1 Ailao" Isag wa Yaku' re khai: yu mung: nao wa Khanain: zomyi: qe we' yham2 dang: ug' khug' magai: vai". – Ni" myhi" yao: pho" Bethuela' amyu" na: ra" Padain: Aram: khyo lo" wa,. Ni" phaung" La:bain" zo: dayaug yaug we' ug' khug' vai" wa,. –3 Kheim: so' qi" thao" Mo"so wa nao re jhaung: xe: byid: mung: na: je" lo" mung: byumyu" qi: boe" nhao yang: myo: laug: lo4 nhao veshao:. – Mo"so Abraham re byid' ra". Ana" nao khug ngha: na: ra" mug: myid cemae ni" khyao kham khyao khae: maboe" nae" tau: nao re re: , ni" zo: myid: qere re: Abraham: min jhaung: xe: jeju byid: veshao: wo" ga: mho mung: nhao: ke' ra".5 Ai re" ru: Yaku' wa yao: we' Eso" yao: myhi" Rebedkha yao: maung Suri' byu Bethuela' yao: zo: La: Bain: na: ra" Padain: Aram: mang: khyo Yaku' ye" lo" ra" .6 Ai re" ru: Isag wa Yaku' re min gam byid: mung: Padain: Aram: mang: khyo myiqe: ye: yu nae" tau: nhao: ke' ra" akhyo re re: Khanain: mang: mae" zomyi: qe we' ug' khug' magai: vai" nae" ga: min byid' ra"7 au: mho: to" khyo re re: , – Yaku' wa myhi" pho" dao: tae" gyo: mung: Padain: Aram: mang: khyo ye" lo" ga" akhyo re re: , –8 Khanain: amyu" zomyi: qe re Isag ma-o ngaui ga" ra" akhyo re re: , Eso" the' myao:9 ba yang: , – yao: wa Ishamela' jhao" ye: mung: sao qhid' yham sang myhi" tao mae" getau Abraham khau: ra" Ishamela' yao: zo: Nabayud' yao: nhae: mo" Mahalad' re ye: yu: ra".10 Yaku' wa Berasheba' mae" to" thug'11 mung: Harain: khyo ye" lo" na: au: , – jo, qo dajao: mae joe" mung: mug: caid' lo yang: yab nae" myid: ru we' laug baui dabaui yu12 mung: au: khau" khau" yab: ra". – Yao: yab mo, mae the' myao: ru wa myid gaung mae" zam thao zhaung: ru mug: gaung myhi sho' ngaid: ra". Ai: zam thao mae Mo"so: mug: logyo: qe do, do, gyo" gyo" kaid' na13 ko" ra", – AsAng wa zam thao au: mae ye; jo, mung: Ngo wa ni" pho" Abraham , Isag AsAng Mo"so ga" ra" thain" madaui gyag maqui" Mo"so ngaid: . Nao yab: ra" jo, qo mug: myid re ni" akaung ako' jham re Ngo14 byid: nae". Ni" akaung ako' jham wa myid mae" phaui: lhug re" ru: myo: laug genae". Qid bang: qid meim ba thug' ba vao mug: myid: myo, nho khyi" khao: ngo" khyo na: ye" lo" li" genae". Nao we' ni" akaung ako' qe khyo" yang byumyu" cao jab wa min qo" khae: yu: li" genae". Nao re Ngo mashepye'15 to: nae" ga: mho: ra". – Ngo nao we' daga" ngaid: , nao ye" lo" gau: khyo khao: ngo" Ngo lhaug' zaung" nae". Ce: mang: khyo dam: jhui" yu shi: nae". Dao: so: mabyang" byang" wa Ngo nao re mashepye' nae" ga:16 mho: ra".– Yaku' beim" so" li" re , gai gai: yao: AsAng wa ce: jo, qo mae na nhaung17 ngo wa maba mabeim:. – Yao: wa gyaug: din: ru we' ce: jo, qo wa gyaug pho: jo, qo ngaid nhaung. Ce: jo, qo wa getau mangaid: Mo"so: yham we' mug: gaung: kham: dung: ngaid nhaung: ru ga: mho: ra".18 Yaku' wa ne, seim no' to" mung: laug baui re yu mung: so: xam: zang tau: zhaug' yang: zang nyaug mae xau vhe'19 gyain" ra". – Ai: jo, qo re re: Bethela' ga: mhang" ra". Ai: vo: mang axug' wa Luza:20 ga" ru ngaid: ra". – Ailao" Yaku' wa Mo"so nga" bo: de; ngaid re ana" ngo ye" lo" ra" gyaung: khyo mae ngo re lhaug' zaung" mung: zo: nae" zo: pho: . ve, nae" mai bau:21 byid' ngaid: re , – ngo wa nga" pho" yham khyo yaug yo za: dam: joe" lo: ngaid: re so: xam: kaid' mung: ngo tau: zhaug' co' laug baui re: AsAng Mo"so: yham boe" nae"22 ngaid: . – Mo"so ngo re byid' ra" gu: mae" daxe bam mae" dabam qhaug' byid: nae" ga: dao: so: to" ra".