1 Ana" Yaku' su" ye" lo" mung: ba thug' shaid' byu qe: jo, qo khyo joe" ye" ra". –2 Yao: cao" lhang: qu" ke' re din: yo gyeim: mae qid thaung: dalam: re the' myao: ke' ra". Ai: qid thaung: mae yao jham re qid jhaug' ru ngaid mung: qid thaung: nhae mae yao zhain sam zhain ab' na ko" ra". Qid thaung: nhaid' mae laug pye: lu: yang3 nghoe' to: ko" ra". – Yao zam: mo, alhab' wa ai mae zang" lo mung: qid thaung: nhaid' mae nghoe' to" ra" laug pye: re tau: qhid' pye' mung: yao jham re qid lao: jhaug' bin lao" laug pye: re dam: tau: nghoe' nghoe'4 lhaung" kaid' ko" ra". – Yaku' wa mao: nhaung: qe we" naonhaung" kho mug: bao: ngaid ko" i"? ga: myid' re , ngonhaung" wa Harain: vogaung: mae" li" na mo, ngaid:5 ga: tau" ako". – Ailao" Yaku' wa Nahura" yao: zo: La: Bain: re maba ko" la, ga: myid:6 lao" ba: ra" ga: tau: ko" ra". – Yao: qao" zin" na: ra" i"? ga: dam: myid' ke' re qao" na: ra". Yao: zo: zomyi: Rakhela' yao jham we'7 daga" joe" li" nae" ga: ta" ko" ra". Yaku' wa ba qhang shi" ra". Yao jham keim" zhang: nae" ayo, mangaid: shi: , Yao jham re qid lao: jhaug' mung: ye: zam: shi: ge, ga: mho:8 ra". – Yao: bam re: yao zam: mo, zang" lo mung: qid thaung: nhaid' mae nghoe' to" ra" laug pye: re tau: qhid' pye' mung: za: yao jham re qid agai: lojhaug' ra". Airu: mangaid: re magai: lojhaug' ga: mho ko"9 ra". – Ai re" ru: jho" ta" na ko" au: Rakhela' wa yao: pho" yao jham re zaung" ru ngaid10 mung: yao jham keim" li" lo: ra". – Yaku' wa yao: phaung" La:bain" yao: zo: Rakhela' we' yao: phaung" La:bain" yao jham re myao lao" jhao" khyo qui" te' ye: mung: qid thaung: re nghoe' to" ra" laug pye: re tau: qhid' khyo" pye' yang: yao: phaung" La:bain" yao jham re qid lao: jhaug' ra". –11 Ai: thao Yaku' wa Rakhela' re bobaug baug:12 mung: qam: ke' gyi: ngug: ra". – Yao: wa Rakhela' yao: pho" yao: ug Rebedkha" yao: zo: ngaid: ru re ta" kyo: lao" Rakhela' wa tao" lo" mung: yao: pho" re lo" ta" shid' ra".13 La: Bain: wa yao: ug Yaku' akhyo the' gyo" lao" tug: yu nae" ga: hin hin ye" lo" mung: ye: ge; vo; ci mung: bobaug baug: ru we' yham khyo jhui" lo" ra". Yaku' re: yao"14 akhyo alhab' La: Bain: re ta" kyo" ra". – La: Bain: wa gai gai: yao: nao wa nga" sa: sho: yao: ngaid: ra" ga: mho: ra" .15 Yaku' wa lho" mo" dakhye' kho joe" na thao mae La: Bain: wa nao wa nga" ug ngaid: ra". Airu: mung: aje mae nhao zo" ru boe" ra". Ni" o: kaung phug' khonho"16 o: ngo re ta" la, ga: mho: ra". – Ai: au: La: Bain: mae zomyi: shid' yaug na ko" ra". Aqi: yaug Lea ga: mang: ra". Angai yaug17 wa Rakhela' ga: mang: ra". – Lea yaug wa myo, maqang: ngaid: ra". Rakhela' wa gaung khyao adau ga" ngaid: ru we' yaung"18 re: yaung" ra". – Yaku' wa Rakhela' re qu" o mung: La: Bain: re nga" phaung" yao: zo: angai yaug re the' yu nae" tau: nhaid' zin o: kaung vao byid: nae" ga: mho lao". –19 La: Bain: re: getau: su re byid: nae" tho' mae" nao re byid' re je: gai: ra". Ngo mo'20 we' daga" na se' ga: mho: ra". – Yaku' re: Rakhela' re qo" yu nae" tau: nhaid' zin o: kaung vao: ra". Rakhela' re jhid' de, yang: nhaid' zin ga" re myao" thoe magyo: ngaid: ra".21 Ana" jho" dang: to" ra" ba na ayo, joe" byang" va". Ana" nga" yham" sang myhi" yu naeva" , ngo re vhao" byid: la, se, ga: La:22 Bain: re mho: ra". – La: Bain: wa ai: tau mae byu alhab' re khai: zhang: mung: poe23 kaid" ra". – Myi" mug: caid' lao" La: Bain: wa yao: zo: Lea re Yaku' jhao" jhui" vhao"24 ke' ra". Yaku' re: yao: we' yab: ra". – La: Bain: wa yao" jeim myhi" Zilapa re Lea25 vhao cao boe" nae" tau: byid' ra". – Ne, kao mug: bo" li" lao" Yaku' li" qu" re Lea ngaid: ru re myao: ba yang: La: Bain: jhao" ye: mung: ngo re khoru: kaid' va" i"? Ngo wa Rakhela' re qo" yu sho' ein: nhaid' zin o: kaung vao va" mangaid: i"? ngo re pe" mung: apyag' asham" kaid: i"? ga: mho:26 ra". – La: Bain: wa ngonhaung" mang: mae yao: bai: re shi" matho' zo: re yao: nhaung:27 re magai: byid' ra" li jo; ra". – Ba na dadug no: byang" sho' lao" shi: wa, ai: thao nhaid' zin o: kaung vao lao" Rakhela' re re: nao re byid: nae" ga: mho: ru we' dakhyo: , –28 Yaku' re: myid vang" mung: nhaid' ba byang" lao" La: Bain: re: , yao: zo: Rakhela'29 re byid' ra". – Aimung: La: Bain: wa yao" jeim myhi" Bilha re vhao cao boe" nae"30 tau: nhae shug' shug' byid' ra". – Yaku' wa Rakhela' we' zam" mung: Lea re jhid' de; ra" tho' mae Rakhela' re je: jhid' de; ra". La: Bain: jhao" mae nhaid' zin o: kaung dam: vao: ra" .31 Ana" Lea re manug makhyaid' ko" ru qhug' na: ru re AsAng ba mung: zo: dau khau myhung nae" akhang" byid' ra". Rakhela' wa zo: makhau bug daung: boe"32 ra". – Lea wa gaung la" li" mung: zo: khau mung: Rubin: ga: mang mhang" byid' ra". Khoru: ein: re ngo masho: majhin thaung" qhug' na: ru re AsAng gai gai: the' myao venhaung. Ana" nga" yham sang pho" wa ngo re jhid' de; lo veshao: wo" ga: ta" ra". –33 Yao: wa shid' lhang ein: lhang gaung dam: la: mung: yaug gai zo: dam: khau: re ngo re manug makhyaid' qhug' ga" ru re nhag' myain" ru we' byid: va" ga: mung: Simun:34 ga: mang mhang" ra". – Dalhang gaung dam: la: mung: yaug gai zo: dam: khau: re nga" yham sang pho" re zoshao sam yaug khau byid' ra" mathao nga" yham sang pho" ngo we' dam: zam" li" nae" ga: mung: ai:35 zoshao re Levi' ga: mhang" ra". – Thao dalhang gaung dam: la: mung: yaug gai nau" dam: khau: re: AsAng re ngo caung: khin" nae" ga: mho mung: ai: zoshao re Yuda ga: mang mhang" ra". Ai: thao zo: makhau lo: dam: jo; ra" .