1 Yaku' yham sang myhi" Lea kham: mae" zomyi: Dina: wa ai: mang: mae" myiqe: nau" qe we' bang" se" jho" jhau nae" ga:2 ye" lo" re – ai: mang: re ug: ra" Hivi amyu" Hamo: zug' yao: zo: Shekhim: wa Dina: re myao lao" jhui" yu: yab: pye' yang: Dina:3 re qho' phyo' byid' ra". – Ai: yaug: nhag' myid wa Yaku' yao: zo: Dina: mae ataui" na mung: ai: myiqe: nau" re jhid' de, mung: jhid' dao: kao dao: we' mhug' pyag' na: ra".4 Aimung: Shekhim: yao: pho" Hamo: re ce: myiqe: nau" re nga" yham sang myhi" boe" nae" ye: mho' byid: la, ga: mho: ra". –5 Yaku' wa yao: zo: Dina: re Shekhim" yang qho' phyo' byid' ru re ba ngaid qere: yao: zo: tao ho' wa seyo khyo gug' nyhug' jham we' ngaid ko" ru mung: sae za: shi" na: na:6 ra". – Ai: thao Hamo: zug: wa Yaku' we'7 jho" qhug' jhau nae" li" ra". – Yaku' yao: zo: tao ho' ai: thoe the' gyo: mung: seyo khyo" joe" lo ko" ra". Ai: zug: nau" wa Yaku' yao: zo: we' yab ko" mung: Israel amyu" mae mashab: ra" mau" , magai: kaid' ra" mau" zo" ngaid: ru mung: yao: nhae ho' nhag' gyid' nhag' no ko" ra". –8 Hamo: wa yao: bam we' jho" jhau: se" yang: nga" zo: Shekhim: wa naonhaung" zomyi: zo: re gyai jhid' de; ra" lo, xo' yu9 nae" akhang" byid: gela, . – Naonhaung" we' ngonhaung" zomo, yaug pho" kaid' gelang: , naonhaung" yao: zo: ngonhaung" re byid: gela, naonhaung" re: ngonhaung"10 yao: zo: yu ge, . – Naonhaung" wa ngon- haung" we' daga" zam" na zam" ye, mung: ce: mang: mae gelin: gego: na mung: gau mung myho" khyo" kaid' mung: sang: yu11 ge, ga: mho: ra". – Shekhim: re: naon- haung" qhid' kheim: mae myo, nho nga: lho" veshao: . naonhaung" mho' ko" gu:12 byid: nae". – Phug' jid; ngaid ngaid jhaung qhu" khyo" ngaid ngaid myo" ra" nang" ra" ein: mata" lo: , naonhaung" mho' ko" gu: byid: nae". Myiqe: nau" re za: lo, xo' yu nhao gela, ga: yao: pho" we' yao: maung13 bam re mho: ra". – Yaku' zo: qe wa yao: nhae: mo" Dina: re Shekhim: yang qho' phyo' byid' ru re nhag' khyi" khyi" yang: Shekhim: we' yao: pho" re pyag' mhug' juyi14 khyo" mho ko" ru wa , – ngonhae ho' nhae: mo" re nyaug maphyid' ra" yaug re magai: byid: , byid' ngaid: re su jung" pho: doe,15 nae". – Naonhaung" ngonhaung" li we' dakhyo: yaug gai yaug nge, nyaug phyid' khae: yu ko" ngaid: re ngonhaung" myid16 vang" ra". – Airu: ngaid lao" ngonhaung" nhae: mo" re naonhaung" re byid: mung: naonhaung" zomyi: qe re re: ngonhaung" yu yang: naonhaung" we' daga" zam" na17 mung: damyu" za: boe" lo" li" nae". – Airu: mangaid: ngonhaung" dao: re matae" gyo: nyaug phyid' ru re makhae: yu ko" re wa ngonhaung" nhae: mo" re jhui" yu yang: phao: lo" nae" ga: mho ko" ra".18 Ai: dao: thoe re Hamo: we' yao: zo:19 Shekhim: gyo" ngaui mung: . – Ai: zolau: zo wa Yaku' yao: zo: re saung" jhid' de, yang: re: , Yao: pho" amyu" zo: qe: tho' mae myo, nho nga: lao: qo" nae" ru: yang re:20 myid vang" khae: yu: ra". – Ailao" Hamo: we' yao: zo: Shekhim: wa vogaung" kham: dung: khyo lo" mung: vo byu qe re khai: zhang: mung: ta" sho' kyo: ko" ru wa , –21 Byu ce bam ngonhaung" we' myid vang" qhug' veko". Ngonhaung" mang: mae na mung: gau mung myho" khyo" vegeshao: , ngonhaung" mug: myid yao: bam qo" nae" nho" lae: ra". Yao: bam: zomyi: qe we' ug' khug' vai" gelang: . Ngonhaung" zomyi: qe22 re re: yao: bam re byid: gelang: . – Ngaid qere: , yao: bam wa nyaug phyid' ru khae: yu: ru we' dakhyo: ngonhaung" mae re: yaug gai yaug nge, nyaug phyid' lao" za: yao: bam wa ngonhaung" mae na mung: damyu" za: boe" nae" tau: yao: bam myid23 vang" genae". – Yao: bam: yao , nung: jaung ru" ra" gug' nyhug' jham jo, nho" zai yo jham alhab' ngonhaung" re" boe" zai ngaid: ra" mangaid: i"? Yao: bam o ngaui khyo: cao" gelang: . Airu: kaid' lao" yao: bam ngonhaung" khug mae na: na:24 li" genae". – Hamo: we' yao: zo: Shek- him: ta" ra" dao: re vogaung" kham: mo" dung: mae" thug' li" mo, alhab' re: gyo" cao" mung: yaug gai na mae: na wa nyaug phyid' ru re khae: yu ko" ra"25 Nyaug phyid' thao sam ba ein: ba mae gyai no: na ko" au: Yaku' yao: zo: Dina: yao: mao: Simun: we' Levi' tao wa shae lhae ci mung: ngam" mo" myid' na: bam ko" ra" vobyu yaug gai alhab' re se' pye' ko"26 ra". – Hamo: we' yao: zo: Shekhim: re re: shae: yang qam" se' pye' mung: Dina: re Shekhim" yham mae" jhui" yu mung: phao:27 thug' lo" ko" ra". – Yao: nhae ho' yao: nhaung: Dina: qho' phyo' phau" ra" mathao mae Yaku' yao: zo: qe wa se' to: va" mo, jhao" dalhang dam: ye: mung: vo re phyo' sin" yu: pye' ko" ra"28 Yao: bam: yao caid' nung: myao: jham mae" mung: vo mae jo; gu: alhab' yo thaung: mae jo; ra" zai yo jham re re: . –29 Yao: bam: myi: zo: qe re re: , zoshao jham re re: sham" yu mung: yham khao: ngo" mae jo; ra" gu: alhab' re lhaid' yu phyo' sin"30 pye' ko" ra". – Ailao" Yaku' wa naonhaung" ngo re pyam" yhin" veko" ra". Khanani byu ; Pherezi byu ga" ra" ce mang" byu qe wa ngo re ca' gyaug genaeva" myao:. Nyhao: nhaung" mae byu qam: nang" ra" mathao mae yao: bam zhang: yang: ngo re khe' zin" ru: yang ngo we' nga" yham byu qe re phyo' se' pye' genaeva" myao: ga: Simun: we'31 Levi' tao re mho: re . – Yao: tao wa nga" nhae: mo" re yaug zhang: myhi" re" ru: jho yang: kaid' gai: i"? ga: dam: tau: ko" ra" .