1 Yaku' wa yao: pho" khug ngha: ra"2 Khanain: mang: mae na: na: ra". – Yaku' akaung: byu xag' mhomyi: wa Yoseb wa kao daxe: nhaid' zin ngaid: au: yao: mao: bam we' nung: yao jham bo: zam" ra". Yao: pho" yham sang myhi" Bilha: we' Zilapa yao: zo: qe we' daga" na mung: yao: bam zai" shaid' qobo re yao: pho" re ta" shid'3 kyo: kyo: kaid' ra". – Israel wa kao qi: thao Yoseb re khau mung: yao: getau qe re jhid' ra" tho' mae Yoseb re je: jhid' de; ra". Je: phug' de; ra" mai bau: ayaung" re4 khyab' vhe' ra". – Yao: pho" wa yao: zo: qe mae Yoseb re je: jhid' de; ru re yao: mao: nhae ho' ba gemung: yao: re manug nhung mung: dao: lao" majhau ko" ngaid: ra".5 Yoseb wa yab mo, myao: ru re yao: mao: nhae ho' re dam: ta" kyo" ra" mathao6 mae je: manug mung ko" ra". – Yao: mao: nhae ho' re yab mo, ta" kyo" ru wa ngo the' myao: ra" yab mo, re gyo" qu" ge, . –7 Ngo yo mae gaug myag: dang: mung: na: re nga" gaug dang: to" ye; li" mung: naonhaung" gaug dang: jham wa lhang" gam" lo mung: nga" gaug dang: re ceim" goe; pa" ko" ra" ein: myao: ga: mho: ra". –8 Yao: mao: bam wa nao ngonhaung" adao mae jhaung zug: boe" nae" ngaid: ra" i"? gai gai: yao: ngonhaung" re qo" ug nae" i"? ga: ta" mung: yao" yab mo, mathao je9 yang: manug: qu" ko" ngaid: ra". – Yab mo, dalhang dam: myao mung: yao: mao: bam re ngo yab mo, daja: dam: myao va". Ba , lho" we' kyi daxe: dace' ngo re goe; pa"10 ko" ra" ga: ta" kyo" ra". – Ai re" ru: yao: pho" we' yao: mao: bam re ta" kyo" re yao: pho" wa nao myao: ra" yab mo, wa pe" ru: khoru: ngaid: i"? ni" myhi" nga" shid' zo: we' ni" mao: bam re: gai gai: yao: ni" qhid' kheim: mae qo" goe; pa" zai wa ngaid: i"?11 ga: yao: re qeim: ra". – Yao: mao: nhae ho' wa yao: re qu" nghang: ko" ra". Yao: pho" kam" ai: ru re xam" to" ra".12 Yao: mao: nhae ho' wa yao: pho" gug' nyhug' jham zam" lhaug' nae" ga: shek-13 heim: khyo ye" lo" ko" ra". – Israel wa Yoseb re khai mung: ni" mao: nhae ho' wa caid'. yao jham re Shekhim: mae zam: ko" mangaid i"? li" wa nao re yao: bam na: khyo ngo nhao: ke' nae" ' khai: yao: ke'14 au: ngo ce mae na: ga: tau: lao". – Ailao" yao: pho" wa ye" lo" wa, ni" mao: nhae ho' qao" na ko" laug caid' , yao jham re: gai gai lho" lho" za: ngaid ko" laug yequ" mung: ngo re lo: ta" kyo: la, ga: pin yang: Hebron: lao: khaung: mae" nhao: ke' yang:15 yao: wa Shekhim: khyo joe" ye" ra". – Ai: seyo: din" mae su" lhang: qin" ra" au: byu dayaug we' qhug' mung: ai: yaug wa nao16 pe" qho: ga: myid: lao". – Nga" mao: nhae ho' re qho: , Khai: mae zam: ko" ra" i"? ta"17 kyo: la, ga: mho: re – Ai: yaug wa ce: jo, qo mae" byaung" lo" veko". Dodain: khyo ye" lo" gelang: ga: ta" thoe re ngo the' gyo" ke' ga: mho: ra". Yoseb re: yao: mao: nhae ho' re cao" qho mung: Dodain: vo mae ye:18 qhug' ra". – Yao: va: va: mae ngaid shi" au:19 yao: mao: nhae ho' the' myao lao". – Qu"20 ge, yab mo, myao yaug li" na: ava". – Ro" , yao: re se' mung: dung: gyain: dalam: lam: mae ke' pye' gelang: , ai mung: myang: kha: zoqhid: yang bin" se' nhaung ein: ta" gelang: . Airu: kaid' lao" yao" yab mo, pe" boe" li" ru re qu" gelang: ga: yao: cao:21 jho" ta" ko" ra". – Ai: dao: re Rubin: the' gyo: mung: yao: re mase' geshao: ga: mho mung: yao: bam: lo, mae" Yoseb re khyaid'22 yu: ra". – Dam: Rubin: wa yao: re sa: dazai" yhug' ge, yao: yao" lo; yang mazao" tin: lo: seyo mae" dung: gyain: khug khyo khyo" ke' gelang: ga: mho mung: yao: bam: lo, mae" Yoseb re lhoe' yu mung: yao: pho" jhao" dam: qhaug' byid: nae" ga: myid23 yang: mho: ra". – Yoseb; yao: mao: bam jhao" joe" ye" lo" au: yao: ve; ra" gekai: lai:24 bau: re khyaid' yu mung: , – yao: re zaui" she mung: dung: gyain: khug khyo khyo" lhaung" ke' ko" ra". Ai: dung: gyain: wa qid mabo yang: kyaug' ho: jo; ra" dung: gyain: ngaid: ra"25 Ai: thao zo zo: nae" ga: zaung: na: bam ko" au: qu" ke' re , Ishamela' amyu" mo, zhain dazhain Gilaid mang: khyo" li" mung: sheim nae ja: Balasam: gyid: , Mura: xau; jham re ma dae myao: dao mae vin yang: Egutu mang: khyo ye" lo" na ko" ru26 re the' myao lao". – Yuda yaug wa ngon- haung" wa nhaung: re se' mung: shid: ra" akhyo re zug' to" re pe" so' ha" nae" i"? –27 Ro" , ngonhaung" lo; yang yao: re mathe' tin: lo: za: Ishamela' qe re aung: byid' pye' gelang: , yao: wa ngonhaung" yao: nhaung: nyhao" amyu" ngaid: ra" mangaid: i"? ga: yao: mao: yao: nhaung: bam re mho lao"28 ai bam re: myid vang" ko" ra". – Ai: au: Midian: byumyu" gau mung myho" khyo" mo, su" lai: lo" ko" au: yao: mao: bam wa Yoseb re dung: gyain: mae" she: to' thug' yang: ngaui shid' xe kye' mae Ishamela' byu qe re aung: mung: ai bam wa Yoseb re Egutu mang: khyo jhui" ye" lo" ko" ra".29 Rubin: wa dung: gyain: khyo yequ" re dung: gyain: khug mae Yoseb mana lo" ru re myao lao" yao" bau: lao" caid' pye' yang: . –30 Yao: nhaung: bam na: ra" khyo lo mung: ana" zoshao mana lo: nhaung ngo khoru:31 kaid' zai i"? ga: mho: ra". – Ailao" yao: bam Yoseb bau: re yu mung: caid' nau" dadau:32 se' mung: bau: re sa: mae jam ko" ra". – Ai: thao mae gekai: lai: bau: qhang re byid' ke' mung: yao: pho" jhao" ci: lo yang: ce: bau: re ngonhaung" the' qhug' myao va". Ni" zo" bau: ngaid mangaid' ru qu" qu" wa, ga:33 mho ko" ra". – Yao: pho" wa bau: re ba: se" mung: nga" zo" bau: ngaid: ava". Yao: re myang kha: zoqhid bin: zo" pye' venhaung. Gai gai: yao: Yoseb re adau atam" bin" caid' zo" pye' venhaung wo" ga: ta" yang: . –34 Yao" bau: re lao" caid' lhaui" pye' mung: jid: mo" mai lao" yang" ci mung: ba na myao" sho' yao: kaug' myain" qhui thoe mung: na:35 ra". – Yao: zo: qe wa yao: re nhag' tang" nae" ga: zang" ye: gengaid yang: re: yao: wa nhag' tang" dao: re matae" gyo: lo: nga" zo: ye" lo" ra" movo: mug: khyo nhag' kaug' ngug byid we' cao" ye" lo" naeva" ga: mho: ra". Ai re" ru: Yoseb: yao: pho" wa yao: zo" mathao mae ngug yao" yao" zo" re" na:36 na: ra". – Ana" Midian: byu qe wa Yoseb re Egutu mang: khyo jhui" ye" lo" mung: Pharaoh jhaung zug' gug: gam zug: Phothi- pha re aung: byid: ko" ra" .