1 Ishamela' jham wa Yoseb re jhui" lo" mung: Egutu mang: joe" lao". Egutu byu Pharaoh jhaung zug' kao zaung" su Pothi- pha, jhao" mae aung" to: co' ko" ra" .2 AsAng wa Yoseb we' daga" ngaid mung: yao: myid: nghae" ru we' dakhyo: boe" doe; ra". Egutu byu yao" asang: yham3 mae qhug' na: na: ra". – Yao: we' AsAng daga" ngaid mung: yao: zaui: so" ra" mau" zo" alhab' re aung doe, nhao: ru re yham4 sang re: the' myao: ba: ra". – Airu: mung: Yoseb wa yao" asang: qhid' kheim: mae myo, nho lu mung: zaui: zho" na: ra". Yao" asang re: yao: re ug' khug' sang kaid' nhao mung: zai yo alhab' yao" lo, mae qhaug' to"5 ra". – Ai re" ru: yham we' jo, nho" alhab' yao: re sang nhao: ra" ba mae" re AsAng wa Yoseb mae" mung: ai: Egutu amyu" yham re min byid: yang: qo" ra" min wa yham khug mae re: yo thaung: yo gug mae we' jo, nho" dai kham alhab' dao mae AsAng:6 jeju qo" yu: ra". – Yao: qo" ra" gu: alhab' re Yoseb: lo, mae qhaug' mung: yao: zo" ra" zo: nam mae" jain" yang: jo, nho" dai kham khonho" ngaid: ru re maba lo: ngaid: ra". Yoseb wa xam: mag: ru we' ave, yaung" ra" yaug ngaid: ra" .7 Ai: thao yao" asang: yao: myi: wa Yoseb re qu" o: nhag' myid bo: li" mung: ngo we'8 qhain" yab lang: ga: lhaung: ra". – Yoseb wa maqaid ngaid: ra". Nga" asang wa yham mae jo; ra" jo, nho" zai yo alhab' ngo re qhaug' to: va". Ngo jhao" mae pe" ja" jo,9 nho" jo; ru re yao: maba ngaid: ra". – Ce: yham mae" nga" tho' je: qi: ru mana. Nao mae" jain" yang: getau: gu: mae ngo re tam" kyo" nae" mangaid: . Nao wa nga" asang: yham sang myhi" angaid: re ceru" ra" makhyang: mashab: ra" mau" qi: re AsAng Mo"so: qhid' kheim: mae ngo khoru: gai:10 zai" shaid' nae" yha" ga: ta" ra". – Ai re" ru: yham sang myhi" ne, khao: ba khao: ngo" jhu" mhug' pyag' ngaid yang: re: . Yoseb yao" dao: re matae" gyo: , yao: we' qhain"11 yab nae" na nae" ru lha" pye' ra". – Dane; ne, mae Yoseb mau" kaid' nae" yham khug khyo vao lo" au: yham byu yaug gai dayaug12 re: mana: ra" au: mae , – yham sang: yao: myi: wa ngo we' daga" qhain" yab lang: ga: mho mung: Yoseb bau: re lham: zaui" ci: ra". Yoseb wa yao" bau: re to: co' mung: taung gaung khyo phao: thug' lo" ra" . –13 Ai re" ru: yao" lo, mae bau: to: co' mung: taung gaung khyo phao: thug' lo" ru re14 yao: myao lao" , – yham byu yaug gai qere khai mung: naonhaung" qu" qu" ge, nyhao: nhaung" re maphug' makhyaid' kaid' veshao: ga: asang wa ce: Hebre" byu re khai: vhao" to: co' venhaung. Yao: wa ngo we' daga" qhain" yab nae" tau: vao lo mung: ngo zag: gyi: hug' ke' ru ngaid: . –15 Ngo zag: gyi: hug' ke' lao" yao" bau: re to" myhid' co' mung: taung gaung khyo phao:16 thug' lo" ra" ga: ta" kyo" ra". – Yao" yham sang pho" joe" lo sho' ai: bau: re yao: mae17 ci: to" ra". – Yham sang pho" joe" lo: ra" au: nao jhui" vhao" nha: to: co' ra" Hebre" jeim pho" wa maphug' makhyaid' kaid'18 nae" ga: vao lo: ra". – Ngo wa qi: sho' gyi: hug' ke' lao" yao: wa yao" bau: re to" myhid' co' mung: taung gaung khyo phao:19 thug' lo" ra" ga: lham: ta" kyo" ra". – Ni" jeim pho" wa ngo mae ce ru" ru kaid' to" ra" ga: yham sang myhi" dao: re yham sang20 pho" the' gyo" re , – nhag' kyid kyid gyo" yo: mung: Yoseb re cam" yu mung: jhaung zug' yang lhaung" to" ra" mo, laung" jo; ra" kyam: khug mae bolhaung" to" ra". –21 Ngaid qere: AsAng wa yao: we' daga" ngaid mung: yao: re nhag' myain: yang: kyam: agyi pho" qhid' kheim: mae myo, nho lu22 nhao: ra". – Airu: mung: kyam: lhaug' agyi pho" wa kyam: mae lhaung" to" ra" mo, alhab' re Yoseb; lo, mae qhaug' byid'23 ra". – Ai: thao mae kyam: lhaug' agyi pho" wa kyam: khug: mau" zo" alhab' re maqu" ca" lo: ngaid: ra". Khoru: ein: re AsAng wa Yoseb we' daga" ngaid mung: yao: zaui: so" ra" mau" zo" alhab' re aung doe, nhao: ra".