo" ra" dao: re Pharaoh we' mang: byu alhab' mo, wa gyo"38 ngaui ko" mung: . – Ai mung: Pharaoh jhaung zug: wa Mo"so: shao gyang" Solo ba: ra" ce: yaug re" ru ngonhaung" khai: the' qhug' qho nae" i"? ga: yao" agyi we'39 mang: byu qe re mho: ra". – Yoseb re re: , Mo"so wa ce: mau" zo" alhab' re nao mae qhu" byid: va" ru mung: nao re" ru: juyi bo au: naug: sozo: du" ra" byu mana lo: . –40 Nao wa nga" yham ug: gam yaug boe" ca" nae". Ni" dao: we' dakhyo: nga" mang: byu alhab' re ug khang" nhao nae". Jhaung zug' la kin: yang za: ngo wa nao tho' je zai41 ngaid: ga: mho: ra". – Ai mung: Pharaoh wa qu" wa, Egutu damang" geim" re ug nae" ngo khang" to: va" ga: Yoseb; re mho:42 ru we' – yao" lo, mae soxam: ce' lo, pin: re khyaid' mung: Yoseb; lo, mae pin: byid' ra". Phug' de; ra" mai bau: re re: vhe' mung: lang zang: mae hhang lang ve, re vhe' byid:43 yang: . – Yao" thao mae" lhin" dao mae jui: nhao: ra". Goe; gam" yang: na ge, ga: qhid' au: khyo hug' lo" nhao: ra". Ai re" ru: Egutu44 damang" geim" re ug nhao: ra". – Pharaoh jhaung zug: wa ngo Pharaoh ngaid: , airu: mung: ni" kheim: so' we' mangaid: re , Egutu mang: mae khoyaug re: yao: yao" khyid lo, re qo" gai: tau genae" mangaid:45 ga: mho: ra". – Pharaoh jhaung zug: wa Zaphena' paneah' ga: Yoseb re mang mhang" byid: mung: O"na' vo mae khin jaung Pathin-phera' yao: zo: Asnaid' re yu46 byid' ra". – Yoseb wa Pharaoh mae" aya: qo" ra" au: yao" kao sam xe zin ngaid: ra". Pharaoh mae" thug' yang: Egutu damang:47 geim" mae cao" du" kam" ra". – Na gai: ra" nhaid' zin: geim" mae gaug zo maui: lam:48 gyai qo" ko" ra". – Nhaid' zin: aqho" Egutu mang: geim" mae qo" jo; ra" zao: kho re zhang: mung: vogaung: jham mae zhang" qaung" shaung: to" ra". Vogaung: lhang gam: yo thaung: jham mae" qo" ra" zao: kho re vo khao: ngo" mae zhang: qaung"49 to" ra". – Yoseb wa qid dae mae" ma coe nho" myo: laug: ra" gaug re zhang" yu: ra" , gaug matho' nghe' lo: sho' ngaid mung: manghe' lo: na: ra" .50 Bao" khug' majoe" shi: re Yoseb wa O"na' vo mae" khin jaung: yao: zo: Asnaid' kham: mae" yaug gai zo:qhid' yaug re khau51 myhung: ra". – Zo:qhid' yaug re Manashe: ga: mang mhang" byid' ra". Khoru: ga" re ngo thaung" qhug' ra" qug: khai: myaung: dug: ru we' nga" pho" yham byu qe re to" myhid' veshao: ga: Mo"so yang byid' ru va"52 ga: mho: ra". – Thao mae" yao: zo: re wa ngo masho: majhin qhug' ra" mang: mae" Mo"so ngo re na: jo, nhao va" ga: mung:53 Ephrim: ga: mhang" ra". – Ai: thao mae na gai gaug qo" ra" nhaid' zin wa gain: lo"54 byaug: ra". – Yoseb ta" to" ru we' dakhyo: bao" khug' wa qhid: li" na va" . Ai: ayo, mae mang: din" khao: ngo" mae bao" khug' khug' gengaid: yang re: Egutu mang: mae55 gaug zo jo; bam shi: ko" ra". – Ana" Egutu mang: geim" mae" mo, vae: moe; ko" mung: yao: bam wa Pharaoh jhao" zag: yao: ta" ru we' dakhyo: Yoseb jhao" ye: mho' ge, yao: ta" ru we' dakhyo: cao" ge,56 ga: Egutu mang: byu qe re mho: ra". – Ai: bao" khug' wa myid gye, geim" bao" khug' gyo" ra" au: Yoseb wa gaug jhi jham phung" mung: Egutu mang: byu qe re aung: byid' ra". Egutu mang: mae bao" khug' wa je: qi"57 lo: na: ra". – Mang: din" khao: ngo" mae" re: gyai yao: boe" na mung: mang: khao: mang: ngo" mae" mo, wa gaug vai nae" ga: Egutu mang: Yoseb jhao" joe" li" ko" ra".