1 Yaku' wa yao" gyaung: khyo mae xo' su" ye" lo" na: au: Mo"so: mug: logyo: qe yao:2 re li" tug ko" ra". – Yaku' wa yao: bam re myao lao" ce: jo, qo wa Mo"so no: qo ngaid nhaung ga: yang: ai: jo, qo re Mahanim: ga:3 mang mhang" ra". – Ailao" yao: mao: Eso" na: ra Sira' jo, qo Edom: mang: khyo logyo: shi" saoqhid' nhao: ke' ra".4 Yao: bam re pin: ke' ru wa ni" jeim Yaku' ana" ne, ba joe" sho' La: Bain: jhao"5 mae khug ngha: na va".– Ngo mae nung: jaung , myao: , caid' yao, jeim pho" jeim myhi" jham na: bam veko". Ngo wa AsAng: qhid' kheim: nga: lho" nae" tau: pyang: ke' ra" ein: nga" asang Eso" re ta" kyo: ge, ga:6 pin: ke' ra". – Logyo: qe Yaku' jhao" dam: lo mung: ngonhaung" wa ni" mao: Eso" jhao" joe" ye: va". Yao: wa nao re li" tug nae" ga: byu byid yo we' li" na veko" ra" ga:7 lo: ta" kyo: ko" ra". – Airu: ga: lao" Yaku' wa gyai yao: gyo" gyaug mung: yao" thao mae" byu qe we' caid' yao nung: jaung ma dae myao: jham re shid' zhain kho' mung:8 nha: to" ra". – Khoru: ga" re dazhain re Eso" myao yang: li" lhaid' re dazhain loe; li"9 nae" ga: mho: ra". _ Yaku' wa phug' Abra- ham: Mo"so nga" pho" Isag Mo"so wa ni" mug: myid ni" sang: tin: qe na: ra" mang: khyo dam: lo" wa, ngo nao re na: gai nhao10 nae" ga: mho: ra" AsAng we" – Ni" jeim pho" re Nao ceim" qhu" byid' ra" jeju we' dao: so: alhab' mae dalam: re: khae: yu nae" mamain: qi". Ngo wa qhid' phyao: Yodain: gyaung: re lo, ci zaung: bao" we' za: gau" de; . Ana" kam" wa ngo mo, phaung shid'11 phaung boe" va". – Airu: mung: nga" mao: Eso" lo, mae" ngo re khyaid' yu la, ein: jhaung: mho' ra". Yao: joe" li" mung: ngo re re: nga" zo: ma: ho' re re: se' li" nae" ein:12 gyai sang: kho" ra". – Gai gai: yao: AsAng wa nao re na: gai nhao nae" ni" amyu" re qid dae mae" ma coe ru: myo: laug: nhao nae" ga: mho: to: va" ga: mho' ta" ra". –13 Damyi khyeim ai mae na: na mung: yao: qo" ra" jo, nho" dai kham mae" yao: mao: Eso" re jhaung qhu" byid: nae" tau: mae , –14 caid' zang shid' yo, caid' lo: shid' xe , yao15 mo" shid' yo , yao lo: shid' xe – yao: zo: jham we' daga" nug' jhab' ma dae myao: sam xe: , nung: jaung zang byid xe nung: jaung lo: daxe, myao: zang daxe we' myao:16 nau" daxe dau: re yu mung: – getau tau dazhain zhain khyin: kho' yang: o: kaung qe: lo, mae qhaug' byid: mung: nga" qhid' khyo gau" de; lo" mung: dazhain we' dazhain re getau tau kaid' ge, ga: o: kaung17 qe re pin: ke' ra". – Qhid' khyo su" ye" ra" yaug re nga" mao: Eso" we' qhug' re nao wa khoyaug: byu ngaid: i"? Khai: khyo ye: nae" i"? Ni" qhid' au: mae" gug' nyhug' jham wa khoyaug: gug' nyhug' ngaid: i"? ga: lham:18 myid' re , – asang: jeim pho" Yaku' jo, nho" ngaid: ra". AsAng Eso" re jhaung qhu" ga: byid' ke' ra" jhaung qhu" ngaid: ra". Yao: yao: re: thao mae cao" lo: na: ra" ein: ta"19 ge, ga: pin: ke' ra". – Ai re" ru: phung: shid' lam: mae" yaug re: , sam lam: mae" yaug re: phung: khao: ngo" mae" cao" ra" mo, re re: naonhaung" Eso" we' qhug' re ceru: ein: ta"20 ge, ga: pin: ke' ra". – Ni" jeim pho" Yaku' thao khyo ngaid shi" ein: ta" ge, ga: re: pin: ke' ra". Yaku' wa ana" nga" qhid' au: ci: ye: ko" ra" jhaung qhu" yang yao: re nhag' jo, yo nhao: li" nae". Yao: ngo we' jho" qhug' ra" au: ngo re lham: tug: yu: li" maba ga:21 myid: ra". – Ai re" ru: Yaku' qhid' au: mae jhaung qhu" jham qhid' kau" te' ke' mung: yao: wa ai: myi mo, thaui: we' daga" yab22 mung: thang: gyo" ra". – Ai: myi mug: mabo" shi: re to" mung: yao: zo" myhi" shid' zo: , vhao cao shid' zo: , yao: zo: daxe: dayaug re jhui: mung: Yabug' gyaung: qid po" ra" gau" gau" de; lo" ko" ra".23 Ai re" ru: yao: bam jhui: mung: yao" jo, nho" dai kham we' daga" qid gyaung:24 gau" de; bin lao" – Yaku' wa yao: dayaug za: na: thang: gyo" mung: byu dayaug wa mug: bo" myo, myao: li" sho' yao: we' jho"25 zhaug' ra". – Ai: yaug wa yao: ma aung: ru re ba yang: Yaku' re paung lain lain byid'26 au: mae she' jin" shai" lo" byaug: ra". – Ai: yaug re: ngo re lhag' ke' la, mug: bo" li" va" ra" ga: mho: re , Yaku' wa nao ngo re min mabyid: re malhag' ke' nae" ga: mho:27 ra". – Ai: yaug wa ni" mang khoru: mang: ga: myid' re Yaku' ga" ru ngaid: ga: dam:28 tau" ra". – Ailao" ai: yaug wa thao phyao: ni" mang re Yaku' ein: lo: zai mangaid: Israel ga: mhang" genae". Khoru: ein: re nao wa byu we' re: Mo"so we' re: zug: re" ru: mai qhi" mung: aung va" ra" ga: mho:29 ra". – Yaku' re: ni" mang re khoru: ga" ga: ngo re ta" kyo: la, ga: mho: re nga" mang re pe" myid' i"? ga: mho mung: min jhaung:30 byid' ra". – Ai: jo, qo re Yaku' wa Peniel ga: mhang" co' ra". Khoru: ein: re ngo wa Mo"so we' myo, hao: tae jho" qhug' ngaid31 yang: re: ngo mashid ga: mho: ra". – Peniel jo, qo mae" thug' lo: au: ba thug' va". Yao:32 wa khukaui kaui mung: su" lo: ra". – Ai re" ru: Yaku' paung daung: paung lain lain qhug' ra" mathao mae Israel amyu" qe wa paung daung: mae bo: ra" paung gyi: re ana" ne, joe" sho' mazo: ko" ngaid: ra" .