1
Ana" Yaku' qhid' au: khyo qu" ke' re yao: mao: Eso" wa byu byid yo we' li" na: ru re myao lao". Lea ' Rakhela'. vhao cao2
qe re zoshao myho" gae byid' ra". – Vhao cao shid' yaug we' yao: zo: qe re qhid' au: mae na nhao mung: Lea we' yao: zo: qe re wa agaung: mae Rakhela' we' Yoseb ma: re3
thao thao" mae nha: to" ra". – Yao: bam: qhid' au: khyo yao: lai: lo" mung: nhaid' lhang goe; gam" au: pa" yang: yao: mao:4
jhao" qui" te' ye" ra". – Eso" re: yao: we' jho" qhug' sho' tao" li" mung: ge; vo, yang: bobaug baug: ra". Shid' tao: geim" gyi:5
ngug ko" ra". – Ai: thao tau: qu" ke' re myiqe: qe , zoshao qe re the' myao yang: nao jhao" cao: li" ko" ra" ce bam wa khag' ngaid: i"? ga: myid' re Mo"so ni" jeim pho" re byid' ra" mo, ngaid ko" ra" ga: tau"6
ra". – Vhao cao tao we' zoshao qe wa qui" te' ye: mung: goe; gam" au: pa" ko" ra". –7
Ai: thao Lea we' yao: zo: bam qui" te' ye: mung: goe; gam" au: pa" ko" ra". Lo" thao" mae Rakhela' we' Yoseb qui" ye: mung:8
goe; gam" pa" ko" ra". – Eso" wa ngo the' myao: ke' ra" gug' nyhug' jham wa khoru" ru i"? ga: myid' re ni" qhid' kheim: mae ngo nga: lho" nae" tau: ngaid: ra" ga: tau:9
byid' ra". – Eso" wa nga" nhaung: we" ngo mae la laug sho' qo", ai: gu: ga" va" , ni" jo, nho" dai kham re zam" to: shi: wa, ga:10
mho: ra". – Yaku' wa airu: mangaid: nae" , ngo ni" qhid' kheim: mae nga: lho" ru dang: ngaid: re ngo byid' ra" jhaung qhu" jham khae: yu byid: la, . Mo"so: myo, khung: re the' myao: ru re" ru: ni" myo, khung: re11
the' myao va". – Nao re: , ngo re jhid' kao: ru bo: ra" , nao jhao" joe" ra" nga" jhaung qhu" re akhae: yu byid: la, . Mo"so ngo re jeju kaid' va". Ngo mae la laug sho' jo; ga: jhain: byid' ra" mathao mae khae: yu: ra". –12
Ailao" Eso" wa to" gelang: se, ni" qhid' au:13
mae ngo su: nae" ga: mho: ra". – Yaku' wa zoshao jham ngai shi" mung: makhye' shi: ko". Caid' yao nung: jaung mo" jham mae anau" bo: bo mung: dane, za: saung" keim"14
tain" lao" alhab' shid: byaug genae". – Airu: mung: nao nga" qhid' khyo lo" na wa, se, . Ngo kam" wa gug' nyhug' jham qo" su: ko" nho" nao na: jao: Seir mang: joe" sho' zo"15
zo" mae" cao" lo nae" ga: mho: ra". – Eso" wa airu: ngaid lao" wa nga" byu daqhae: re naonhaung" mae nha: to: co' nae" ga: mho: re pe" ga: ngaid nae" ni" qhid' kheim: mae myo, nho za: lu veshao: ga: mho: lao". –16
Eso" wa ai: ba mae" yao: Seir mang: khyo17
dam: tug' lo" ra". – Yaku' re: Sukug' ga" jo, qo khyo xo' su" ye" lo" mung: yao: na nae" yham re re: , gug' nyhug' jham lhaung" nae" zaung re re: kaid' ra". Ai: mathao mae ai: jo, qo re Sukug' ga: mang: lo: ru ngaid: ra".18
Ai: thao pe" qug: qe" maqhug' Shek- him: khyo joe" ko" ra". Padain:Aram: mae" lo mung: Khanain: mang: lo" ra" khyo mae jo; ra". Ai: vo nhae mae na nae" zaung re19
kaid' ra". – Zaung kaid' ra" myid gaung cug' re Shekhim" yao: pho" Hamo: zo: qe20
mae" ngaui dajoe" yang vai: yu: ra". – Ai: jo, qo mae re: , xeim: ngaui" phain re kaid' yang: Elohe: Israel ga: mhang" ko" ra".