1 Ai: gu: boe" thao mae Egutu jhaung zug' yham mae shaug' keim vo, yaug we' zag mo" mo" yaug wa yao: shid' zo" jhaung2 zug: re zai" shaid' ko" ra". – Pharaoh jhaung zug: wa ai: zug: shid' yaug ngaid ko" ra" shaug' keim vo, yaug we' zag mo" kaid'3 tao re nhag' yo: mung: , – Yoseb laung" jo; ra" kyam: gug: gam zug: pho" yham mae4 lhaung" nha: to" ra". – Kyam: qu" gam zug: pho" wa yao: shid' zo: re Yoseb mae qhaug' to: mung: Yoseb wa yao: shid' zo: re qu" gam caung: ra". Yao: shid' zo: wa ga" go" zo: myao" sho' yhin" to" ru qhug' ko" ra". –5 Ai re" ru: kyam: laung" na ko" ra" Egutu jhaung zug' shaug' keim vo, yaug we' zag mo" mo" shid' zo: wa yao: yaug yao: we' tin" ra" lase" bo: ra" yab mo, damyi: khug.6 mae za: getau tau: ru myao ko" ra". – Ne, seim mae Yoseb wa yao: shid' zo: jhao" vao lo" qu" au: myo, nho sham ko" ru re myao7 lao" , – Ni" shid' zo: ana" ne, pe" ru: mung: myo, nho mayaung" ko" i"? ga: yao" asang: yham mae yao: we' daga" laung" jo; ra" Pharaoh jhaung zug' khaung: mhao: tao re8 myid' ra". – Yao: shid' zo: wa nga" shid' zo: yab mo, mo; myao va". Lase" ba: pheim: ra" byu mana ko" ga: mho ko" ra" , Yoseb wa yab mo, lase" re Mo"so sang: ra" mangaid: i"? Airu: mung: ni" shid' tao: yab mo, ngo re ta" kyo: gela, ga: mho: ra".9 Ai: au: shaug' keim vo, yaug wa yao: myao: ra" yab mo, Yoseb re ta" kyo" ru wa ngo the' myao: ra" yab mo, mae nga" qhid'10 au: mae sabyi' naui jo; ra". – Ai: sabyi' naui mae ako' sam lam: ko' ra". Ai: ako' jham mae bin: bam: ru" ru bam" jo; ra". Abu" re: bu" ra". Ashi: re: a pau: pau: zaui" ra". Ashi: jham re: mhang" va" sabyi' shi: ngaid:11 ra". – Pharaoh jhaung zug' keim thaung: re vo; ci mung: ai sabyi' re phyo' yu yang: keim mae jhab' ke' mung: Pharaoh lo, mae12 ngo byid: va" ga: mho: ra". – Yoseb wa ni" yab mo, wa ako' sam ko' wa sam ba ngaid:13 ra". – Sam ba lai lao" Pharaoh wa ni" au: lam: myo, nho re yhe' mung: ni" aya: re dam: byid: mung: qhid' phyao: mae" shaug' keim vo, dam: boe" mung: Pharaoh jhaung zug: re shaug' keim malam: lai: vo, byid' na14 nae" myao: , – Nao na gai yaug yo: ru qo" lao" ngo re jeju phaug' la,. Pharaoh jhaung zug: qhid' kheim: mae nga" akhyo ta" kyo: mung: ce: yham mae" ngo re phoe' thug'15 yu la, . – Gai gai: yao: ngo re Hebre" mang: mae" khug' jhui" lo ko". Ce: mang: mae re: qobo maqo" ru kyam: mae lhaung" to: ko" ra" ga: mho: ra" .16 Ai: yab mo, lase" gai: ru re zag mo" mo" yaug myao: ba: lao" , ngo re: gyain aphyu sam gyain re ngo yao: vo; ci: ru re17 yab mo, myao: . – Adao mae" gyain khug mae Pharaoh zo: nae" tau: jho' nyho' va" zo: pho: aja: ja: bo mung: ngho' jham wa ngo vo; ci: ra" gyain khug mae" li" thoe" she zo" ko" ra" ga: Yoseb re ta" kyo" ra". –18 Yoseb wa ni" yab mo, lase" wa gyain sam19 gyain wa sam ba ga" ru ngaid: ra". – Sam ba lai thao Pharaoh jhaung zug: wa ni" au: re nao we' kao" pye' yang: sag' zang mae cui" lao” to: mung: ngho' jham wa ni" sho: re li" thoe" shao zo" li" genae" ga: pheim:20 kyo" ra". – Ai: thao sam ba lai lao" Pharaoh jhaung zug' khau ba na qui: yo, nge, ba na mae zin qug: yao" daui mung mo, re poe kaid' byid: mung: zho: jhaug' ra" au: mae shaug' keim vo, agyi we' zag mo" mo" agyi:21 au: re phoe' thug' qhu" mung: . – Yoseb pheim: ra" lase" we' dakhyo: shaug' keim vo, yaug re qhid' phyao: mae" jo, qo mae shaug' keim dam: vo, nhao mung: Pharaoh re malam: lai: shaug' keim vo; dai" na:22 ra". – Zag mo" mo" agyi re kam" wa cui"23 lhao" pye' ra". – Ngaid qere: shaug' keim vo, yaug wa Yoseb re mathe' myid: beim: lo: to" myhid' pye' mung: na: ra".