1
Ana" Rakhela' wa Yaku' re yao: zo: dau makhau byid' ra" mathao mae yao: bai: re nhung mung: ngo re zoshao khau nhao la, airu: mangaid: re ngo shid: byaug2
nae" ga: Yaku' re mho: ra". – Yaku' wa Rakhela' re nhag' yo: mung: ngo wa nao re ashi: mazaui: nhao: ra" Mo"so: gaung tha"3
ngaid: ra" i"? ga: tau" ra". – Rakhela' wa ngo mae vhao cao: Bilha: qo" ra". Nga" tao: kheim" mae yao: zoshao khau byid: mung: ngo re: yao: mae zoshao khau veshao: yao:4
we' zam" wa, ga: Yaku' re mho: ra". – Yao" vhao cao myhi" Bilha: re Yaku' yham sang myhi" boe" nae" tau: byid' ra". Yaku' re:5
ai: yaug jhao" vao: yab: ra". – Bilha: wa gaung la: mung: Yaku' tau: yaug gai nau"6
khau byid' ra". – Airu: mung: Rakhela' wa Mo"so nga" thao de, byid: va". Nga" dao: thoe re re: gyo: byid: mung: yaug gai nau" byid: va" ga: mho mung: ai: zoshao re7
Dain: ga: mang mhang" byid' ra". – Dam: dalhang Rakhela' vhao cao: myhi" Bilha: wa gaung dam: la: mung: Yaku' re shid' lhang: lhang yaug gai nau" khau byid'8
ra". – Rakhela' wa nga" bai: we' qam: ke' jho" zhaug' yang: aung: pye' va" ga: mho mung: ai: zoshao re Nabthali' ga: mang mhang" byid' ra".9
Lea wa yao: zo: khau dam: byaug: ru ba lao" Yaku' yham sang myhi" boe" nae" tau: yao" vhao cao: Zilapa re qhaug' byid' ra". –10
Lea vhao cao: Zilapa wa Yaku' tau: mae" yaug gai nau" khau myhung byid' ra". –11
Lea wa zhau: vha: vao lo va" ga: ai: zoshao12
re Gaid' ga: mang mhang" byid' ra". – Shid' lhang: ein: lhang Lea vhao cao myhi" Zilapa wa Yaku' re yaug gai nau" dam: khau byid:13
ra. – Ailao" Lea wa ngo nga: lho" va". Byu: zomyi: qe wa ngo re nga: lho" ra" yaug ga: mung: ta" genae" ga: mho mung: ai: zoshao re Asha: ga: mang mhang" byid' ra".14
Ai: thao saung so gaug yaid: shaung yo, mae Rubin: wa yothaung: din" khyo ye: lae" qin" au: sho: nau" mocid' shi: the' myao yang: yao: myhi" Lea jhao" yu: ci: lo: ra". Rakhela' wa ni" zo: ci: lo: ra" sho: nau" mocid' shi: ngo re daqhae: gae byid: la, ga:15
Lea jhao" mho' ra". – Airu: mung: Lea wa nga" yham sang pho" re lhaid' yu thao pe" dao" manghae" , ana" re: nga" zo: yu: lo: ra" sho: nau" mocid' shi: re: yu nug shi" i"? ga: mho lao" ni" zo" sho: nau" mocid' shi" aphug' khyo" ngaid veshao: ana" myi nga" yham sang pho" nao jhui" yab wa, ga:16
mho: ra". – Myi" thao Yaku' yo thaung: khyo" lo: ra" au: Lea thug' ye: mung: yetug: yu: ra". Nao ngo jhao" vao ca". Nga" zo: yu: lo: ra" sho: nau" mocid' shi" yang nao re vai: yu dang va" ga: mho yang: ai: myi17
mae yao: we' yab: ra". – Lea dao: thoe re Mo"so gyo: byid: yang: yao: wa gaung la: mung: Yaku' re ngo" yaug ein: ra" yaug gai:18
zo: khau byid' ra". – Nga" vhao cao re nga" yham sang pho" jhao" byid' ra" mathao mae Mo"so ngo re aphug' byid: va" ga: ta" mung: ai: zoshao re Iskha: ga: mang mhang" byid'19
ra". – Dam: dalhang Lea wa gaung la: mung: Yaku' re khyaug' yaug ein: ra" yaug20
gai zo: re khau byid' ra". – Lea wa Mo"so wa ngo re gai: thao" ra" jhaung qhu" byid: va". Nga" yham sang pho" re zo: khyaug' yaug khau myhung byid: va" ru mung: ai: zoshao re Zabulun: ga: mang mhang"21
ra". – Ai: thao mae myiqe: zo: dayaug khau mung: Dina: ga: mang mhang" byid'22
ra". – Ai: au: Mo"so wa Rakhela' re myid: beim" ru we' yao" dao: re gyo: byid: mung:23
zo: khau nyhug byid: yang: , – Yao: wa gaung la: mung: yaug gai zo: khau: ra". Airu: mung: yao: wa nga" qho' gyaug re shao: pye' byid: venhaung ga: yang: re: , –24
AsAng wa getau zo: dau re re: dam: paug' byid: veshao: ga: mung: ai: zoshao re Yoseb ga: mang mhang" ra".25
Ana" Rakhela' Yoseb re khau thao Yaku' wa ngo wa ngo yao" mang: khyo dam: lo"26
nae" tau: ngo re nhao: ke' la, se, . – Ngo o: kaung vao: na: au: qo" ra" myi: zo: qe re jhui: mung: lo" nae" akhang" byid: la, . Ngo o: kaung vao: ra" akhyo re nao ba gau27
ngaid: ga: La: Bain: re mho: re – La: Bain: re: nao myid: to" ru we' dakhyo: ngaid veshao: , AsAng wa ni" mathao mae ngo re min jhaung: byid' ru re ngo beim: so:28
va". – Ngo byid: ca" nae" o: kaung phug' re29
ta" wa, ngo byid: nae" ga: mho: re – ailao" Yaku' wa ngo nao re khoru: zaui: zho" lo: ru re re: ni" gug' nyhug' jham nga" lo,30
mae khoru: je" lo: ru re: nao ba va". – Ngo majoe" li" shi" ayo, mae ni" jo, nho" dajhid' za: angaid: ra". Ana" kam" wa gyai myo" laug: lo va" ra". Ngo zaui: so" ra" khyo khe' gau: khao: ngo" mae AsAng nao re min jhaung: byid: va". Ana" re: nga" yham khaung: tau: khonhae" seim" nyhang" zai31
i"? ga: mho: ra". – Ailao" La: Bain: wa ngo nao re pe" nam byid: zai i"? ga: mho: re , Yaku' wa pe" re: byid: maca". Ngaid qere: nao ngo re ce re" ru: kaid' byid: nug: ngaid re ni" caid' yao jham re qu" zam" caung shi:32
nae". – Ana" ne, yao: ni" caid' phung: , yao phung: jham alhab' geim" re yequ" mung: ataug' atung" mung: ra" caid' be, ma" ma" mung: ra" yao jham re gethaung: sain ye: khyin: kho' to: nae". Thao mae she, ai jham wa nga" o: kaung phug' ngaid veshao: . –33
Airu: mung: thao phyao: nga" o: kaung phug' akhyo nao li" qu" au: nga" din: main" ra" akhyo re ba nae" tau: ataug' atung" mangaid' ra" caid' be, , ama" mangaid' ra" yao , nga" gug' nyhug' jham mae bo: ngaid: re , khug' yu: ru ngaid: ra" ein: xam: wa,34
ga: mho: ra". – La: Bain: re: nao mho: khyo: ngaid veshao: ga: khae: yu mung: , –35
Ai: ba na mae yao: , ataug' atung" mung: ra" caid' be, lo: , tung" taug' ra" caid' mo" , aphyu lo: tung" ra" caid' be, alhab' we' ma" ma" mung: ra" yao alhab' re khyin: kho' mung: yao: zo: bam: lo, mae qhaug' byid'36
ra". – Yao: we' Yaku' agyo: mae sam ba su" ra" jo, qo mae to" to: nhao: ra". Yaku' wa dang shi" ra" La:bain" caid' yao jham re qu" zam" caung mung: na: na: ra".37
Ana" Yaku' wa sag' kaug' nyug: ra" Libna: gae ' Luza: gae we' Armun: sag' gae akaung jham xae" yu yang: aphyu anyug boe" sho' sag' kaug' re qhid' pye' mung: , –38
Ai re" ru: sag' kaug' qhid' lhang: sham" pye' va" ra" sag' lo, jham re caid' yao jham qid shaug' ra" qid tham: yae cao" yang: zhaug' qain" to" ra". Ai mae caid' yao jham amyug:39
cao" ko" ra". – Caid' yao jham wa ai: sag' lo, jham: nhae mae amyug: cao" ko" mung: atung" ataug' mung: ra" caid' nau" yao nau"40
jham xao" li" ko". – Yaku' wa yao nau" caid' nau" jham re re: kho' nha: to: mung: La:bain" yao zhain , caid' zhain mae atung" ataug' gu: , ama" ngaid: ra" gu: alhab' qhid' kheim: mae caid' yao jham myo, nho qang nhao: ra". Yao" gug' nyhug' jham we' La: Bain: gug' nyhug' jham daga" manha lo:41
khyin: kho' nha: to" ra". – Qam: o: gai: ra" caid' yao jham amyug: cao" ko" au: ai: sag' lo, nhae cao" vegeshao: ga: Yaku' wa qid lhao: jham mae ai: sag' lo, jham re caid' yao jham: qhid' au: mae cao" zhaug' to" ra".42
Qam: o: mabo mo; qhid' au: mae kam" wa mazhaug' qhu" to" ngaid: ra". Airu: mung: qam: maqi" ra" gu: wa La: Bain: re" ngaid: ra". Qam: qi" ra" gu: wa Yaku' tau:43
mae ngaid: ra". – Ai re" ru: Yaku' jo, nho" dai kham wa myo" je" li" mung: yao caid' be, , jeim myhi" , jeim pho" , ma dae myao: , myao: jham myo: sho' qo" ra".